Так говорит Кир, царь Персидский: «все царства земли дал мне Господь Бог небесный, и Он повелел мне построить Ему дом в Иерусалиме, что в Иудее. Кто есть из вас — из всего народа Его, да будет Господь Бог его с ним, и пусть он туда идёт».
сїѧ̑ глаго́летъ кѵ́ръ ца́рь пе́рсскїй: всѧ̑ ца̑рства землѝ даде́ ми гдⷭ҇ь бг҃ъ нбⷭ҇ный, и҆ то́й заповѣ́да мнѣ̀ созда́ти себѣ̀ до́мъ во і҆ерⷭ҇ли́мѣ, и҆́же є҆́сть во і҆ꙋде́и: кто̀ въ ва́съ ѿ всѣ́хъ люді́й є҆гѡ̀; да бꙋ́детъ бг҃ъ є҆гѡ̀ съ ни́мъ, и҆ да взы́детъ.
сия глаголет Кир царь Персский: вся царства земли даде ми Господь Бог небесный, и Той заповеда мне создати Себе дом во Иерусалиме, иже есть во Иудеи: кто в вас от всех людий Его? Да будет Бог его с ним, и да взыдет. [36:[а]] Господи Вседержителю, Боже отец наших, Авраамов и Исааков и Иаковль и семене их праведнаго [а], [36:[б]] сотворивый небо и землю со всею лепотою их и связавый море словом повеления Твоего, заключивый бездну и запечатствовавый ю страшным и славным именем Твоим, егоже вся боятся, и трепещут от лица силы Твоея, яко никтоже постоит пред великолепием славы Твоея, и нестерпимь гнев, [б] [36:[в]] еже на грешники, прещения Твоего. [в] [36:[г]] Безмерна же и неизследованна милость обещания Твоего: [г] [36:[д]] Ты бо еси Господь, вышний, благоутробен, долготерпелив и многомилостив и каяйся о злобах человеческих. Ты, Господи, по множеству благости Твоея обещал еси покаяние [д] [36:[е]] и оставление согрешившым Тебе, и множеством щедрот Твоих определил еси покаяние грешником во спасение. Ты убо, Господи Боже сил, не положил еси покаяние праведным [е] [36:[ж]] Аврааму и Исааку и Иакову, не согрешившым Тебе, но положил еси покаяние мне грешному, зане согреших паче числа песка морскаго: умножишася беззакония моя, [36:[з]] Господи, умножишася беззакония моя, и несмь достоин воззрети и видети высоту небесную от множества неправд моих. Слячен есмь многими узами железными [з], [36:[и]] во еже не возвести главы моея, и несть ми ослабления: зане прогневах ярость Твою и лукавое пред Тобою сотворих [и]: [36:[к]] не сотворивый воли Твоея и не сохранивый повелений Твоих, поставих мерзости и умножих претыкания. И ныне приклоняю колена сердца, требуя от Тебе благости [к]. [36:[л]] Согреших, Господи, согреших, и беззакония моя аз вем, но прошу моляся: ослаби ми, Господи, ослаби ми, и не погуби мене со беззаконии моими, ниже в век враждовав соблюдеши зол моих, ниже осудиши мя в преисподних земли: зане Ты еси, Боже, Бог кающихся, и на мне явиши всю благость Твою: яко недостойна суща спасеши мя по мнозей милости Твоей, и восхвалю Тя выну во днех живота моего [л]: [36:[м]] яко Тя поет вся сила небесная, и Твоя есть слава во веки веков. Аминь.