1 εγενετο δε εν ταιϲ ημεραιϲ εκειναιϲ εξηλθεν δογμα παρα καιϲαροϲ αυγουϲτου του απογραφεϲθαι παϲαν την οικουμενη̅
2 αυτη η απογραφη πρωτη εγενετο ηγεμονευοντοϲ τηϲ ϲυριαϲ κυρινου
3 και επορευοντο παντεϲ απογραφεϲθαι εκαϲτοϲ ειϲ την εαυτου πολιν
4 ανεβη δε και ιωϲηφ απο τηϲ γαλιλαιαϲ εκ πολεωϲ ναζαρετ ειϲ την ιουδαιαν ειϲ πολιν δαυειδ ητιϲ καλειται βηθλεεμ δια το ειναι αυτον εξ οικου και πατριαϲ δαυειδ
5 απογραφεϲθαι ϲυν μαριαμ τη εμνηϲτευμενη αυτω ουϲη νεκυω
6 εγενετο δε εν τω ειναι αυτουϲ εκει επληϲθηϲαν αι ημεραι του τεκειν αυτην
7 και ετεκεν τον υιον αυτηϲ και εϲπαργανωϲεν αυτον και ανεκλινεν αυτον εν φατνη διοτι ουκ ην αυτοιϲ τοποϲ εν τω καταλυματι
8 και ποιμενεϲ ηϲαν εν τη χωρα τη αυτη αγραυλουντεϲ και φυλαϲϲοντεϲ φυλακαϲ τηϲ νυκτοϲ επι την ποιμνην αυτων
9 και αγγελοϲ κ̅υ̅ επεϲτη αυτοιϲ και δοξα κ̅υ̅ περιελαμψεν αυτουϲ και εφοβηθηϲαν φοβον μεγαν ϲφοδρα
10 και ειπεν αυτοιϲ ο αγγελοϲ μη φοβειϲθαι ιδου γαρ ευαγγελιζομαι υμιν χαραν μεγαλην ητιϲ εϲται παντι τω λαω
11 οτι ετεχθη υμιν ϲημερον ϲωτηρ οϲ εϲτιν κ̅ϲ̅ χ̅ϲ̅ εν πολει δαυειδ
12 και τουτο υμιν το ϲημιον ευρηϲεται βρεφοϲ εϲπαργανωμενον και κειμενον εν φατνη
13 και εξεφνηϲ εγενετο ϲυν τω αγγελω πληθοϲ ϲτρατιαϲ ουρανιου αινουντω̅ τον θ̅ν̅ και λεγοντων
14 δοξα εν υψιϲτοιϲ θ̅ω̅ και επι γηϲ ειρηνη εν α̅ν̅ο̅ι̅ϲ̅ ευδοκειαϲ
15 και εγενετο ωϲ απηλθον απ αυτων ειϲ το̅ ουρανον οι αγγελοι οι ποιμενεϲ ελαλου̅ προϲ αλληλουϲ διελθωμεν δη εωϲ βηθλεεμ και ιδωμεν το ρημα τουτο το γεγονοϲ ο ο κ̅ϲ̅ εγνωριϲεν ημιν
16 και ηλθον ϲπευϲαντεϲ και ευρον την τε μαριαμ και τον ιωϲηφ και το βρεφοϲ κειμενον εν τη φατνη
17 ιδοντεϲ δε εγνωριϲαν περι του ρηματοϲ του λαληθεντοϲ αυτοιϲ περι του παιδιου τουτου
18 και παντεϲ οι ακουϲαντεϲ εθαυμαϲα̅ περι των λαληθεντων υπο των ποιμενων προϲ αυτουϲ
19 η δε μαριαμ παντα ϲυνετηρει τα ρηματα ταυτα ϲυνβαλλουϲα εν τη καρδια αυτηϲ
20 και υπεϲτρεψαν οι ποιμενεϲ δοξαζοντεϲ και αινουντεϲ τον θ̅ν̅ επι παϲιν οιϲ ηκουϲαν και ιδον καθωϲ ελαληθη προϲ αυτουϲ
21 και οτε επληϲθηϲαν ημεραι οκτω του περιτεμιν αυτον και εκληθη το ονομα αυτου ι̅ϲ̅ το κληθεν υπο του αγγελου προ του ϲυνλημφθηναι αυτον εν τη κοιλια
22 και οτε επληϲθηϲαν αι ημεραι του καθαριϲμου αυτων κατα τον νομον μωυϲεωϲ ανηγαγον αυτον ειϲ ιεροϲολυμα παραϲτηϲαι τω κ̅ω̅
23 καθωϲ γεγραπται εν νομω κ̅υ̅ οτι παν αρϲεν διανοιγον μητραν αγιον τω κ̅ω̅ κληθηϲεται
24 και του δουναι θυϲιαν κατα το ειρημενον εν τω νομω κ̅υ̅ ζευγοϲ τρυγονων η δυο νοϲϲουϲ περιϲτερων
25 και ιδου ανθρωποϲ ην εν ιερουϲαλημ ω ονομα ϲυμεων και ο ανθρωποϲ ουτοϲ δικαιοϲ και ευλαβηϲ προϲδεχομενοϲ παρακληϲιν του ιϲραηλ και π̅ν̅α̅ ην αγιον επ αυτον
26 και ην αυτω κεχρηματιϲμενον υπο του π̅ν̅ϲ̅ του αγιου μη ιδιν θανατον πριν ειδη χ̅ν̅ κ̅υ̅
27 και ηλθεν εν τω π̅ν̅ι̅ ειϲ το ιερον και εν τω ειϲαγειν τουϲ γονειϲ το παιδιον ι̅ν̅ του ποιηϲαι αυτουϲ κατα το ειθειϲμενον του νομου περι αυτου
28 και αυτοϲ εδεξατο αυτο ειϲ ταϲ ανκαλαϲ και ηυλογηϲεν τον θ̅ν̅ και ειπεν
29 νυν απολυειϲ τον δουλον ϲου δεϲποτα κατα το ρημα ϲου εν ειρηνη
30 οτι ειδον οι οφθαλμοι μου το ϲωτηριον ϲου
31 ο ητοιμαϲαϲ κατα προϲωπον παντων των λαων
32 φωϲ ειϲ αποκαλυψιν εθνων και δοξαν λαου ϲου ιϲραηλ
33 και ην ο πατηρ αυτου και η μητηρ θαυμαζοντεϲ επι τοιϲ λαλουμενοιϲ περι αυτου
34 και ηυλογηϲεν αυτουϲ ϲυμεων και ειπεν προϲ μαριαμ την μ̅ρ̅α̅ αυτου ιδου ουτοϲ κειται ειϲ πτωϲιν και αναϲταϲιν πολλων εν τω ιϲραηλ και ειϲ ϲημειον αντιλεγομενον
35 και ϲου αυτηϲ την ψυχην διελευϲεται ρομφαια οπωϲ αν αποκαλυφθωϲιν εκ πολλων καρδιων διαλογιϲμοι
36 και ην αννα προφητιϲ θυγατηρ φανουηλ εκ φυληϲ αϲηρ αυτη προβεβηκυια εν ημεραιϲ πολλαιϲ ζηϲαϲα μετα α̅δροϲ ετη ζ̅ απο τηϲ παρθενιαϲ αυτηϲ
37 και ην αυτη χηρα ωϲ ετων π̅ δ̅ η ουκ αφιϲτατο του ιερου νηϲτιαιϲ τε και δεηϲεϲιν λατρευουϲα νυκτα και ημεραν
38 και αυτη τη ωρα επιϲταϲα ανθωμολογειτο τω θ̅ω̅ και ελαλει περι αυτου παϲι τοιϲ προϲδεχομενοιϲ λυτρωϲιν ιερουϲαλημ
39 και ωϲ ετελεϲαν παντα τα κατα τον νομον κ̅υ̅ επεϲτρεψαν ειϲ την γαλιλαιαν ειϲ πολιν εαυτων ναζαρετ
40 το δε παιδιον ηυξανεν και εκραταιουτο πληρουμενον ϲοφια και χαριϲ θ̅υ̅ ην επ αυτο
41 και επορευοντο οι γονειϲ αυτου καθ ετοϲ ειϲ ιερουϲαλημ τη εορτη του παϲχα
42 και οτε εγενετο ετων δεκαδυο αναβαινοντων αυτων κατα το εθοϲ τηϲ εορτηϲ
43 και τελιωϲαντων ταϲ ημεραϲ εν τω υποϲτρεφειν αυτουϲ υπεμεινεν ι̅ϲ̅ ο παιϲ εν ιερουϲαλημ και ουκ εγνωϲαν οι γονειϲ αυτου
44 νομιϲαντεϲ δε αυτον ειναι εν τη ϲυνοδια ηλθον ημεραϲ οδον και ανεζητουν αυτον εν τοιϲ ϲυγγενευϲιν και τοιϲ γνωϲτοιϲ
45 και μη ευροντεϲ επεϲτρεψαν ειϲ ιερουϲαλημ αναζητουντεϲ αυτον
46 και εγενετο μετα ημεραϲ τριϲ ευρον αυτον εν τω ιερω καθεζομενον εν μεϲω των διδαϲκαλων και ακουοντα αυτων και επερωτωντα αυτουϲ
47 εξιϲταντο δε παντεϲ επι τη ϲυνεϲει και ταιϲ αποκριϲεϲιν αυτου
48 και ειδο̅τεϲ αυτον εξεπλαγηϲαν και ειπεν προϲ αυτον η μητηρ αυτου τεκνον τι εποιηϲαϲ ημιν ουτωϲ ιδου ο πατηρ ϲου καγω οδυνουμενοι εζητουμεν ϲε
49 και ειπεν προϲ αυτουϲ τι οτι ζητειτε με ουκ οιδατε οτι εν τοιϲ του πατροϲ δει με ειναι
50 και αυτοι ου ϲυνηκαν το ρημα ο ελαληϲεν αυτοιϲ
51 και κατεβη μετ αυτων και ηλθεν ειϲ ναζαρετ και ην υποταϲϲομενοϲ αυτοιϲ και η μητηρ αυτου ετηρει παντα τα ρηματα εν τη καρδια αυτηϲ
52 και ο ι̅ϲ̅ προεκοπτεν τη ϲοφια ϗ ηλικια και χαριτι παρα θ̅ω̅ και ανθρωποιϲ
Нашли в тексте ошибку? Выделите её и нажмите:
Ctrl + Enter
Евангелие от Луки, 2 ΚΕΦΆΛΑΙΟ. Вашингтонский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.