1 προϲεχετε την ελεημοϲυνην υμων μη ποιειν εμπροϲθεν των ανθρωπω̅ προϲ το θεαθηναι αυτοιϲ ει δε μη γε μιϲθον ουκ εχεται παρα τω π̅ρ̅ι̅ υμων τω εν τοιϲ ουρανοιϲ
2 οταν ουν ποιηϲ ελεημοϲυνην μη ϲαλπιϲηϲ εμπροϲθεν ϲου ωϲπερ οι υποκριτε ποιουϲιν εν ταιϲ ϲυναγωγαιϲ και εν ταιϲ ρυμαιϲ οπωϲ δοξαϲθωϲι̅ υπο των ανθρωπων αμην λεγω υμι̅ απεχουϲιν τον μιϲθον αυτων
3 ϲου δε ποιουντοϲ ελεημοϲυνην μη γνωτω η αριϲτερα ϲου τι ποιει η δεξια ϲου
4 οπωϲ η ϲου η ελεημοϲυνη εν τω κρυπτω και ο π̅η̅ρ̅ ϲου ο βλεπω̅ εν τω κρυπτω αυτοϲ αποδωϲι ϲοι ε̅ τω φανερω
5 και οταν προϲευχη ουκ εϲη ωϲπερ οι υποκριται οτι φιλουϲιν εν ταιϲ ϲυναγωγαιϲ και εν ταιϲ γωνιαιϲ των πλατιων εϲτωτεϲ προϲευχεϲθαι οπωϲ αν φανωϲιν τοιϲ ανθρωποιϲ αμην λεγω υμιν οτι απεχουϲιν τον μιϲθον αυτων
6 ϲυ δε οταν προϲευχη ειϲελθε ειϲ το ταμιον ϲου και κλιϲαϲ την θυραν ϲου προϲευξε τω π̅ρ̅ι̅ ϲου τω εν τω κρυπτω και ο π̅η̅ρ̅ ϲου ο βλεπων ε̅ τω κρυπτω αποδωϲη ϲοι εν τω φανερω
7 προϲευχομενοι δε μη βατταλογειται ωϲπερ οι εθνικοι δοκουϲιν γαρ {} [7] εν τη πολυλογια αυτων ειϲακουϲθηϲονται
8 μη ουν ομοιωθηται αυτοιϲ οιδεν γαρ ο π̅η̅ρ̅ υμων ων χρειαν εχεται προ του υμαϲ αιτηϲαι αυτον
9 ουτωϲ ουν προϲευχεϲθαι υμειϲ πατερ ημων ο εν τοιϲ ουρανοιϲ αγιαϲθητω το ονομα ϲου
10 ελθατω η βαϲιλεια ϲου γενηθητω το θελημα ϲου ωϲ εν ουρανω και επι γηϲ
11 τον αρτον ημων τον επιουϲιον δοϲ ημιν ϲημερο̅
12 και αφεϲ ημιν τα οφιληματα ημων ωϲ και ημειϲ αφιομεν τοιϲ οφιλεταιϲ ημων
13 και μη ειϲενεγκηϲ ημαϲ ειϲ πειραϲμον αλλα ρυϲαι ημαϲ απο του πονηρου οτι ϲου εϲτιν η βαϲιλεια και η δυναμειϲ και η δοξα ειϲ τουϲ αιωναϲ αμην
14 εαν γαρ αφηται τοιϲ ανθρωποιϲ τα παραπτωματα {υμων} [8] αφηϲει και υμιν ο π̅η̅ρ̅ υμων ο ουρανιοϲ
15 εαν δε μη αφηται τοιϲ ανθρωποιϲ τα παραπτωματα αυτων ουδε ο π̅η̅ρ̅ υμων αφηϲει τα παραπτωματα υμων
16 οταν δε νηϲτευηται μη γινεϲθαι ωϲπερ οι υποκριται ϲκυθρωποι αφανιζουϲιν γαρ τα προϲωπα αυτων οπωϲ φανωϲιν τοιϲ ανθρωποιϲ νηϲτευοντεϲ αμην λεγω υμιν οτι απεχουϲιν τον μιϲθον αυτων
17 ϲυ δε νηϲτευων αλιψε ϲου την κεφαλην και το προϲωπον ϲου νιψε
18 οπωϲ μη φανηϲ τοιϲ ανθρωποιϲ νηϲτευων αλλα τω π̅ρ̅ι̅ ϲου τω εν τω κρυπτω και ο π̅η̅ρ̅ ϲου ο βλεπων εν τω κρυπτω αυτοϲ αποδωϲι ϲοι
19 μη θηϲαυριζεται υμιν θηϲαυρουϲ επι τηϲ γηϲ οπου ϲηϲ και βρωϲιϲ αφανιζει και οπου κλεπται διορυϲϲουϲιν και κλεπτουϲιν
20 θηϲαυριζεται δε υμι̅ θηϲαυρουϲ εν ουρανω οπου {ουδε} [9] ϲηϲ ουτε βρωϲιϲ αφανιζει και οπου κλεπται ου διορυϲϲουϲιν
21 οπου γαρ εϲτιν ο θηϲαυροϲ υμων εκει εϲται και η καρδια υμων
22 ο λυχνοϲ του ϲωματοϲ εϲτιν ο οφθαλμοϲ εαν ουν η ο οφθαλμοϲ ϲου απλουϲ ολον το ϲωμα ϲου φωτινον εϲται
23 εαν δε η ο οφθαλμοϲ ϲου πονηροϲ ολον το ϲωμα ϲου ϲκοτινον εϲται ει ουν το φωϲ το εν ϲοι εϲτιν ϲκοτοϲ το ϲκοτοϲ ποϲον
24 ουδειϲ δυναται δυϲιν κυριοιϲ δουλευειν η γαρ τον ενα μειϲηϲει και τον ετερον αγαπηϲει η ενοϲ ανθεξεται και του ετερου καταφρονηϲει ου δυναϲθαι θ̅ω̅ δουλευειν και μαμωνα
25 δια τουτο λεγω υμιν μη μεριμναται τη ψυχη υμων τι φαγηται η τι πιηται μηδε τω ϲωματι υμων τι ενδυϲηϲθαι ουχι η ψυχη πλειον εϲτιν τηϲ τροφηϲ και το ϲωμα του ενδυματοϲ
26 εμβλεψατε ειϲ τα πετινα του ουρανου οτι ου ϲπιρουϲιν ουδε θεριζουϲιν ουδε ϲυναγουϲιν ειϲ αποθηκαϲ και ο π̅η̅ρ̅ υμων ο ουρανιοϲ τρεφει αυτα ουχει υμειϲ μαλλον διαφερεται αυτων
27 τιϲ δε εξ υμων μεριμνων δυναται προϲθειναι επι την ηλικειαν αυτου πηχυν ενα
28 και περι ενδυματοϲ τι μεριμναται καταμαθεται τα κρινα του αγρου πωϲ αυξανει ου κοπια ουδε νηθει
29 λεγω δε υμιν ουδε ϲολομων εν παϲη τη δοξη αυτου περιεβαλετο ωϲ εν τουτων
30 ει δε τον χορτον του αγρου ϲημερον εν αγρω οντα και αυριον ειϲ κλειβανον βαλλομενον ο θ̅ϲ̅ ουτωϲ αμφιεννυϲιν ου πολλω μαλλον υμαϲ ολιγοπιϲτοι
31 μη ουν μεριμνηϲηται λεγοντεϲ τι φαγωμεν η τι πιωμε̅ η τι περιβαλωμεθα
32 παντα γαρ ταυτα τα εθνη επιζητει οιδεν γαρ ο π̅η̅ρ̅ υμων ο ουρανιοϲ οτι χρηζεται τουτων απαντων
33 ζητειται δε πρωτον την βαϲιλειαν του θ̅υ̅ και την δικαιωϲυνην αυτου και ταυτα παντα προϲτεθηϲεται υμιν
34 μη ουν μεριμνηϲηται ειϲ την αυριον η γαρ αυριον μεριμνηϲει εαυτηϲ αρκετον τη ημερα η κακεια αυτηϲ
Примечания:
7 [7] a {οτι}
14 [8] {αυτων}
20 [9] {ουτε}
Нашли в тексте ошибку? Выделите её и нажмите:
Ctrl + Enter
Евангелие от Матфея, 6 ΚΕΦΆΛΑΙΟ. Вашингтонский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.