ΚΑΙΝΉ ΔΙΑΘΉΚΗ » Codex 032 Вашингтонский кодекс — 5 век

ΜΑΤΘΑΙΟΝ 2 ΚΑΤΑ ΜΑΤΘΑΙΟΝ 2 ΚΕΦΆΛΑΙΟ

1 του δε ι̅υ̅ γεννηθεντοϲ εν βηθλεεμ τηϲ ιουδαιαϲ εν ημεραιϲ ηρωδου του βαϲιλεωϲ ιδου μαγοι απο ανατολων παρεγενοντο ειϲ ιερουϲαλημ
2 λεγοντεϲ που εϲτιν ο τεχθειϲ βαϲιλευϲ των ιουδαιων ιδομεν γαρ αυτου τον αϲτερα εν τη ανατολη και ηλθομεν προϲκυνηϲαι αυτω
3 ακουϲαϲ δε ηρωδηϲ ο βαϲιλευϲ εταραχθη και παϲα ιεροϲολυμα μετ αυτου
4 και ϲυναγαγων πανταϲ τουϲ αρχιερειϲ και γραμματιϲ του λαου επυνθανετο παρ αυτων που ο χ̅ϲ̅ γενναται
5 οι δε ειπον αυτω εν βηθλεεμ τηϲ ιουδαιαϲ ουτωϲ γαρ γεγραπται δια του προφητου
6 και ϲυ βηθλεεμ τη ιουδα ουδαμωϲ ελαχειϲτη ει εν τοιϲ ηγεμοϲιν ιουδα εκ ϲου γαρ εξελευϲεται ηγουμενοϲ οϲτιϲ ποιμανει τον λαον μου τον ιϲραηλ
7 τοτε ηρωδηϲ λαθρα καλεϲαϲ τουϲ μαγουϲ ηκριβωϲεν παρ αυτων τον χρονον του φαινομενου αϲτεροϲ
8 και πεμψαϲ αυτουϲ ειϲ βηθλεεμ ειπε̅ πορευθεντεϲ ακριβωϲ εξεταϲατε περι του παιδιου επαν δε ευρηται απαγγειλαται μοι οπωϲ καγω ελθων προϲκυνηϲω αυτω
9 οι δε ακουϲαντεϲ του βαϲιλεωϲ επορευθηϲαν και ιδου ο αϲτηρ ον ειδον εν τη ανατολη προηγεν αυτουϲ εωϲ ελθων εϲτη επανω ου ην το παιδιον
10 ιδοντεϲ δε τον αϲτερα εχαρηϲαν χαραν μεγαλην ϲφοδρα
11 και ελθοντεϲ ειϲ την οικειαν ιδον το παιδιον μετα μαριαϲ τηϲ μητροϲ αυτου και πεϲοντεϲ προϲεκυνηϲαν αυτω και ανοιξαντεϲ τουϲ θηϲαυρουϲ αυτων προϲηνεγκαν αυτω δωρα χρυϲον και λιβανον και {ζμυρναν} [2]
12 και χρηματιϲθεντεϲ κατ οναρ μη ανακαμψαι προϲ ηρωδην δι αλληϲ οδου ανεχωρηϲαν ειϲ την χωραν αυτων
13 αναχωρηϲαντων δε αυτων ιδου αγγελοϲ κ̅υ̅ φαινεται τω ιωϲηφ κατ οναρ λεγων εγερθειϲ παραλαβεν το παιδιον και την μητερα αυτου και φευγε ειϲ αιγυπτον και ειϲθει εκει εωϲ αν ειπω ϲοι μελλει γαρ ηρωδηϲ ζητειν το παιδιον του απολεϲαι αυτο
14 ο δε εγερθειϲ παρελαβεν το παιδιον και την μητερα αυτου νυκτοϲ και ανεχωρηϲεν ειϲ αιγυπτον
15 και ην εκει εωϲ τηϲ τελευτηϲ ηρωδου ινα πληρωθη το ρηθεν υπο κ̅υ̅ δια του προφητου λεγοντοϲ εξ αιγυπτου εκαλεϲα τον υιον μου
16 τοτε ηρωδηϲ ιδων οτι ενεπεχθη υπο των γαμων εθυμωθη λιαν και αποϲτιλαϲ ανειλε πανταϲ τουϲ παιδαϲ τουϲ εν βηθλεεμ και εν παϲι τοιϲ οριοιϲ αυτηϲ απο διετουϲ και κατωτερω κατα τον χρονον ον ηκριβωϲεν παρα των μαγων
17 τοτε επληρωθη το ρηθεν δια ιηρεμιου {} [3] λεγοντοϲ
18 φωνη εν ραμα ηκουϲθη θρηνοϲ και κλαθμοϲ και οδυρμοϲ πολυϲ ραχηλ κλεουϲα τα τεκνα αυτηϲ και ουκ ηθελεν παρακληθηναι οτι ουκ ειϲιν
19 τελευτηϲαντοϲ δε του ηρωδου ιδου αγγελοϲ κ̅υ̅ κατ οναρ φαινεται τω ιωϲηφ εν αιγυπτω
20 λεγων εγερθειϲ παραλαβε το παιδιον και την μητερα αυτου και πορευου ειϲ γην ιϲραηλ τεθνηκαϲι γαρ οι ζητουντεϲ την ψυχην του παιδιου
21 ο δε εγερθειϲ παρελαβεν το παιδιον και την μητερα αυτου και ηλθεν ειϲ γην ιϲραηλ
22 ακουϲαϲ δε οτι αρχελαοϲ βαϲιλευει επι τηϲ ιουδαιαϲ αντι του π̅ρ̅ϲ̅ αυτου ηρωδου εφοβηθη εκει απελθειν χρηματιϲθειϲ δε κατ οναρ ανεχωρηϲεν ειϲ τα μερη τηϲ γαλιλαιαϲ
23 και ελθων κατωκηϲεν ειϲ πολιν λεγομενην ναζαρετ οπωϲ πληρωθη το ρηθεν δια των προφητων οτι ναζωρεοϲ κληθηϲεται

Примечания:

11  [2] a {ϲμυρναν}
17  [3] a {του προφητου}

Нашли в тексте ошибку? Выделите её и нажмите: Ctrl + Enter

Евангелие от Матфея, 2 ΚΕΦΆΛΑΙΟ. Вашингтонский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΜΑΤΘΑΙΟΝ 2 ΚΕΦΆΛΑΙΟ в переводах:
ΜΑΤΘΑΙΟΝ 2 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.