1 και αποκριθειϲ ο ι̅ϲ̅ ειπεν αυτοιϲ εν παραβολαιϲ λεγων
2 ομοιωθη η βαϲιλεια των ουρανων α̅ν̅ω̅ βαϲιλει οϲτιϲ εποιηϲεν γαμουϲ τω υιω αυτου
3 και απεϲτιλεν τουϲ δουλουϲ αυτου καλεϲαι τουϲ κεκλημενουϲ ειϲ τουϲ γαμουϲ και ουκ ηθελον ελθειν
4 παλιν απεϲτιλεν αλλουϲ δουλουϲ λεγων ειπατε τοιϲ κεκλημενοιϲ ιδου το αριϲτον μου ητοιμαϲα οι ταυροι μου και τα ϲιτιϲτα μου τεθυμενα και παντα ετοιμα δευτε ειϲ τουϲ γαμουϲ
5 οι δε αμεληϲα̅τεϲ απηλθον οϲ μεν ειϲ τον ιδιον αγρον οϲ δε ειϲ την εμποριαν αυτου
6 οι δε λοιποι κρατηϲαντεϲ τουϲ δουλουϲ υβριϲαν και απεκτιναν
7 και ακουϲαϲ ο βαϲιλευϲ εκεινοϲ {υβριϲθη} [32] και πεμψαϲ τα ϲτρατευματα αυτου απωλεϲεν τουϲ φονειϲ εκεινουϲ και την πολιν αυτων ενεπρηϲε̅
8 τοτε λεγει τοιϲ δουλοιϲ αυτου ο μεν γαμοϲ ετοιμοϲ εϲτιν οι δε κεκλημενοι ουκ ηϲαν αξιοι
9 πορευεϲθαι ουν επι ταϲ διεξοδουϲ των οδων και οϲουϲ αν ευρηται καλεϲατε ειϲ τουϲ γαμουϲ
10 και εξελθοντεϲ οι δουλοι εκεινοι ειϲ ταϲ οδουϲ ϲυνηγαγον πανταϲ οϲουϲ ευρον πονηρουϲ τε και αγαθουϲ και επληϲθη ο γαμοϲ ανακειμενων
11 ειϲελθων δε ο βαϲιλευϲ θεαϲαϲθαι τουϲ ανακειμενουϲ ειδεν εκει α̅ν̅ο̅ν̅ ουκ ε̅δεδυμενον ενδυμα γαμου
12 και λεγει αυτω ετερε πωϲ ειϲηλθεϲ ωδε μη εχων ενδυμα γαμου ο δε εφιμωθη
13 τοτε ειπεν ο βαϲιλευϲ τοιϲ διακονοιϲ δηϲαντεϲ αυτου ποδαϲ και χειραϲ αρατε αυτον και εκβαλεται ειϲ το ϲκοτοϲ το εξωτερον εκει εϲται ο {κλαθμοϲ} [33] και ο βρυγμοϲ των οδοντων
14 πολλοι γαρ ειϲιν κλητοι ολειγοι δε εκλεκτοι
15 τοτε πορευθεντεϲ οι φαριϲαιοι ϲυμβουλιον ελαβον οπωϲ αυτον παγιδευϲωϲι̅ εν λογω
16 και αποϲτελλουϲιν αυτω τουϲ μαθηταϲ αυτων μετα των ηρωδιανω̅ λεγοντεϲ διδαϲκαλε οιδαμεν οτι αληθηϲ ει και την οδον του θ̅υ̅ εν αληθεια διδαϲκειϲ και ου μελει ϲοι περι ουδενοϲ ου γαρ βλεπειϲ ειϲ προϲωπον ανθρωπων
17 ειπε ουν ημιν τι ϲοι δοκει εξεϲτι κηνϲον δουναι καιϲαρι η ου
18 γνουϲ δε ο ι̅ϲ̅ ταϲ πονηριαϲ αυτων ειπε̅ τι με πειραζεται υποκριται
19 επιδιξατε μοι το νομιϲμα του κηνϲου οι δε προϲηνεγκαν αυτω δηναριον
20 και λεγει αυτοιϲ τινοϲ η ικων αυτη και η επιγραφη
21 λεγουϲιν αυτω καιϲαροϲ τοτε λεγει αυτοιϲ αποδοτε ουν τα κεϲαροϲ κεϲαρι και τα του θ̅υ̅ τω θ̅ω̅
22 και ακουϲαντεϲ εθαυμαϲαν και αφεντεϲ αυτον {απηλθαν} [34]
23 εν εκεινη τη ημερα προϲηλθον αυτω ϲαδδουκαιοι οι λεγοντεϲ μη ειναι αναϲταϲιν και επηρωτηϲαν αυτον
24 λεγο̅τεϲ διδαϲκαλε μωυϲηϲ ειπεν εαν τιϲ αποθανη μη εχων τεκνα επιγαμβρευϲη ο αδελφοϲ αυτου την γυναικα αυτου και αναϲτηϲει ϲπερμα τω αδελφω αυτου
25 ηϲαν δε παρ ημιν επτα αδελφοι και ο πρωτοϲ γαμηϲαϲ ετελευτηϲεν και μη εχων ϲπερμα αφηκεν την γυναικα αυτου τω αδελφω αυτου
26 ομοιωϲ και ο δευτεροϲ και ο τριτοϲ εωϲ των επτα
27 υϲτερον δε παντων απεθανεν η γυνη
28 εν τη ουν αναϲταϲι τινοϲ των επτα εϲται γυνη παντεϲ γαρ εϲχον αυτην
29 αποκριθειϲ δε ο ι̅ϲ̅ ειπεν αυτοιϲ πλαναϲθαι μη ειδοτεϲ ταϲ γραφαϲ μηδε την δυναμιν του θ̅υ̅
30 εν γαρ τη αναϲταϲει ουτε γαμουϲιν ουτε γαμιϲκονται αλλ ωϲ αγγελοι του θ̅υ̅ εν ουρανω ειϲιν
31 περι δε τηϲ αναϲταϲεωϲ των νεκρων ουκ ανεγνωτε το ρηθεν υμιν υπο του θ̅υ̅ λεγοντοϲ
32 εγω ειμει ο θ̅ϲ̅ αβρααμ και ο θ̅ϲ̅ ιϲαακ και ο θ̅ϲ̅ ιακωβ ουκ εϲτι̅ θ̅ϲ̅ νεκρων αλλα ζωντων
33 και ακουϲαντεϲ οι οχλοι εξεπληϲϲοντο επι τη διδαχη αυτου
34 οι δε φαριϲαιοι ακουϲαντεϲ οτι εφιμωϲεν τουϲ ϲαδδουκαιουϲ ϲυνηχθηϲαν επι το αυτο
35 και επηρωτηϲεν ειϲ εξ αυτων νομικοϲ πειραζων αυτον και λεγων
36 διδαϲκαλε ποια εντολη μεγαλη εν τω νομω
37 ο δε ι̅ϲ̅ ειπεν αυτω αγαπηϲειϲ κ̅ν̅ τον θ̅ν̅ ϲου εν ολη καρδια ϲου και εν ολη ψυχη ϲου και εν ολη τη διανοια ϲου
38 αυτη εϲτιν η πρωτη και η μεγαλη εντολη
39 δευτερα δε ομοια αυτη αγαπηϲιϲ τον πληϲιον ϲου ωϲ ϲεαυτον
40 εν ταυταιϲ ταιϲ δυϲιν εντολαιϲ ολοϲ ο νομοϲ και οι προφηται κρεμανται
41 ϲυνηγμενων δε των φαριϲαιων επηρωτηϲεν αυτουϲ ο ι̅ϲ̅
42 λεγων τι υμιν δοκει περι του χ̅υ̅ τινοϲ υιοϲ εϲτιν λεγουϲιν αυτω του δαυειδ
43 λεγει αυτοιϲ πωϲ ουν δαυειδ εν π̅ν̅ι̅ κ̅ν̅ αυτον καλει λεγων
44 ειπεν ο κ̅ϲ̅ τω κ̅ω̅ μου καθου εκ δεξιων μου εωϲ αν θω τουϲ εχθρουϲ ϲου υποποδιον των ποδων ϲου
45 ει ουν δαυειδ καλει αυτον κ̅ν̅ πωϲ υιοϲ αυτου εϲτιν
46 και ουδειϲ εδυνατο αυτω αποκριθηναι λογον ουδε ετολμηϲεν τιϲ απ εκεινηϲ τηϲ ωραϲ επερωτηϲαι αυτον ουκετι
Примечания:
7 [32] {ωργιϲθη}
13 [33] {κλαυθμοϲ}
22 [34] a {απηλθον}
Нашли в тексте ошибку? Выделите её и нажмите:
Ctrl + Enter
Евангелие от Матфея, 22 ΚΕΦΆΛΑΙΟ. Вашингтонский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.