1 και ειϲελθοντοϲ αυτου ειϲ τη̅ ϲυναγωγην ερχεται ανθρωποϲ προϲ αυτον εχων ξηραν την χειρα
2 και παρετηρουντο αυτον ει τοιϲ ϲαββαϲιν θεραπευει ινα κατηγορηϲωϲιν αυτου
3 και λεγει τω ανθρωπω τω εχοντι την χειρα ξηραν εγειρε εκ του μεϲου
4 και λεγει αυτοιϲ εξεϲτιν τοιϲ ϲαββαϲιν αγαθον ποιηϲαι η ου ψυχην ϲωϲαι η απολεϲαι οι δε εϲιωπων
5 περιβλεψαμενοϲ δε αυτουϲ μετ οργηϲ επι τη πωρωϲει τηϲ καρδιαϲ αυτων λεγει τω ανθρωπω εκτεινον την χειρα ϲου και εξετινεν και απεκατεϲταθη η χειρ αυτου
6 εξελθοντεϲ δε οι φαριϲαιοι μετα των ηρωδιανων ϲυνβουλιον εποιουντο κατ αυτου οπωϲ αυτον απολεϲωϲιν
7 ο δε ι̅ϲ̅ ανεχωρηϲεν μετα των μαθητω̅ αυτου προϲ την θαλαϲϲαν και πολυ πληθοϲ απο τηϲ γαλιλαιαϲ και τηϲ ιουδαιαϲ
8 και απο ιεροϲολυμων και περαν του ιορδανου και περι τυρον και ϲιδονα ηκολουθουν αυτω ακουοντεϲ οϲα εποιει
9 και ειπεν τοιϲ μαθηταιϲ αυτου ινα πλοιαριον προϲκαρτερη αυτω δια τον οχλον ινα μη θλιβωϲιν αυτον
10 πολλουϲ γαρ εθεραπευεν ωϲτε επεπιπτο̅ {αυτου} [3] ινα αυτου αψωνται οϲοι ειχον μαϲτιγαϲ
11 τα πνευματα δε τα ακαθαρτα οταν αυτον ιδον προϲεπιπτον αυτω και εκραζον λεγοντεϲ ϲυ ει ο υιοϲ του θ̅υ̅
12 και επετιμα αυτοιϲ ινα μη αυτον φανερον ποιωϲιν
13 και αναβαϲ ειϲ το οροϲ προϲεκαλεϲατο ουϲ ηθελεν και απηλθον προϲ αυτον
14 και εποιηϲεν ι̅β̅ μαθηταϲ ινα ωϲιν μετ αυτου ουϲ και αποϲτολουϲ ωνομαϲεν ινα αποϲτιλη αυτουϲ κηρυϲϲιν το ευαγγελιον
15 και εδωκεν αυτοιϲ εξουϲιαν θεραπευειν ταϲ νοϲουϲ και εκβαλλιν τα δαιμονια και περιαγονταϲ κηρυϲϲιν το ευαγγελιον
16 και επεθηκεν ονομα ϲιμωνι πετρον
17 κοινωϲ δε αυτουϲ εκαλεϲεν βοανανηργε ο εϲτιν υιοι βροντηϲ
18 ηϲαν δε ουτοι ϲιμων και ανδρεαϲ ιακωβοϲ και ιωα̅νηϲ φιλιπποϲ και μαρθολομεοϲ και μαθθεοϲ και θωμαϲ και ιακωβοϲ ο του αλφαιου και ϲιμων ο κανανεοϲ
19 και ιουδαϲ ιϲκαριωτηϲ ο και παραδουϲ αυτο
20 και ερχεται ειϲ οικον και ϲυνερχεται παλιν οχλοϲ ωϲτε μη δυναϲθαι αυτουϲ μηδε αρτον φαγειν
21 και ακουϲαντεϲ περι αυτου οι γραμματειϲ και οι λοιποι εξηλθον κρατηϲαι αυτον ελεγαν γαρ οτι εξηρτηνται αυτου
22 και οι απο ιεροϲολυμων καταβαντεϲ γραμματιϲ ελεγον οτι βεελζεβουλ εχει τον αρχοντα των δαιμονιων και δι αυτου εκβαλλει τα δαιμονια
23 και προϲκαλεϲαμενοϲ αυτουϲ ειπεν αυτοιϲ εν παραβολαιϲ πωϲ δυναται ϲαταναϲ ϲαταναν εκβαλλιν
24 και εαν βαϲιλεια εφ εαυτην μεριϲθη ου δυναται ϲταθηναι η βαϲιλεια εκεινη
25 καν οικεια εφ εαυτην μεριϲθη ου δυναται ϲταθηναι
26 και εαν ο ϲαταναϲ εφ εαυτον εμεριϲθη ου δυναται ϲταθηναι η βαϲιλεια αυτου αλλα τελοϲ εχει
27 ουδειϲ δυναται τα ϲκευη του ιϲχυρου διαρπαϲαι ειϲελθων ειϲ την οικειαν εαν μη πρωτον τον ιϲχυρον δηϲη και τοτε τα ϲκευη αυτου διαρπαϲη
28 αμην λεγω υμιν οτι παντα τα αμαρτηματα αφεθηϲεται τοιϲ υιοιϲ των α̅ν̅ω̅ν̅ και αι βλαϲφημιαι
29 οϲ δ αν βλαϲφημηϲη το π̅ν̅α̅ το αγιον ουκ εχει αφεϲιν αλλα ενοχοϲ εϲτιν αιωνιου αμαρτιαϲ
30 οτι ελεγον π̅ν̅α̅ ακαθαρτον εχειν αυτον
31 και ερχεται αυτου η μητηρ και οι αδελφοι αυτου και εξω εϲτωτεϲ απεϲτιλα̅ προϲ αυτον καλουντεϲ αυτον
32 και εκαθητο περι αυτον οχλοϲ και λεγουϲιν αυτω ιδου η μητηρ ϲου και οι αδελφοι ϲου εξω ϲτηκουϲιν ζητουντεϲ ϲε
33 οϲ δε απεκριθη και ειπεν αυτοιϲ τιϲ εϲτιν η μητηρ και οι αδελφοι μου
34 και περιβλεψαμενοϲ κυκλω αυτου καθημενουϲ τουϲ μαθηταϲ λεγει ειδε η μητηρ μου και οι αδελφοι μου
35 και οϲ αν ποιη το θελημα του θ̅υ̅ ουτοϲ μου αδελφοϲ και αδελφη και μητηρ εϲτιν
Примечания:
10 [3] a {αυτω}
Нашли в тексте ошибку? Выделите её и нажмите:
Ctrl + Enter
Евангелие от Марка, 3 ΚΕΦΆΛΑΙΟ. Вашингтонский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.