Отъ Матфеа

Кънигы рожъства Исусъ Христова. Сына Давыдова. Сына Авраамля Авраамъ роди Исаака. Исаакъ же роди Иякова Ияковъ же. роди Июду и братию его. Июда же. роди Фареса и Зара отъ Фамары Фаресъ же. роди Езрома. Езромъ же. роди Араама Араамъ же. роди Аминадава. Аминадавъ же. роди Наасона. Наасонъ же. роди Салмона. Салмонъ же. роди Вооза отъ Рахавы. Воозъ же. роди Овида отъ Руфи Овидъ же. роди Иесеа. Иесеи же. роди Давида цара. Давыдъ же царь. роди Соломона отъ Уринныя. Соломонъ же. роди Ровоама. Ровоа мъ же. роди Авиа. Авиа же. роди Аса. Асъ же. роди Иосафата. Иосафатъ же. роди Иорама. Иорамъ же. роди Озия. Озия же. роди Иоафама. Иоафамъ же. роди Езекию. Езекия же. роди Манасию. Манасия же. роди Амона Амонъ же. роди Иосию. Иосия же. роди Иехонию. и братию его. въ преселение Вавилоньское. по пресселении же Вавилоньстеемь. Иехония роди Салафиила. Салафииль же. роди Зоровавела. Зоровавелъ же. роди Авиуда. Авиудъ же. роди Елиакама Елиакимъ же. роди Азора. Азоръ же. роди Садока. Садокъ же. роди Ахима. А химъ же. роди Елиуда. Елиудъ же. роди Елиазара. Елиазарь же. роди Матфана. Матфанъ же. роди Иякова. Ияковъ же. роди Иосифа. мужа Мариина. из Нея же родися Иисусъ. нарицаемыи Христосъ. вьсехъ же родъ. отъ Авраама до Давида. родъ. 14. и отъ Давыда. до преселения Вавилоньскааго. родъ. 14. и отъ преселения Вавилоньскааго. до Христа. родъ. 14. Ису Христово же рожъство. сице бе. обручене бо бывъши Матери Его. Марии Иосифови. прежде даже не сънястася. обретеся имущи въ чреве. отъ Духа Свята Иосифъ же мужь ея. правьдь нъ сы. и не хотя обличити Ея. въсхоте таи пустити Ю сице же ему у мышльшу. се ангелъ Господень въ съне. явися ему глаголя. Иосифе Сыну Давидовъ. не убоися прияти. Мария жены твоея. рождьшее бо ся въ Неи. отъ Духа есть Свята. родить же Сынъ. и наречеши имя ЕмуИисусъ. Тъ бо спасеть люди Своя отъ грехъ ихъ. се же вьсе бысть. да събудеться реченое. отъ Господа пророкомь глаголющемь. се Девавъ чреве прииметь. и родить Сынъ. и нарекуть имя Ему Еммануилъ еже есть. сказаемо. съ нами Богъ. въставъ же Иосифъ отъ съна. сътво ри. якоже повеле ему ангелъ Господень. и приятъ жену свою. и не знааше Ея. доньдеже роди Сынъ свои пьрвеньць. и нарече имя Ему Иисусъ.

Исусу рожьшуся. въ Вифлееми Иудеистеи. въ дьни Ирода царя. се влъсви отъ въстока. придошя въ Иерусалимъ глаголюще. къ де есть рождиися Царь Иудеискъ. видехомъ бо звезду Его на вьстоце. и придохомъ поклонитъся Ему услышавъ же Иродъ царь. съмятемя. и вьсь Иерсалимъ съ нимь. и събьравъ. вься архиерея и кънижьникы людьскыя. въпрашааше я. къде Христосъ раждаесться. они же рекошя ему. въ Вифлееми Иудеистеи. тако бо писано есть пророкъмь. и ты Вифлеоме земле Иудова. ни чимь же мьньши еси въ владыкахъ Иудовахъ ис тебе бо изидеть Владыка. иже упасеть люди Моя Израиля. тогда Иродъ. отаипризъвавъ влъхвы. испыта отъ нихъ время явльшяяся звезды. и посълавъ въ Вифлеомъ рече. шьдъше испытаите известьно о Отрочяте. егда же обрящете. поведите ми. де и азъ шьдъ поклонюся Ему они же послушавъше цара идошя. и се звезда. юже видешя навъстоце. идеаше предъ ними. доньдеже пришьдъши ста. вьрху идеже бе Отрочя видевъше же звезду. въ здрадовашя ся радостию великою зело. и въшьдъше въ храмину. видешя Отрочя. съ Мариею Материю Его. и падъше поклонишяся Ему. и отвръзъше съкровища своя. принесошя Ему дары. злато и ливанъ и змирьну. и отъветъ приимъше въ съне. не въ звратитисякъ Ироду. нъ и немь путьмь отъидошя въ страну свою. Ошьдъшемъ же влъхвомъ. се ангелъ Господень. въ съне явися Иосифу глаголя. въставъ. поими Отрочя. и Матерь Его. и бежи въ Египтъ. и будиту. доньдежети реку. хощеть бо Иродъ искати Отрочяте. да погубить е. онъ же въставъ. поятъ Отрочя. и Матерь Его нощию. и отъиде въ Египтъ. и бе ту. до умрьтия Иродова. да събудеться реченое отъ Господа. пророкъмь глаголющемъ. отъ Египта възъвахъ Сынъ Мои тогда Иродъ. видевъ яко поруганъ бысть отъ влъхвъ. разгневасязело. и посълавъ. избивься отрокы сущя я въ Вифлееме. и въ вьсехъ пределехъ ея. отъ дъвою лету. и ниже. по времени. еже испытаотъ влъхвъ. тогда събысться реченое. Иеремиемь пророкъмь глаголющемь. гласъ въ Раме. слышанъ бысть плачь и рыдание и въпль мъногъ. Рахииль плачущися. чядъ своихъ. и не хотеаше утешитися яко не суть. умьръшу же Ироду. се ангелъ Господень въ съне. явися Иосифу въ Египте глаголя. въставъ. поими Отрочя и Матеръ Его. и иди въ землю Израилеву. измрешя бо ищущеи душя Отрочяте онъ же въставъ. поятъ Отрочя. и Матерь Его. и въниде въ землю Израилеву. слышя въ же яко Архела и царствуеть въ Иудеи. въ Ирода место отца своего. убояся тамо ити. весть же приимъ въ съне. отъиде въ страну Галилеиску. и пришьдъ въселися въ граде. нарицаемеемь. Назарефъ. да събудеться реченое пророкы. яко назареи наречеться.

Въ время оно. приде Иоанъ Креститель проповедая въ пустыни Иудеисцеи и глаголя покаитеся. приближи бо ся Царьствие Небесьное сь бо есть речены и Исаиемь пророкъ мь глаголющемь. гласъ въпиющааго въ пустыни. уготоваите путь Господень. правы творите стьзя Его. самъ же Иоанъ. имеаше ризу свою. отъ власъ вельбуждь. и поясъ у сниянъ. о чреслехъ своихъ. едъже его бе акридъ. и медъ дивии. тогда исхождааше къ нему. Иерусалимъ. и вьса Иудеа. и вьса страна Иерданьская. и крьщаахуся въ Ерданьсце и реце отъ него исповедающе грехы своя. видевъ же мъногы фарисея и садукея. грядушя на крьщение его и глагола. ищядия ехидьнова. къто съказа вамъ бежати отъ грядущааго гнева сътворите плодъ достоинъ покаанию. и не начинаите глаголати въ себе. отьца имаамъ Авраама. глаголю бо вамъ. яко можеть Богъ. отъ камения сего. въздвигнути чяда Авраамови. уже бо секыра при корении древа лежить. вьсяко убо древо. еже не творить плода добра. посекаемо бываеть. и въ огнь въметаемо. азъ убо крьщу вы водою въ покаание. Гряды же по мъне. креплии мене есть. Емуже несмь достоинъ сапога понести. Ть вы крьстить Духъмь святыимь. Въ время оно. приде Иисусъ. отъ Галилеа на Иерданъ. къ Иоану. крь ститъся отъ него. Иоанъ же. въ збраняаше Ему глаголя. азъ требую. отъ Тебе крьститися. а Ты грядеши къ мъне. отъвещавъ же Иисусъ. рече къ нему. остани ны не тако бо подо бьно есть намъ. исплънити вьсаку правьду тогда остави И крьщьжеся Иисусъ. възиде абие отъ воды. и се отъвьрзошася Ему небеса. и виде Духъ Божии. съхо дящь. яко голубь. и грядущь на Нь. и се гласъ съ небесе. глаголя. Се есть Сынъ Мои възлюбленъи. о Немь же благоволихъ.

Въ время оно. възведенъ бысть Иисусъ. Духомь въ пустыню. искуситъся отъ диявола. и пощься дьни. 40. и нощии. 40. последь възалка и приступль иискуситель рече Ему. аще Сынъеси Божии. рьци да камение се. хлеби будуть Онъ же отъвеща въ рече. писано есть. Не о хлебе единомь живъ будеть человекъ. нъ о вьсакомь глаголе исходящимъ из устъ Божии тогда поятъ И дияволъ. въ святы градъ. и постави И на криле церкъвьнеемь. и рече Ему аще Сынъ еси Божи и. вьрзися нихъ писано бо есть. яко ангеломъ Своимъ заповесть о Тебе. и на руку възьмуть Тя да не претъкнеши о камень ногы Твоея. рече же ему Иисусъ пакы писано есть не искусиши Господа Бога своего. пакы поятъ И дияволъ на гору высоку зело. и показа Ему вьса царствия вьсего мира. и славу ихъ. и рече Ему вьса си дамь Тебе. аще падъ поклониши ми ся тогда рече ему Иисусъ. иди за Мя сотоно. писано бо есть. Господу Богу твоему поклонишися. и Тому единому послужиши. тогда остави и дияволъ. и се ангели приступишя. и служааху Ему. Въ время оно. слышавъ Иисусъ. яко Иоанъ преданъ бысть. отъиде въ Галилею и оставль Назарефъ. пришьдъ въселися въ Каперънаумъ. въ по морие. въ пределехъ Завулонихъ. и Неффалимлихъ. да събудеться реченое. Исаиемь пророкъмь глаголющемь. земля Завълоня. и земля Неффалимля путь морю. об онъ полъ Иордана. Галилеа языкъ. людие седящии въ тьме. видешя светъ великъ и седящеи въ стране. и сени съмьртьнеи. светъ въсия имъ. отътоли начятъ Иисусъ. проповедати и глаголати покаитеся. приближи бо ся Царстви Небесьное. Въ время оно. ходя Иисусъ. при мори Галилеистемь виде дъва брата. Симона нарицаемааго Петра. и Аньдрея брата ему въметаюшта мрежя въ море. беаста бо ловьца и рече има. идета по Мъне. и сътвору вы ловьца человекомъ. она же абие. оставльша мрежя. по Немь идоста и прешьдъ отътуду узьре ина дъва брата. Иякова Зеведеова. и Оана брата ему. въ корабли. съ Зеведеомъ отцьмь ею завязающамрежя своя. и възъва я. она же абие. оставльша корабль. и отьца своего по Немь идоста. и прохождааше въсу Галилею Иисусъ. учя на съборищихъ ихъ. и проповедая Еваньгелие Царствия. и исцеляя вьсакъ недугъ. и вьсаку язу въ людьхъ. Въ время оно. по Иисусе идошя. народи мънози отъ Галилея. и Декаполеа. и отъ Иерусалима. и Иудеа. и съ оного полу Иордана.

узьревъ же народъ мъногъ. възиде на гору. и яко седе. приступишя къ Нему. ученици Его. и отвьрзъ уста Своя учааше я глаголя: Блажени. нищии духъмь. яко техъ есть Царьствие Небесьное Блажени. плачущиися. яко ти утешяться. Блажени кротъции. яко ти наследять землю Блажени. алчущеи и жяждущеи правьды. яко ти насытяться. Блажени милостивии. яко ти помиловани будуть. Блажени. чисти сьрдьцьмь. яко ти Бога узьрять. Блажени. съмиряющеи. яко ти сынове Божии нарекуться. Блажени. изгънании правьды ради. яко техъ есть Царствие Небесьное. Блажени есте. егда поносятъ вамъ. и ижденуть. и рекутъ. вьсакъ зълъ глаголъ на вы. лъжуще Мене ради Радуитеся и веселитеся. яко мьзда ваша. мънога есть на небесехъ. Рече Господь къ ученикомъ Своимъ. Азъ есмь лоза. Рече Господь Своимъ ученикомъ. вы есте светъ вьсему миру не можеть градъ укрытися врьху горы стоя. ни въжагають светильника. и поставляють его подъ спудъмь. нъ на свещьнице. да светить вьсемъ. иже въ храмине сутъ. тако да просвьтитъся светъ вашъ предъ чловекы. да узьрять ваша добрая дела. и прославять Отца вашего. и же есть на небесехъ. не мьните яко придохъ разоритъ закона или пророкъ не придохъ разоритъ нъ на пълнитъ. амин. глаголю вамъ доньдеже преидеть небо и земля. писмя едино или едина чьрта не преидеть отъ закона. донь деже вьса будеть. иже бо разорить едину заповедии сихъ малыихъ. и научить тако человекы. мьнии наречеться. въ Царьствии Небесь неемь. а иже сътворить и научить. сь великъ наречеться. въ Царьствии. Небесьнеемь. Рече Господь. просящууму у тебе даи. и хотящааго отъ тебе заяти не отъврати слышасте яко речено есть. възлюбиши ближъняаго своего. и въ зненавидиши врага твоего. Азъ же глаголю вамъ. любите врагы вашя благословите кльнущяя вы. добро творите ненавидящиимъ васъ. и молите за творящая вамъ напасть. и изгонящая вы. да будете сынове Отца вашего. иже есть на небесехъ. яко слъньце свое сияеть на зълыя и на благыя. и дъждить на правьдьныя и неправьдьныя. аще бо любите любящяя вы. кую мьзду имаате. не и мытарие ли такожде творять и аще целуете другы вашя тъкъ мо чьто лише творите. не и мытарие ли такожде творять. будете убо вы съврьшени. яко и Отець вашъ небесьны и съвьрьшенъ есть.

Рече Господь. вънемлете милостыня вашея. не творити предъ человекы. да види будете ими. аще ли же ни. мьзды не имаате отъ Отца вашего Иже есть на небесехъ. егда убо твориши милостыню. не въструби предъ собою. яко лицемери творять. въ съборищиихъ. и въ стъгнахъ. да прославяться отъ человекъ. амин. глаголю вам. яко въсприемлють мьзду свою. тебе же творящу милостыню. да не чуеть шуица твоя. чьто творить десница твоя. да будеть милостыни твоя въ таине. и Отець твои. видяи въ таине. въздасть тебе яве. и егда молишися. не буди яко лицемери. яко любять на съборищихъ. и въ стьгнахъ и на распутиихъ стояще. молитися. да явяться человекомъ. амин. глаголю вамъ. яко въсприемлють мьзду свою. ты же егда молишися. въниди въ клеть твою и затвори двьри твоя. и молися Отцу твоему въ таине и Отець твои. видяи въ таине. въздасть тебе яве. моляще же ся. не лихо глаголете. якоже язычьници мьнять бо ся. яко въ мънозе глаголании своемь услышани будуть. не подобитеся убо имъ. весть бо Отець вашь. ихъже требуете. прежде прошения вашего тако убо молите вы ся. Отче нашь иже еси на небесехъ. да святиться имя Твое. да придеть Царствие Твое. да будеть воля Твоя. яка на небеси и на земли. хлебъ нашь насущьныи. даждь намъ дьньсь. и остави намъ. длъгы нашя. яко и мы оставляемъ. длъжъникомъ нашимъ. и не въведи насъ въ напасть. нъ избави ны отъ неприязни. я ко Твое. есть Царствие и сила. и слава въ векы амин. Рече Господь. аще отъпустите человекомъ. съгрешения ихъ. отъпустить и вамъ. Отець вашь небесьныи аще ли не отъпущаете человекомъ. съгрешении ихъ. ни Отець вашь отъпустить. вамъ съгрешении вашихъ. егда же поститеся. не будете. яко лицемери сетующе. просмражають бо. лица своя. дася бышя явили человекомъ постяще. амин. глаголю вамъ. яко въсприемлють мьзду свою. ты же постяся. помажи главу твою. и ли це твое умыи. да не явишися человекомъ постяся. нъ Отцу твоему иже есть въ таине и Отець твои. видяи въ таине. въздасть тебе яве. не съкрываите себе. съкровищь на земли. идеже. чрьвь. и тьля тьлить. идеже. татие подъкопавають и крадуть. съкрываите же себе. съкровище на небеси идеже. ни чрьвь. ни тьля тьлить. идеже татие. не подъкопавають ни крадуть. идеже бо есть съкровище ваше. ту есть и срьдьце ваше. Рече Господь. светильникъ телу есть око. аще убо будеть око твое просто. вьсе тело твое будеть светьло аще ли око твое лукавобудеть. вьсе тело твое тьмьно будеть. аще убо светъ иже въ тебе тьма есть. то тьма кольми никыи же бо рабъ не можеть дъвема господинома работати. либо единого възненавидить. а другааго възлюбить. ли единого дрьжиться. а о друземь нерадити начьнеть. не можете Богу работати и мамоне. сего ради глаголю вамъ. не пьцетеся душею вашею. чьто есте или чьто пиете. ни теломь вашимь. въ чьто облечетеся. не душа ли больши есть пища. и тело одеждя. възьрите на пътиця небесьныя. яко не сеють. ни жьнуть. ни събирають въ житьницу. и Отецьвашь небесьныи питаеть я. не вы ли паче лучъши ихъ есте къто же отъ васъ пекыся. можеть приложити телеси своемь лакъть единъ и о одежди чьто печетеся. съмотрите крины сельныя. како растуть. ни тружаються. ни прядуть. глаголю же вамъ. яко ни Соломонъ въ вь сеи славе своеи облечеся. яко единъ отъ сихъ аще же сено сельное. дьньсь сущее. а утре въ пещь въметаемо. Богъ тако одееть. кольми паче васъ маловерии не пьцете ся убо глаголюще. чьто емь или чьто пиемъ. или чимь одеждемъся. вьсехъ бо сихъ языци ищуть. весть бо Отець вашънебесьныи. яко требуете вьсехъ сихъ. ищете же прежде Цесарьствия Божия. и правьды его. и си вьса приложяться вамъ.

Рече Господь. не осуждаите. да не осуждени будете имьже бо судъмь судите. судить ся вамъ и въ ню же меру мерите възмериться вамъ чьто же види сучьць иже есть въ очеси брата твоего. а бьрьвьна е же есть въ очеси твоемь не чуеши. или како речеши брату твоему остави и изьму сучьць из очесе твоего. и се бьрьвьно въ оце твоемь. лицемере. изьми прьвее брьвъно из очесе твоего. тогда узьриши изъяти и сучьць из очесе брата твоего. не дадите святааго пьсомъ ни пометаите бисъръ вашихъ предъ свиниями. да не поперуть ихъ ногами своими. и вращьшеся растрьгнуть вы. просите и дасться вамъ. ищете. и обрящете. тлъцете и отъврьзеться вамъ вьсякъ бо просяи прииметь. и ищяи обретаеть. и тлъкущууму отъвьрьзеться. Рече Господь. вьса убо елико хоще те да творять вамъ человеци. тако и вы творите имъ. се бо есть законъ и пророци. вънидете узъкыими враты. яко пространа врата и широкъ путь. въводяи въ пагубу. и мънози суть въходяще ими коль узъка врата. и теснъ путь въводяи въ животъ. и мало ихъ есть. иже и обретають. вънемлете отъ лъживыихъ пророкъ. иже приходять къ вамъ. въ одеждахъ овьчахъ. утрьюду же суть вълци. хыщьници. отъ плодъ ихъ познаетея. еда обье млють отъ трьния грозны. или отъ репия смокъви. тако всяко древо добро. плоды добры творить а зъло древо. плоды зълы творить. не можеть древо добро. плодъ зълъ творити. ни древо зъло. плодъ добръ творити. вьсако древо. еже не творить плода добра. посекають и въ огнь въметають. темьжеубо. отъ плодъ ихъ познаетея. не вьсякъ глаголяии Мъне. Господи Господи. вънидеть въ Царствие Небесьное. нъ творяи волю Отца Моего. иже есть на небесехъ. Рече Господь. вьсакъ иже слышитьсловеса Моя си. и сътворить я. уподоблю и мужу мудру. иже съзъда свою храмину на камене. и сънидедъждъ и придошя рекы. и възвеяшя ветрии нападошя на храмину ту. и не падеся основана бо бе на камене. и всакъ слышяи словеса Моя си. и не творя ихъ уподо биться мужубую. иже съзъда свою храмину на песъце и съниде дъждъ. и придошя рекы. и възвеяшя ветри и опьрошяся храмине тои и падеся. и бе раздрушение ея велико. и бысть. егда съконьча Иисусъ вьса словеса си. дивляахуся народи о учении Его. бе бо уча яко власть имы. и не яко кънижьници

съшъдъшю же Ему съ горы. въ следъ Его идошя народи мънози. и се прокаженъ приступль кланяашеся Ему глаголя. Господи аще хощеши можеши мя очистити. и простьръ руку косну и Иисусъ. глаголя. хощу очистися. и абие очистися отъ проказы. и рече е му Иисусъ виждь никомуже не повеждь. нъ шъдъ покажися иереови. и принеси даръ. иже повеле Моиси въ съведение имъ. Въ время оно. въшъдъшу Иисусу въ Каперънаумъ. и приступи къ Нему сътьникъ. моля И и глаголя. Господи. отрокъ мои лежить въ дому ослабленъ. люте яко страждя. и глагола ему Иисусъ. Азъ пришъдъ исцелю и и отъвещавъ сътьникъ рече. Господи несмь достоинъ. да подъ кровъ мои вънидеши. нъ тъкъмо рьци слово и исцелееть отрокъ мои. ибо азъ человекъ есмь подъ владыкою. имы подъ собою воины. и глаголю сему иди и идеть. и другууму приди и придеть. и рабу моему сътвори се и сътворить. слышавъ же Иисусъ дивися ему. и рече идущиимъ по Немь. аминъ глаголю вамъ. ни въ Израили толикы веры обретохъ. глаголюже вамъ. яко мънози отъ въстокъ и западъ придуть. и възлягуть съ Авраамъмь. и Исаакъмь и Яковъмь. въ Царствии Небесьнемь а сынове царствия изгънани будуть въ тьму кромешьнюю. ту будеть плачь. и скрьжътъ зубомъ. и рече Иисусъ сътьнику. иди якоже веро ва. буди тебе. и исцеле отрокъ его въ тъ часъ. Въ время оно. пришъдъ Иисусъ въ домъ Петровъ. виде тьщу его лежащу. огньмь жегому. и прикоснуся руце ея. и оставию огнь. и въста и служааше Ему позде же бывшу. приведошя Ему бе сьны мъногы. и изгъна духы словъмь. и вься болящяя исцели. да събудеться реченое Исаиемь пророкъмь глаголющемъ. Тъ недугы нашя приятъ. и болезни понесе. узьревъ же Иисусъ. мъногы народы окрьстъ Себе. повеле ити на онъ полъ. и приступль единъ кънигъчи. и рече Ему Учителю иду по Тебе. яможе колиждо идеши. и глагола ему Иисусъ. лисиця ложа имутъ и пътиця небесьскыя гнезда. а Сынъ Чловечьскыи не и мать къде главы подъклонити. другыи же отъ ученикъ Ему рече къ Нему. Господи. повелими прежде ити. и погрети отца моего. Иисусъ же глагола ему. гряди по Мъне. и остави мрьтвыя. погрети своя мрьтвьця. и вълезъшу же Ему въ корабль. по Немь и дошя учениици Его. Въ время оно. пришъдъшу Иисусови въ страну Гергесиньску. съретоста И дъва бесьнующася отъ гробъ исходяща люта зело. яко не мощи никомуже мимо итипутьмь темь и се възъписта. глаголюща. чьто енама и тебе Иисусе. Сыне Божии. пришълъ еси семо прежде времене мучитъ насъ. бе же далече отъ нею. стадо свинии мъного пасомо беси же моляаху и глаголюще. аще изгонишины. повели намъ ити. въ ста до свиное. и рече имъ Иисусъ идете. они же ищъдъше. идошя въ свиния. и абие устрьмися. стадо вьсе свиное. по брегу въ море. и умрешя въ водахъ. а пасущеи бежашя. и шъдъше въ градъ. въ звестишя вьса и о бесьную и се вьсь градъ изиде. противу Иисусови. и видевъше И молишя. да бы прешълъ отъ пределъ ихъ.

и вълезъ Иисусъ въ корабль. преяде и приде въ Свои градъ. и се принесошя Ему ослабленъ жилами. на одре лежящъ. и видевъ Иисусъ веру ихъ. рече ослаблену умудьръзаи чядо отъпущаютъся греси твои и се едини отъ кънижъникъ. реша въ себе. Сьхульствуеть. и видевъ Иисусъ помышления ихъ рече. въскую мыслите вы зъло. въ сердцихъ вашихъ. чьто бо есть удобее рещи. ослабленууму отъпущаються греси твои. и ли рещи. въстани и ходи. нъ да увесте. яко власть имать. Сынъ Человечь. на земли отъпущати грехы. тогда глагола ослабленууму. въстани и възьми одръ твои. и иди въ домъ твои и въставъ. иде въ домъ свои видевъше же народи. чудишяся. и прославишя Бога давъшааго власть таку человекомъ. Въ время оно. преходя Иисусъ. виде человека. на мытьници седяща. именьмь Матфеа. и глагола ему. по Мъне иди. и въставъ по Немь иде. и бысть Ему възлежящу въ дому. и се мънози грешьници и мытаре пришьдъше възлежааху съ Иисусомъ и съ ученикы Его и видевъше фарисеи глаголааху ученикомъ Его. почьто съ мытари и съ грешьникы есть Учитель вашь Иисусъ же рече имъ не требують съдравии врача. нъ болящеи шъдъше научитеся чьто е сть милостыни хощу а не жрьтве. не придохъ призъватъ правьдьникъ. нъ грешьникъ на покаание. Въ время оно. кънязь некыи. въшъдъ кланяашеся Ему глаголя. яко дъщи моя. ныне умретъ. нъ пришъдъ. възложи на ню руку Твою и оживеть и въставъ Иисусъ. по немь идеаше. и ученици Его и се жена. кръвоточива. дъвена десяте лете имущи. приступльши съзади. прикоснуся въскрилиии ризы Его глагола аше бо въ себе. аще тъкъмо прикоснуся ризе Его. спасена буду. Иисусъ же обращься и видевъ я. рече. дрьзаи дъщи вера твоя спасе тя и спасена бысть жена. отъ часа того. и пришъдъ Иисусъ въ домъ къняжъ. и видевъ сопьця. и народъ мълъвящъ. глагола имъ отъидете. не умре бо девица нъ съпитъ. и ругаахуся Ему. егда же изгънанъ бысть народъ. въшъдъ ятъ ю за руку и въста девица. и изиде весть си по вьсеи земли тои. Въ время оно. преходящу Иисусу. по Немь идоста дъва слепьца. зовуща и глаголюща помилуи ны Сыну Давидовъ. пришъдъшу же Ему въ домъ. приступиста къ Нему слепьца. и глагола има Иисусъ веруета ли. яко могу се сътворити. Глаголаста Ему еи Господи. тогда прикоснуся очесу има. глаголя. блюдета. да никъто же не увесть она же ишъдъша. прослависта и по вь сеи земли тои тема же исходящема. се приведошя къ Нему человекъ немъ бе сьнъ. и изгънану бесу проглагола немыи. и дивишяся народи. глаголюще. ни колиже явися тако въ Израили а фарисеи глаголааху. о кънязи бесъ. изгонить бесы. и прохождааше Исиусъ. грады вься и вьси. учя на съборищихъ ихъ. и проповедая Евангелие Царствия. и исцеля вьсакъ недугъ. и вьсяку язу въ людьхъ.

Въ время оно. призъва Иисусъ. обанадесяте ученика Своя. дасть имъ власть. на дусехъ нечисты ихъ. да изгонять я. и исцелять вьсакъ недугъ и вьсаку болезнь. сия посъла Иисусъ. заповедавъ имъ. глаголя. на путь языкъ не идете. и въ градъ Самареискъ не вънидете. идете же паче. къ овьцамъ погыбъшиимъ. дому Израилева ходяще же проповедаите. глаголюще яко приближися Царьствие Небесьное. болящая целите прокаженыя очищаите. бесы изгоните туне приясте. туне же дадите. Рече Господь Своимъ ученикомъ се Азъ посълю вы яко овьця посреде влъкъ будете мудри яко змия. и цели яко голубие. вънемлете же отъ человекъ. предадять бо вы на съборы. и на съборищихъ своихъ убиють вы. и предъ владыкы же и царя ведени будете Мене ради. въ съведение имъ и языкомъ. егда же предають вы. не пьцетеся како. или чьто имате глаголати. дасть бося вамъ въ тъ часъ. чьто глаголете не вы бо есте глаголющеи. нъ Духъ Отца вашего. глаголяи въвасъ. предасть же братъ брата на съмрьть. и отець чядо. и въстануть чяда на родитляи убиютья. и будете ненавидими вьсеми. имене Моего ради. претрьпевъ и же до коньца спасенъ будеть. Рече Господь. несть ученикъ надъ учителемь. ни рабъ над господинъмь. довьлеть ученику. да будеть яко учитель. и рабу да будеть яко господь его. аще господина дому. вельзевула нарекошя. кольми паче домашьняя его. не убоитеся убо ихъ. ничьтожебо есть покръвено. еже не отъкръвено будеть. и таино еже не уведено будеть. еже глаголю вамъ въ тьме. рьцете въ свете. и еже въ ухо слышасте. проповедите на кровехъ и не убоитеся отъ убивающихъ тело. а душя не могущиихъ убити. убоите же ся паче. могущааго душу и тело погубити въ геоне. не дъве ли пътици ассарии цениме есте. и ни едина же отъ нею не падеть на земли без Отца же вашего. ваши же власи главы. вьси ищьтени сутъ не убоитеся убо. мънозехъ пътиць. лучьше есте вы. вьсякъ убо. иже исповесть о Мъне предъ человекы. исповемь и Азъ предъ Отцьмь Моимь иже есть на небесехъ. Рече Господь. не боися. малое стадо. Рече Господь. къ ученикомъ Своимъ. вьсакъ иже исповесть о Мъне предъ человекы. исповемь и Азъ предъ Отцьмь Моимь. иже есть на небесехъ. а иже отъврьжеться Мене предъ человекы. отъврьгуся его и Азъ. предъ Отьцемъ Моимъ иже есть на небесехъ. иже любить отца и ли матере паче Мене. несть Мене достоинъ. и иже любить сынъ. или дъщере паче Мене несть Мене достоинъ. и иже не приемлеть крьста своего. и въследъ Мене идеть. несть Мене достоинъ. Рече Господь. иже любить отца. или матере паче Мене. несть Мене достоинъ. и иже любить сынъ. или дъщере паче Мене. несть Мене достоинъ. и иже не прииметь крьста своего. и въ следъ Мене идеть. несть Мене достоинъ. обреты душу свою. погубить ю. и иже погубить душу свою Мене ради. обрящеть ю. иже вы приемлетъ. Мя приемлеть. и иже приемлеть Мя. приемлеть Посълавъшааго Мя. приемляи пророка. въ имя пророче. мьзду пророчу приемлеть. и приемля и праведьника. въ имя праведьниче. мьзду правьдьничу приемлеть. и иже колижъдо напоить. единого отъ малыихъ сихъ. чашу студены воды. тъкъмо въ имя ученика. аминъ. аминъ глаголю вамъ. не погубить мьзды своея.

и бысть егда съврьши Иисусъ. заповедая обеманадесяте ученикома Своима. преиде отътуду учитъ и проповедатъ. въ градехъ ихъ. Въ время оно. слышавъ Иоанъ въ узилищи. де ла Христова. посълавъ ученикы своими. рече Ему. Ты ли еси грядыи. или иного чаемъ. и отъвещавъ Иисусъ речеимъ шъдъше поведите Иоану. яже слышите и видите слепии прозирають хромии ходять. прокажении очищаються и глусии слышять. мрьтвии въстають. и нищии благовестують. и блаженъ есть. Иже не съблазниться о Мъне. темь же исходящемъ. начятъ Иисусъ. глаголати народомъ о Иоане. чесо видетъ изидосте въ пустыню трьсти ли ветръмь колеблемы нъ чесо изидосте видетъ человека ли. въ мякъкы ризы облъчена. се иже мякъкая носять. въдомъхъ царскихъ сутъ. нъчьсо изидосте видетъ. пророка ли еи глаголю вамъ и лише пророка. сь бо есть. о немьже е сть писано се Азъ посълю ангелъ Мои предъ лицьмь Твоимь. и уготовить путь Твои предъ Тобою. аминъ. глаголю вамъ. не въставъ рожденыхъ женами. болии. Иоана Крьстителя. мьнии же въ Царствии Небесьнемь. болии есть его отъ дьнии бо Иоана Крестителя. доселе. Царствие Небесьное нудиться. и нуждьници вьсхыщють е вьси бо пророци и законъ. до Иоана прорекошя. и аще хощете прияти. тъ есть Илия хотяи прити. имеяи уши слышати даслышить. Рече Господь. Своимъ ученикомъ вьса Мъне предана суть Отцемь Моимь. и никътоже не знаеть Сына. тъкъмо Отець. ни Отьца къто знаетъ тъкъмо Сынъ. и ему же хощеть Сынъ о тъкрыти. придете къ Мъне вьси тружающиися. и обременении. и Азъ вы покою. възьмете иго Мое на себе и научитеся отъ Мене. яко кротъкъ есмь. и съмеренъ сердцьмь и обрящете покои душамъ вашимъ. иго бо Мое благо. и бремя Мое льгъко есть. Симеону.

Въ время оно. последоваа ше Иисусови народъ мъногъ. и исцели я вься. и запрети имъ. да не яве Его сътворять. да събудеться реченое Исаиемь пророкъмь глаголющемь. се Отрокъ Мои. Егоже изволихъ. възлюблены Мои. на Нь же благоволи. душа Моя. положу Духъ Мои на Немь. и судъ языкомъ. възвестить. не преречеть ни възъпиеть. ни услышить никъто же на распутиихъ гласа Его. трьсти съкрушены не преломить. и пърта въньмъшася не угасить. доньдеже възведеть на победу судъ. и на имя Его языци упъвають. Рече Господь. иже несть съ Мъною. на Мя есть. и иже не събираеть съ Мъною растачаеть. сего ради глаголю вамъ. вьсакъ грехъ и хула отъпуститься чловекомъ. а еже на Духъ хула. не отъпуститься человекомъ и иже колижьдо речеть слово. на Сынъ Человеческыи. отъпуститься ему. а иже речеть на Духъ Святыи не отъпуститъ ся ему. ни въ сь векъ ни въ грядущии. или сътворите древо добро. и плодъ его добръ или съ творите древо зъло. и плодъ его зълъ. отъ плода бо. древо познано будеть ищадия ехидьнова. како можете добро глаголати. зъли суще отъ избытъка бо сердцу. уста глаголють. добрычеловекъ. отъ добрааго съкровища. износить добрая. и зълы человекъ. отъ зълааго съкровища. износить зълая. Глаголю же вамъ. яко вьсяко слово праздьно. еже аще рекуть человеци. въздадять о немь слово. въ дьнь судьныи. отъ словесъ бо своихъ оправьдишися. и отъ словесъ своихъ осудишися.

Рече Господь. притъчу сию. подобьно есть Царьствие Небесьное. человеку сеавъшу доброе семя. на селе своемь. съпящемъ же человекомъ приде врагъ его. и въсея плевелъ. посреде пьшениця. и отъиде. егда же прозя бе трева. и плодъ сътвори. тъгда явися и плевелъ. пришьдъше же раби господина. решя ему. господи. не добро ли семя сеялъ еси на селе своемь. отъкуду убо имать плевелы. онъ же рече имъ. врагъ человекъ то сътвори. они же решя. хощеши ли да шьдъ ше възберемъ е онъ же рече. ни. е да како въстьрьзающе плевелы. въстьрьгнете съ нимь и пьшеницу. оставите купьно расти. обое до жятвы. и въ время жятве. реку жятелемъ. шьдъше възберете древле плевелы. и съвяжате я въ снопы. яко съжещи я. а пьшеницу съберете въ житьницу мою. приступльше же ученици Его решя Ему Господи. съкажи намъ притъчу плевелъ сельныихъ отъвещавъ же Господь рече имъ. въсеавъи доброе семя. есть Сынъ Человечь. а село есть вьсь миръ. доброе же семя. сии суть сынове Царьствия. а плевели суть сынове неприязнини. а врагъ въсеявъи я есть дияволъ. а жятва коньчание веку есть. а жятеляне ангели суть. якоже убо плевели събираються. и огньмь съжигаються. тако будеть и въ съконьчание века сего. посълеть Господь ангелы Своя. и съберуть отъ коньць земля. вься съблазны и творящяя безаконие. и въ вьргуть я въпещь огньную ту будеть плачь и скрьжътъ зубомъ. тъгда правьдьнии просвьтяться яко солньце. въ Царьствии Отца ихъ. имеи уши слышати. да слышить. Рече Господь притъчу сию. подобьно есть Царствие Небесьное. человеку ищущу добра бисьра. иже обретъ единъ. многоценьнъ бисьръ. шьдъ продасть вьсе елико имеаше и купи его. пакы подобьно есть Царствие Небесьное. неводу въвьржену въ море. и отъ вьсякого рода събьравъшу. и иже егда наплънися. извлъкъше и на краи. иседъше избьрашя добрыявъ съсуды а зълыя извьргошя вънъ. тако будеть въ съконьчание века изидуть ангели. и отълучять зълыя. отъ среды правьдьныхъ. и въвьргуть я въ пещь огньную. ту будеть плачь. и скрьжьтъ зубомъ. и глагола имъ Иисусъ. разуместе ли вьсяси. глаголашя Ему еи Господи. Иисусъ же рече имъ сего ради вьсякъ кънижьникъ научивъся. Царствию Небесь нууму. по добьнъ есть человеку. домовиту. иже износить отъ съкровища своего. новая и ветьхая. и бысть. егда съконча Иисусъ притъчя сия. преиде отътуду. и приде въ отьчьствие Свое. и учаше я на съборищихъ ихъ. Въ время оно. бе учя Иисус на един. Сущу позде вътъ дьнь. Рече Господь. вънимаите отъ человекъ. Рече Господь притъчу сию уподобися Царствие Небесьное. 10. девъ.

Въ время оно. видевъ Иисусъ народъ многъ. и милосрьдова о нихъ. и исцели недужьныя ихъ. позде же бывъшу. приступишя къ Нему ученици Его. глаголюще. пусто есть место. и година уже мину. отъпусти народы. дашъдъше въ окрьстъняя градьця. купять брашьна себе. Иисусъ же рече имъ. не требують отъити. дадите имъ вы ести. они же глаголашя Ему не имамъ сьде. тъкъмо пять хлебъ. и дъве рыбе. Онъ же рече принесете Ми ясемо. и повеле народомъ възлещи на траве. и приимъ пять хлебъ. и дъве ры бе. възьревъ на небо благослови и преломль. дасть ученикомъ хлебы ученици же народомъ и ешя вьси и насытишяся. и възяшя избытъкы укрухъ. 12. коша исплънь едушихъ же беаше мужъ. яко. 5000. разве женъ и детии. Въ время оно. убеди Иисусъ ученикы Своя вълести въ корабль. и варити И на ономь полу. доньдеже отъпустить народы. и отъпущь народы. възиде на гору единъпомолитъся. позде же бывъшу единъ бе ту корабль же. бе посреде моря. погружаяся влъ нами. бе бо. противьнъ ветръ въ четврьтую же стражу нощи. иде къ нимъ Иисусъ ходя по морю. и видевъше И ученици. по морю ходящь. съмятошяся глаголюще. яко призракъ есть. и отъ ст раха възъпишя абие же рече имъ Иисусъ. глаголя. дрьзаите Азъ есмь не боитеся. отъвещавъ же Ему Петръ рече. Господи. аще Ты еси. повели ми прити къ Тебе по водамъ. Онъ же рече. приди. и излезъ Петръ ис корабля. хождааше на водахъ. и приде къ Иисусови. видя же ветръ крепъкъ. убояся. и начьнъ утапати. възъпи глаголя Господи спаси мя. абие же Иисусъ простьръ руку. ятъ и. и глагола ему. маловере. почьто ся усумьне. и вълезъшема има въ корабль. преста ветръ. сущеи же въ корабли. поклонишяся Ему глаголюще. въистину Сынъ Божии еси и преяхавъше придошя на землю. Генисарефьску.

Въ время оно. изиде Иисусъ. въ страну Тирьску и Сидоньску. и се жена Хананеиска. отъ пределъ техъ ишьдъши. възъпи глаголющи. помилуи мя Сыну Давидовъ. дъщи моя. зъле бесьнуеться. Онъ же не отьвеща еи словесе. и приступльше ученици Его. моляаху И глаголюще. отъпусти ю. яко въпиеть въследъ насъ. Онъ же отьвещавъ рече. несмь посъланъ. нъ тъкъмо къ овьцамъ погыбъшиимъ. дому Израилева она же. пришьдъши поклонися Ему. глаголющи. Господи помози ми. Онъ же отъвещавъ рече. несть добро отъяти хлеба чядомъ. и поврещии пьсомъ. она же рече. еи Господи. ибо и пьси едять отъ крупиць падающихъ. отъ трапезы господии своихъ. тогда отъвещавъ Иисусъ рече еи. о жено велика есть вера твоя. буди тебе якоже хощеши. и исцеле дъщи ея томь часе. Въ время оно. призъвавъ Иисусъ ученикы Своя. рече имъ. милосрьдую о народе. яко уже три дьни приседять Мъне. и не имуть чесо ести. и отъ пустити ихъ не ядъшъ не хощу. да не како ослабеють на пути. и глаголашя Ему ученици Его отъкуду намъ въ пусте месте хлебъ толико насытити народа толико. и глагола имъ Иисусъ. колико хлебъ имате. они же рекошя 7. и мало рыбиць. и повеле народу възлещи на земли и приимъ седмь хлебъ. и рыбы хвалу въздавъ преломи. и дасть ученикомъ Своимъ. ученици же народомъ. и ешявьси и насытишяся. и възяшя избытъкы укрухъ. 7. кошьниць исплънь. и ядъшиихъ беаше. 4000. мужь. разве женъ и детии. и отъпущь народы. вълезе въ корабль. и приде въ пределы Магдалиньскы.

Въ время оно. пришьдъ Иисусъ въ страну Кесария Филиповы. въпрашааше ученикы Своя. глаголя кого глаголють Мя человеци быти. Сына Человечьскааго. они же рекошя. ови Иоана Крьстителя. ини же Илию. друзи же Иеремию. или единого отъ пророкъ. глагола имъ Иисусъ. вы же кого глаголете Мя быти. отъвещавъ же Симонъ Петръ рече Ты еси Христосъ Сынъ Бога живааго. и отъвещавъ Иисусъ рече Ему. блаженъ еси Симоне вар Иона. яко плъть и кръвь не яви тебе. нъ Отець Мои иже есть на небесехъ Азъ же тебе глаголю яко ты еси Петръ. и на семь камени. съзижду црькве Мою. и врата адова не удо леють еи. и дамь тебе ключя Царствия Небесьнааго. и еже аще съвяжеши на земли. будеть съвязано на небесехъ. и еже аще раздрешиши на земли. будеть раздрешено на небесехъ.

Въ время оно. поятъ Иисусъ Петра. и Иякова и Иоана брата ему. и възведе я на гору высоку едины. и преобразися предъ ними. и просвьтеся лице Его яко солнце. и ризы Его бышя белы яко светъ. и се явистеся имъ Моиси. и Илия. съ Нимь глаголюща отъвещавъ же Петръ. рече къ Иисусови. Господи. добро есть намъ сьде быти. аще хощешида сътворимъ три кровы. Тебе единъ. и Моиси единъ. и Илии единъ. единаче же ему глаголющу. се облакъ светьлъ осие я. и се гласъ изъ облака глаголя сеесть Сынъ Мои възлюбеныи о Немьже благоволихъ Того послушаите. и слышавъше ученици. падошя ници. и убояшяся зело и приступль Иисусъ прикоснуся ихъ. и рече. въстанете и не боитеся. възведъше же очи свои. никогоже не ви дешя. тъкъмо Иисуса единого. и съходящемъ имъ съ горы. заповеда имъ Иисусъ глаголя. никому же не поведите видения. до ньдеже Сынъ Человечьскыи. из мрътвыхъ въскрьснеть. Въ время оно. человекъ некыи пришьдъ къ Иисусу. кланеашеся Ему глаголя. Господи. помилуи сынъ мои. яко на новъ месяць. бесьнуеться и зълестраждеть. мъногашьди пада еть на огнь. и мъногашьди въ воду. и приведохъ и къ ученикомъ Твоимъ. и не могошя его исцелити отъвещавъ же Иисусъ рече. о роде неверьнъ и развращенъ доколе съ вами буду. доколе трьплю васъ. приведите Ми исемо. и запрети ему Иисусъ. и изиде из него бесъ. и исцеле отрокъ томь часе. тогда приступльше ученици къ Иисусу единому рекошя. почьто мы не могохомъ изгънати его Иисусъ же рече имъ за неверьствие ваше. аминъ бо. глаголю вамъ аще имате веру яко зрьно гору шьно. речете горе сеи. преиди отъсуду тамо. и преидеть. и ничьтоже не възможьно будеть вамъ. родъ же сь не исходить. тъкъмо молитвою. и постъмь живущемъ же имъ въ Галилеи. рече имъ Иисусъ преданъ имать быти Сынъ Человечь. въ руце человекомъ. и убиють И. и третии дьнь въстанеть. Въ время оно. приступишя приемлюще и дидрагма къ Петрови. и рекошя Учитель вашь не даеть ли дидрагма. рече. еи. и егда въниде въ домъ. вари и Иисусъ глаголя. чьто ти ся мьнить. Симоне. царе земьнии. отъ кыихъ приемлютъ дани или кинсъ. отъ сыновъ ли своихъ. или отъ туждихъ рече Ему Петръ. отъ туждиихъ. рече ему Иисусъ. убо свободъ ли суть сынове. нъ да не съблазнимъ ихъ. шьдъ въ море въврьзи удицу. и юже имеши прежде рыбу възьми. и отъврьзъ уста еи. обрящеши статирь. тъ възьмъ даждь и мъ за ся и за Мя.

въ тъ часъ приступишя ученицикъ Иисусови глаголюще къто убо болии есть въ Царствии Небесьнеемь. и призъвавъ Иисусъ отрочя. постави е посреде ихъ и рече. амин глаголю вамъ. аще не обратитеся и будете яко дети. не имате вънити въ Царствие Небесьное. иже бо ся съмерить яко отрочя се. тъ есть болии въ Царствии Небесьнеемъ. Рече Господь. блюдетеся. и не радите о единомь отъ малыихъ сихъ. глаголю бо вамъ. яко ангели ихъ на небесехъ выину видять лице Отца Моего небесьнааго приде бо Сынъ Человечьскыи възискатъ и съпастъ погыбъшааго. чьтося мьнить вамъ аще будеть етеру другууму человеку съто овьць. и заблюдить едина отъ нихъ. не оставить ли девятидесятъ и девяти на горахъ и шъдъ ищеть заблужъшяя. и аще будеть обрести ю. аминъ глаголю вамъ. яко радуеться о неи паче. неже о девятидесятъ и девяти не заблужъшиихъ тако несть воля предъ Отцемь вашиимъ небесьны имъ. да погыбнеть единъ отъ малыихъ сихъ аще же съгрешить къ тебе братъ твои. иди обличи и между собою. и темь единемь. аще тебе послу шаеть. приобрящеши брата своего. аще ли тебе не послушаеть. поими съ собою единого или дъва. да въ устехъ дъвою или трии. съведетель станеть вься къ глаголъ. аще не послушаеть ихъ. рьци церкви. аще же и о црькъви неродити начьнеть. да будеть ти яко язычьникъ и мытарь. аминъ глаголю вамъ елико аще съвяжете на земли будеть съвязано на небеси. и елико аще раздрешите на земли. будеть раздрешено на небеси. пакы аминъ глаголю вамъ. яко аще дъва отъ васъ съвещаете на земли о вьсакои вещи. еяже колижъдо просите. будеть има отъ Отьца Моего иже есть на небесехъ. идеже бо еста дъва или трие събьрани въ имя Мое. ту есмь посреде ихъ. Рече Господь. притъчу сию. уподобися Царствие Небесьное. человеку цару иже въсхоте сътязатися о словеси. съ рабы своими. начьнъшу же ему сътязатися. приведошя ему длъжьникъ единъ. тьмою талантъ. не имущу же е му въздати. повеле господинъ его да продадятъ и. и жену его и чяда. и вьсе елико имеаше и отъдати. падъ убо рабъ тъ. кланеаше ся ему. глаголя господи потрьпи на мъне. и вьса ти въздамь. милосрьдовавъ же господь раба того пустии. и длъгъ отъпусти ему изъшьдъ же рабъ тъ. обрете единого отъ клевретъ своихъ. иже бе длъжънъ ему. сътъмь цятъ и имъ и. давляашеи глаголя. въздаждьми. имьже еси длъжьнъ. падъ же клевретъ его на ногу его молеаше и глаголя потрьпи на мъне и вьсети въздамь. онъ же не хотеаше. нъшьдъ въсади и въ тьмьницу. доньдеже въздасть вьсь длъгъ его. видевъше же клеврети его бывъшая. съжалишяси зело. и пришьдъше съказашя господину своему. вьса бывъшая тогда призъва и господинъ его. глагола ему. рабе лукавыи. вьсь длъгъ твои отъпустихъ ти. понеже умоли мя. неподобааше ли и тебе помиловати клеврета своего. яко и азъ тя помиловахъ. и прогневавъся господинъ его. предасть и мучителемъ. доньдеже въздасть. вьсъ длъгъ свои. тако и Отьць Мои небесьныи. сътворить вамъ. аще не отъпущаете къждо брату своему. отъ сердець вашихъ прегрешении ихъ.

Въ время оно. приступишя къ Иисусу фарисеи. искушающе и глаголюще аще достоить человеку. пустити жену свою по вьсакои вине и отъвещавъ Иисусъ рече имъ. несте ли чьли. яко сътвори испрьва мужьскъ полъ и женьскъ сътворилъ я есть и рече. сего ради. оставить человекъ отца своего и ма тере. и прилепиться къ жене своеи. и будета оба въ плъть едину. темьже уже несте дъва. нъ плъть едина еже убо Богъ съчета. человекъ да не разлучаеть. глаголашя Ему. чьто убо Моиси заповеда. дати кънигы распустьныя. и отъпустити ю. глагола имъ яко Моиси. по жестосрьдию вашему. повеле вамъ. пустити жены вашя. и спрьва же не бысть тако. глаголю же вамъ. яко аще иже пустить жену свою. разве словесе любодеа ньнааго. творитъ ю прелюбы творити. и женяися потьбегою прелюбы творить. и глаголашя Ему ученици Его. аще тако есть вина человеку съ женою. у нее есть не женитися. Онъ же рече имъ. не вьси. въместять словесе сего. нъ имъ же дано есть. сутъ бо каженици. иже изъ чрева матерьня. родишяся тако. и суть каженици. яже исказишя человеции суть каженици. иже исказишяся сами. Царствия ради Небесьнааго. могыи въместити да въместить. Въ время оно. юноша некыи приступи къ Иисусу моля И глаголя. Учителю благыи. чьто благо сътвору. да имамъ животъ вечьныи. Онъ же рече ему. чьто Мя глаголеши блага. никътоже благъ. тъкъмо единъ Богъ. аще ли хощеши въ животъ вечьныи вънити. съблюди заповеди. глагола Ему кыя. Иисусъ же рече ему. еже не убиеши. не прелюбы сътвориши. не украдеши. не лъжесъведетель буди. чьти отца своего и матерь. и възлюбиши ближьнеаго своего. яко самъ ся. глагола Ему юноша. вьса си сътворихъ отъ юности моея. чесо есмь еще не доконьчалъ. рече ему Иисусъ. аще хощеши съврьшенъ быти иди продаждь имение твое и даждь нищиимъ. и имети имааши съкровище на небесе. и приди въследъ Мене слышавъ же юноша слово. отъиде скръбя бе бо имея сътяжания мънога. Иисусъ же рече. къ ученикомъ Своимъ. амин. глаголю вамъ. яко не удобь вънидеть богать. въ Царьствие Небесьное. пакы глаголю вамъ. яко удобее есть вельбуду. сквозе уши игълине проити. неже богату въ Царьствие Божие вънити слышавъше же се ученици Его. дивлеахуся зело. глаголюще. къто убо можеть спасенъ быти възьревъ же Иисусъ рече имъ отъ чловекъ се не възъможьно есть. а отъ Бога вьса възможьна суть. тогда отъвещавъ Петръ рече Ему. се мы оставихомъ вьса. и въследъ Тебе идохомъ. чьто будеть намъ Исусъ же рече ему аминъ. глаголю вамъ яко вы шьдъшеи по Мъне. въ пакыбытие. егда сядеть Сынъ Чловечьскыи. на престоле славы Своея. сядете и вы на дъвоюна десяте престолу. судяще обема надесяте коленома Израилевома и вьсакъ иже оставить братию. или сестры. или отца. или матере. или жену. или дети. или села. или храмы. имене Моего ради. сътократицею прииметь. и животъ вечьны и наследьствить мънози же будуть. прьвии последьнии. и последьнии прьвии.

Рече Господь притъчу сию. подобьно есть Царьствие Небесьное человеку домовиту. иже изиде купьно заутра наяти делателя въ виноградъ свои. съвещавъ же съделатели. по пенязу на дьнь. посълая въ виноградъ свои. и ишъдъ въ третию годину. виде ины на тръжищи стоящя праздьны. и темъ рече идете и вы въ виноградъ мои. и еже будеть правь дадамь вамъ они же идошя пакы же ишъдъ. в шестую и девятую годину. сътвори такожде. въ единую же на десяте годину ишьдъ. обрете другыя стоящя праздьныи глагола имъ чьто сьде стоите вьсь дьнь праздьни. глаголашя ему. яко никъто же насъ не наятъ глагола имъ. идете и вы въ виноградъ мои. И еже будеть правьда. приимете вечеру же бывъшу. глагола господь виноградакъ приставьнику своему. призови делателя. идаи имъ мьзду. начьнъотъ последьниихъ. до прьвыихъ. пришъдъшеи же въ единуюнадеся те годину. прияшя по пенязу. пришъдъше прьвии. мьняахуся вяще прияти. и прияшя и ти по пенязу. примъше же. ръпътаху на господина глаголюще. како сия последьняя. единъ часъсъ творивъшя. и равьны намъ сътворилъ я еси. понесъшиимъ тяготу дьне и варъ. онъ же отъвещавъ рече единому ихъ. друже. не обижду тебе. не по пенязу ли съвещахъ съ тобою. възьми свое и иди. хощу же сему последьнюму. дати яко и тебе или несть милеть. сътворити. еже хощувъ своихъ миаще око твое лукаво есть. яко азъ благъ есмь тако будуть последьни пьрвии. и пьрвии последьнии. мънози бо суть зъвании. мало же избьраны ихъ. Въ время оно. исходящу Иисусу отъ Иерихона. по Немь идошя народи мънози. и се дъва слепьца. седяща при пути. слышавъша яко Иисусъ мимоходить. възъписта. глаголюща. помилуи ны Господи Сыну Давидовъ. народъ же запрети има. да умлъчита. она же паче зъвааста глаголюща. помилуины Господи Сыну Давыдовъ. и ставъ Иисусъ. възгласи я и рече. чьто хощета дасътвору вама глаголаста Ему Господи. да отврьзетася очи наю. милосрьдовавъ же Иисусъ. прикоснуся очию има. и абие отврьзостася има очи. и по Немь идоста.

Въ время оно. егда приближися Иисусъ. въ Иерусалимъ. и приде въ Виффагию къ горе Елеоньстеи. Тогда посъла дъва ученика глагола има. идета въ вьсь. я же есть премо вама. и абие обрящета. осьля привязано. и жребя съ нимь. и отрешьша приведета Ми. и аще речеть къто вама чьто. речета. яко Господь требуеть ею. и абие же. посълеть я. се же вьсе бысть. да съ будеться реченое пророкъмь глаголющемъ. рьцете дъщери Сионове. се Царь твои. и идеть къ тебе. кротъкъ и въседъ на осьля и жребя. сына ярьмь нича. шьдъша же ученика. и сътвориста якоже по веле има Иисусъ приведоста осьля и жребя и възложишя вьрьху ею ризы своя. и въ седе вьрху ихъ. мъножаише же народи. постьлашя ризы своя по пути. друзии же резааху ветви отъ древа. и постилааху по пути. народи же ходящии. предъ Нимь. и въследъ. зъвааху глаголюще. осана Сыну Давидовъ благословленъ Грядыи въ имя Господне. осана въвышьнихъ. и въшъдъшу Ему. въ Иерусалимъ. потрясеся вьсь градъ глаголя. къто Сь есть. народи же глаголааху. яко Сь есть Иисусъ пророкъ. иже отъ Назарефа Галилеискааго. видевъше же архиереи. и кънижьници. чудесаяже сътвори Иисусъ. и отрокы зовущявъ церкви и глаголюштя. осана Сыну Давидову негодовашя и рекошя Ему. слышиши ли. чьтоси глаголють. Иисусъ же рече имъ. еи. несте и николи же чьли. яко из устъ младеничь. и съсущихъ съврьшилъ еси хвалу. и оставль я изиде. вънъ из града въ Вифанию. и удворися ту. Рече Господь притъчу сию. чловекъ некыи домовитъ. иже насади виноградъ. и оплотъмь и огради. и ископа въ немь точило. и съ зъда стлъпъ. и въдасть и дела телемъ. и отъиде. егда же приближишися время плодомъ. посъла рабы своя. къ делателемъ. прияти плоды его. и имъше делателе рабы его. ового бишя. ового же убишя. а другааго камениимь побишя. пакы посъла ины рабы. мъножаишя прьвыихъ и сътворишя имъ такожде. последь же посълакъ нимъ сынъ свои глаголя. усрамляютъся сына моего. делателе же узьреша сынъ. рекошя въ себе сь есть наследьникъ придете убиямъ и. и удрьжимъ достояние его и имъше и. извлекошя и вънъ из виногра да и убишя. егда убо придеть господинъ винограда. чьто сътворить. дела телемъ темъ глаголашя ему зълы зъле погубить я. и виноградъ предастьинемъ делателемъ. иже въ здадять ему плоды въ времена своя. глаголаимъ Иисусъ. нестели чьли николи же въ книгахъкамень егоже не в реду сътворишя жиждющеись бысть въ главу углу. отъ Господи бысть си. и есть дивьна въ очию нашею.

Рече Господь притъчу сию. уподобися Царствие Небесьное. человеку цару. иже сътвори бракъ сыну своему. и посъла рабы своя призъвати зъваныя на бракъ. и не хотяаху прити пакы посъла ины рабы глаголя рьцете зъваны имъ. се обедъ мои уготовахъ. юньци мои. и упитаная исколена. и вьса готова. придете на бракъ. они же небрегъше отъидошя. овъ на село свое. овъ же на куплю свою а прочии имъше рабы его. досадишя имъ. и избишя я. и слышавъ царь тъ. разгневася. и посълавъ своя воя. погуби убииця ты. и градъ ихъ зажьже тогда глагола рабомъ своимъ бракъ уготованъ есть а зъвании. не бешя достоини. идете убо на исходища путии. и елико аще обрящете призовете на бракъ. и ишьдъше раби ти на пути. събьрашя вься. яже обретошя. зъ лыя же и добрыя. и наплънишя бракъ възлежящиихъ. въшьдъ же царь. видетъ възлежящиихъ виде ту человека не облъчена въ одение брачьное и глагола ему друже. како въниде семо. не имы одения брачьна онъ же умлъча тогда рече царь слугамъ. съвязавъше ему руце инозе. възьметеи. и въврьзете. въ тьму кромешьнюю. ту будеть плачь и скрьжьтъ зубомъ мнози бо суть зъвании. мало же избьраныих. Въ время оно. съветъ сътворишя фарисеи на Иисуса. да и обльстять словъмь. и посылають къ нему ученикы своя. съ иродианы. глаголюще. Учителю. вемь. яко истиньнъ еси. и пути Божию въистину учишии небрежешини о чемь же. незьриши бо на лице человекомъ. рьци убо намъ. чьто ти ся мь нить. достоино ли есть дати. кинсъ кесареви. или ни разумевъ же Иисусъ помышления ихъ рече. чьто Мя искушаете ипокрити покажете Ми цяту киньсьную. они же принесошя Ему цяту. Онъ же глагола имъ. чии есть образъ сь и написание глаголашя Ему кесарево. тогда глагола имъвъздадите убо. кесарева кесареви. и Божия Богу и слышавъше дивишяся. и въставъше и отъидошя. Въ время оно. законьникъ некыи. приде къ Иисусови. искушая И и глаголя. Учителю. кая заповедь болъши въ законе. Иисусъ же рече ему. възлюбиши Господа Бога своего. вьсемь сердьцьмь своимь и вьсею душею твоею. и вьсею мыслию твоею. си есть прьвая и больши заповедь. въторая же подобьна сеи. възлюбиши ближьняаго своего яко самъ ся вь сею обою заповедию. вьсь законъ и пророци висять събьраномъ же фарисеомъ. въпроси я Иисусъ глаголя чьто ся вамъ мьнить о Христе. чи и есть сынъ. глаголашя Ему Давидовъ. глагола имъ како убо Давидъ. духъмь Господа Его нарицаеть глаголя. рече Господь. Господеви моему. седи одесную Мене. доньдеже положу врагы Твоя подъножию ногама Твоима аще бо Давидъ. Господа нарицаеть И како ему есть сынъ. и никътоже не можааше Ему отъ вещати словесе. ни съме къто отъ дьне того въпросити Его кътому.

Въ время оно. глагола Иисусъ къ народомъ. и ученикомъ Своимъ глаголя. на Моисеове седалищи. седошя кънижь ници и фарисеи вьса убо аще реку вамъ блюсти. съблюдаите и творите по деломъ же ихъ не творите глаголють бо и не творять. съвязають бо. бремена тяжька и неудобь носима. и въ складають на плеща человечьска а прьстъмь своимь. не хотять двигнути ихъ вьса же дела своя творять. да видими будуть человекы. раширяють же. хранилища своя. и величають подъметы ризъ своихъ. любять же прежевъзлегания на вечеряхъ. и преждеседания на съборищиихъ. и целования на тръжищихъ. и нарицатися отъ человекъ. равви. равви. вы же не нарицаетеся. равви. единъ бо есть Учителъ вашь Христосъ. вьси же вы братия есте и отца не нарицаете себе на земли. единъ бо есть Отець вашь иже есть на небесехъ. ни нарицаетеся наставьници. яко Наставьникъ вашь единъ есть Христосъ. а болии въ васъ. да будеть вамъ слуга а иже възнесеться съмериться. и съмеряяися възнесеться. Рече Господь. о горе вамъ къ нигъчия и фарисеи. лицемери. яко зиждете гробы пророчьскыя. и красите ракы правьдьныихъ и глаголете. аще быхомъ бы ли въ дьни отець нашихъ. не быхомъ убо были обьщьници имь. въ кръви пророкъ темьже съведетельствуете о себе. яко сынове есте. избивъшихъ пророкы и вы напълняете меру отецъ вашихъ. змия. иштядия ехидьнова. како убежите суда геоньскааго сего ради. се Азъ сълю къ вамъ пророкы премудры. и кънигъчия. и отъ нихъ убиете и распьнете. и отъ нихъ тепете. на съборищихъ вашихъ. и ижденете отъ града въ градъ. да придеть на вы кръвь правьдьна. проливаема на земли. о тъ кръви Авела. правьдьнааго. до кръве Захария сына Вариина. егоже убисте между церквью и алтарьмь. аминъ. глаголю вамъ. яко придуть вься си на родъ сь Иерусалимъ. Иерусалимъ. избивъшия пророкы. и камениемь побивающи. посъланыя къ тебе. коль краты въсхоте събрати чяда твоя. яко же събираеть кокошъ пътеньця своя подъ криле. и не въсхотесте се оставляеться вамъ домъ вашъ пустъ глаголю бо вамъ не имаате Мене видети. доньдеже речете. благословленъ Грядыи въ имя Господне.

Въ время оно. приступишя ученици къ Иисусу. показати Ему зъдания церкъвьная. Онъ же отъвещавъ рече имъ не видите ли вьсехъ сихъ аминъ. глаголю вамъ. не имать остати сьде камень на камени. иже не разориться Въ время оно. седящу Иисусови на горе Елеоньсте приступишя къ Нему ученицикъ единому глаголюще. повеждь намъ когда си будуть и чьто есть знамение Твоего пришьствия. и кончания века. и отъвещавъ Иисусъ рече имъ блюдетеся. да никъто же васъ не прельстить. мънози бо придуть въ имя Мое глаголюще. азъ есмь Христосъ. и мъногы прельстять. услышати же. имаате брани. и слышания брани видите. не ужасаитеся. подобаеть бо вьсемъ быти. нъ не тогда бо есть коньчина. въ станеть бо языкъ на языкъ. и царство на царство. и будуть пагубы и глади. и труси по места. вьса же си. начяло болезни. тогда предадять вы въ скръбь. и убиють вы. и будете ненавидими вьсеми языкы. имене Моего ради. и тогда съблазняться мънози. и другъ друга предасть. и възнена видить другъ друга. и мънози лъжии пророци въстануть. и прельстять мъногы и за умъножение безакония. исякнеть любы мъногыихъ. претрьпевъи же до коньца. тъ спасеться. и проповесться се Еваньгелие Царствия. по вьсеи вьселенеи. въ съведетельство языкомъ. и тогда придеть коньчина. егда же узьрите мьрзость запустения. реченую Данилъмь пророкъмь. стоящю на ме сте святе. чьтыи да разумеваеть. тогда сущеи въ Иудеи. да бегають на горы и иже на крове. да не сълазить възяти еже есть въ храмине его. и иже на селе. такожде да не възвратиться въспять. възяти ризъ своихъ. горе же не праздьныимъ. и доящи имъ въ ты дьни. молите же ся. да не будеть бество ваше. зиме. ни въ суботу. будеть бо скрбь тогда велика. яка же несть была отъ начала вьсего мира. доселе ни имать быти. и аще небышя прекратилися ти дьние. не бы у бо спаслася вьсяка плъть. за избьраныя же. прекратяться ти дьние тогда аще къто вамъ речеть. се сьде Христосъ. или сьде не имете веры въстануть болъжии хрьсти и лъжии пророци и дадять знамения велия и чудеса. яко прельстити. аще есть възможьно избьраныя. се прежде рекохъ вамъ аще же рекуть вамъ. се въ пустыни есть. не изидете. се въ кровехъ. не имете веры. якоже бо мълния исходить отъ въстокъ. и являеться до западъ. тако будеть пришьствие. Сына Чловечьскааго. идеже бо аще бу деть трупъ. ту съберуться орли. абие же. по скръби дьнии техъ слъньце мьрькнеть и луна не дасть света своего. и звезды спадуть съ небесе. и силы не бесьныя двигнуться. и тогда явиться знамение Сына Человечьскааго на небеси. и тогда въсплачуться. вься колена земьская. и узьрять Сына Человечьскааго идуща на облацехъ небесьны ихъ. съ силою и славою великою. и посълеть ангелы Свя. съ гласъмь великъмь трубьныимь. и съберуть избьраныя Его отъ четырь ветръ. отъ коньць небесъ. до конь ць ихъ. отъ смокъвьниця. научитеся притъчи. егда же уже вея ея будеть млада. и листвие прозябнеть весте. яко близъ есть жятва. такоже и вы. егда узьрите вьсяси. видите. яко близъ есть при двьрьхъ амин. глаголю вамъ. яко не мимоидеть родъ сь. дондеже вьсяси будуть. небо и земля мимоидеть. а словеса Моя не мимоидуть. Рече Господь. Своимъ ученикомъ. о дьни томь и о часе. никъто же не весть. ни аньгели небесьнии. тъкъмо Отець единъ. якоже бо въ дьни Ноевы. тако будеть и въ пришьствие Сына Чловечьскааго якоже бо беаху въ дьни преже Потопа. едуще и пиюще. женящеся и посагающе. до него же дьне въниде Ное въ ковьчегъ. и не оштутишя доньдеже приде Потопъ. и възятъ вься. тако будеть и въ пришьствие. Сына Человечьскааго. тъгда дъва будета на селе. единъ поемлть. а другы оставляеться дъве мелющи въ жърнъвахъ. едина поемлеться а другая оствляеться. бъдите убо. яко не весте въ кыи часъ. Господь вашь придеть. тоже ведите. яко аще бы веделъ господинъ храму. въ кую стражу тать придеть. бъделъ убо бы. и не бы оставилъ подъкопати. храмины своея. сего ради и вы будете готови. яко въньже часъ не мьните. Сынъ Человечьскыи придеть къто бо есть верьныи рабъ. имудрыи. его же поставить господь надъ домъмь своимь. да дасть имъ въ время пищу ихъ. блаженъ рабъ тъ. егоже пришъдъ господь свои. обрящеть и тако творяща амин. глаголю вамъ. яко надъ вьсемь имениимь своимь. поставить и. аще ли речеть зълыи рабъ тъ. въ сердци своемь. мудить господь мои прити. и начьнеть бити клевреты своя. ести же и пити съ пияницами. придеть же господь раба того. въ дьнь въньже не чаеть. и въ часъ въньже не весть. и протешеть и полъмаи чясть его съ лицемеры положить. ту будеть плачь и скрьжътъ зубомъ.

Тогда уподобися Царствие Небесьное. 10. девъ. яже приимъшя съветильникы своя. изидошя противу жениху и невесте. пять же отъ нихъ бе буи. и пять мудръ. буяя бо. приимъшя светильникы своя. не въ зяшя бо съ собою елеа. а мудрыя. възяшя елеи въ съсудехъ своихъ. съ светильникы своими. мудяшту же жениху. въздремашяся вься и съ пааху. полунощи же. въпль бысть. се женихъ грядеть. и сходите въ съретение ему тогда въсташявься девы ты. и украсишя светильникы своя. а буяя. рекошя мудрыимъ. дадите намъ отъ олея вашего. яко светильници наши угасають. отъвещашя же мудрыя глаголющя еда како. не достанеть вамъ и намъ. идете же паче къ продающиимъ. и купите себе идущамъ же имъ купитъ. приде же нихъ. и готовыя вънидошя съ нимь на бракъ. и затворены бышя двьри. последь же придошя и прочяя девы. глаголюща. господи господи отврьзи намъ онъ же отъвещавъ рече амиин. глаголю вамъ не веде васъ бъдите убо. яко не весте дьни ни часа. въньже Сынъ Человечьскыи придеть. Якоже бо человекъ отъходя. призъва рабы своя. и предасть имъ имение свое. и овому дасть пять талантъ. овому же дъва. овому же единь комужьдо противу своеи си ле. и отъиде абие. шьдъ же. приимъи. 5. талантъ. дела о нихъ. и приобрете другую. 5. талантъ. такожде же и иже дъва приобрете другая дъва. а приимъ и единъ. шьдъ раскопа землю. и скры съребро. господина своего. по мънозе же времени. приде господинъ рабъ техъ. и сътязася словеси съ ними. и приступль примъи пять талантъ. принесе другую пять талантъ. глаголя. господи. 5. талантъ ми еси предалъ. се другую. 5. талантъ приобретохъ ими. рече ему. господинъ его. добрыи рабе. благыи верьне. о ма ле бе верьнъ. надъ мъногытя поставлю. въниди въ радость господа своего. приступль же. приимъи дъва таланта. рече Господи. дъва талантами еси предалъ. се другая дъва таланта приобретохъ има. рече же ему. господинъ его. добрыи рабе благыи и верьне. о мале бе верьнъ. надъ мъногытя поставлю. въниди въ радость господина своего. приступль же. приимъ и единъ талантъ. рече. господи. ведеахътя. яко жестокъ еси человекъ. жьня идеже неси сеялъ. и събираешиюдуже не расточивъ. и убоя въся. шьдъ. съкрыхъ талантъ твои въ земли се имааши твое. отъвещавъ же господинъ его. рече ему. зълыи рабе ленивыи. ведеаше яко жьню идеже не сеяхъ. и събираю юдуже не расточихъ. подобаше ти убо. въдати съребро мое тръжьникомъ. и пришъдъ азъ. възялъ быхъ своесъ лихвою. възьмете убо о отъ него талантъ. и дадите имущууму 10. талантъ. имущууму бо вьсьде дано будеть. и избудеть. а отъ неимущааго. и еже мьниться имы. възято будеть отъ него. и не ключимааго раба въвьрзете. въ тьму кромешьнюю. ту будеть плачь и скрьжътъ зубомъ. Егда же придьть Сынъ Человечьи. въ славе Своеи. и вьси святи ангели съ Нимь. Тогда сядеть на престоле славы Своея. и съберуться предъ Нимь вьси языци. и разлучить я другъ отъ друга якоже разлучаеть пастырь овьця отъ козьлищь. и поставить овьця одесную Себе. а козьлища ошуюю. тогда речеть Царь. сущиимъ одесную Его. Придете благословлени Отца Моего. наследьствуите уготованое вамъ Царь ствие. отъ съложения вьсего мира. възалкахъ бо ся. и дасте Ми ести въждядахъся. и напоисте Мя. страньнъ бехъ и въведосте Мя. нагъ. и одесте Мя болехъ. и посетисте Мене. въ тьмьници бехъ. и придосте къ Мъне тогда отъвещають Ему правьдьници. глаголюще. Господи. когда Тя видехомъ алчуща. и напитахомъ. ли жяждуща и напоихомъ. когда же Тя видехомъ страньна. и въ ведохомъ. или нага. и одехомъ. когда же Тя видехомъ больна. или въ тьмьници. и придохомъ къ Тебе. и отъве щавъ Царь речеть имъ. амиин. глаголю вамъ понеже сътвористе. единому отъ сихъ малыихъ братъ Моихъ мьньшихъ. Мъне сътвористе тогда речеть и сущиимъ ошуюю Его. идете отъ Мене проклятии. въ огнь вечьныи. уготованыи дияволу. и ангеломъ его. възалкахъ бо ся. и не дасте Ми ести. въждядахъся. и не напоисте Мене. страньнъ бехъ. и не въведосте Мене. нагъ и не одесте Мене. больнъ и въ тьмьници. и не посетисте Мене. тогда отъвещають Ему и ти глаголюще. Господи. ко гда Тя видехомъ алчуща. или жяждуща. или страньна. или нага. или больна. или въ тьмьници. и не послужихомъ Тебе. тогда отъвещаеть имъ глаголя аминъ. глаголю вамъ. понеже несътвористе. единому отъ сихъ мьньшихъ. ни Мъне сътвористе. и идутьси. въ тьму вечьную. а правьдьници въ жизнь вечьную.

и бысть егда съконьча Иисусъ. вься словеса си. рече ученикомъ Своимъ. Рече Господь. къ Своимъ ученикомъ. весте яко по дъвоюдьну Пасха будеть. и СынъЧеловечьскыи преданъ будеть на распятие тогда събьрашяся архиереи. и кънижьници. и старьци людьстии. на дворъ архиереовъ. нарицаемааго Каияфа. и съвещашяся. да Иисуса имуть льстию. и убиють И. глагола аху же. нъ не въ праздьникъ. да не мълъва будеть въ людьхъ. Иисусу же бывъшу въ Вифании. въ дому Симона прокаженааго. приступи къ Нему жена имущи алавастръ мира драга. и възлия на главу Ему възлежящу видевъше же ученици Его. негодовашя глаголюще. чесо ради гыбель си можааше бо. се миро продано быти на мънозе. и дано быти нищиимъ. разумевъ же Иисусъ рече имъ. чьто труждаете жену. дело бо добро съдела о Мъне вьсегда бо нищяя съ собою имаате. Мене же. не вьсегда имаате. възли явъшия бо миро се. на тело Мое. на погребение Мя сътвори. амин. глаголю вамъ. идеже аще проповедано будеть Евангелие се. въ вьсемь мире. речеться. и еже сътвори си. въ память ея тогда шьдъ единъ отъ обою надесяте. нарицаемъи Июда Искариотьскыи. къ архиереомъ рече. чьто хощете ми дати. и азъ вамъ предамь И. они же поставишя ему 30. съребрьникъ. и отътоли искааше подобьна времене. да Его предасть. въ пьрвыи же дьнь опреснъкъ приступишя ученици къ Иисусови. глаголюще Ему. къде хощеши уготоваемъ Тебе ести пасху Онъ же рече идете въ градъ къ единому. и рьцете ему Учитель глаголеть. время Мое близъ есть. у тебе сътвору пасху съ ученикы Своими. и сътворишя ученици. якоже повелеимъ Иисусъ. уготовашя пасху вечеру же бывъшу. възлеже съ обемана десяте ученикома. и едущемъ имъ рече. аминъ. глаголю вамъ. яко единъ отъ васъ предасть Мя. и скръбяще зело. на чяшя глаголати Ему. Единъ къ жьдо ихъ. еда азъ есмь Господи. Онъ же отъвещавъ рече. омочивыи съ Мъною въ солило руку. тъ Мя предасть Сынъ же Человечьскыи. идеть. якоже есть писано о Немь. лютеже человеку тому. имьже Сынъ Чловечьскыи предаеться. добрее ему бы было. аще бы не родилъся человекътъ отъвещавъ же Июда. предаяи Его рече еда азъ есмь Равви. глагола ем ты рече. еду щемъ же имъ. приимъ Иисусъ хле бъ. и благословивъ. и преломи. и даяаше ученикомъ Своимъ и рече приимете и едите. се есть тело Мое. и приимъ чашу хвалу въздавъ. дасть имъ глаголя. пиите отъ нея вьси. се есть кръвь Моя. новааго завета. проливаемая за мъногы. въ оставление греховъ. глаголю же вамъ. яко не имаамь пити уже отъ сего плода лозьнааго. до того дьне. егда и пию съ вами. новъ. въ Царствии и Отца Моего. и въспевъше. изидошя въ гору Елеоньску. тогда глагола имъ Иисусъ. вьсивы съблазнитеся о Мъне. въ сию нощь писано бо есть. поражу пастыря. и разидутъся овьця стада по въскрьсновении же Моемь варю вы въ Галилеи. отъвещавъ же Петръ. рече Ему. аще и вьси съблазняться о Тебе. азъ. николиже не съблажнюся. рече же ему Иисусъ. Амин. глаголю тебе. яко въ сию нощь. прежде даже куръ не възгласить. три краты отъвьржешися Мене глагола ему Петръ аще ми ся прилучить. съ Тобою умрети не отъвьргуся Тебе. такожде и вьси ученици рекошя. тогда приде съ ними Иисусъ. въ вьсь нарицаемую. Гефсимании. и глагола учени комъ сядетету. доньдежешъдъ. помолюся тамо. и поимъ Петра и оба сына Зеведеова. начятъ тужити и скърбети. тогда глагола имъ Иисусъ прискърбьна есть душа Моя до съмьрти. пожидете сьде. и бъдите съ Мъною. и прешьдъ мало. паде ниць. моляся иглаголя. Отче Мои. аще възможьно есть. да мимоидеть отъ Мене чаша си. обаче. не якоже Азъ хощу. нъ якоже Ты. и въставъ отъ молитвы. приде къ ученикомъ и обрете я съпяща. и глагола Симону Петру. тако ли не възможете единого часа бъдети съ Мъною. бъдите и молитеся. да не вънидете вънапасть. духъ бо есть бъдръ а плъть немощьна. пакы въторое шьдъ. помолися глаголя. Отче Мои. аще не можеть чаша мимоити отъ Мене. аще не пию ея. буди воля Твоя. и пришьдъ пакы. обрете я съпяща бесте бо имъ очи отягъчене. и оставивъ я. пакы шъдъ помолися третиее. тожде слово рекъ. тогда приде къ ученико мъ Своимъ. и глагола имъ съпите прочее и почиваите. се приближися часъ. и Сынъ Чловечьскыи. предаеться въ руце грешьны ихъ. въстанете идемъ. се приближися предаяи Мя и еще глаголющу Ему. се Июда единъ отъ обоюнадесяте приде. и съ нимь народъ мъногъ. съ оружии. и дрь кольми. отъ архиереи. и старьць людьскы ихъ. предая и же Его. дасть имъ знамение. глаголя. Его же аще лобъжу. Тъ есть имете Его. и абие приступль Къ Иисусови рече Ему. радуися Равви. и облобыза И. Иисусъ же рече ему. друже. на неже еси пришьлъ. тогда приступльше. възложишя руце на Иисуса. и яшя Его. и се единъ отъ сущихъ съ Иисусъмь. простьръ руку. и извлече ножь свои. и ударь раба архиереова. и уреза ему ухо. тогда глагола ему Иисусъ. възврати ножь твои. въ своеместо. вьси бо приимъшеи ножь. ножемь погыбнуть или мьнитьти ся. яко не могу. умолити Отца Моего и приставить Мъне вяще. нежели. 12. легеона ангелъ како убо събудуться кънигы. яко тако подобааше быти. въ тъ часъ. рече Иисусъ. народомъ. яко и на разбоиника ли изидосте. съ оружии. и дрькольми яти Мя. по вьсядьни при васъ седеахъ въ церкъви учя. и не ясте Мене се же вьсе бысть. да събудуться кънигы пророчьскыя. тогда ученицивьси. оставльше И бежашя они же имъшеИисуса. ведошя къ Каияфе архиереови. идеже кънязи и старци людьстсци събьрашяся Петръ же идеаше по Немь и здалеча до двора архиереова. и въшъдъ вънутрь седеаше съ слугами. видети коньчину. архиереи же и старьци. и съборъ вьсь. искааху лъжасъведетельства на Иисуса. яко да убиють И. не обретошя и мъногомъ лъжемъ съведетелемъ приступльшемъ. и не обретошя. последь же приступльша дъва лъжа съведетеля рекоста. Сьрече. могу разорити церкъве Божию. и трьми дьньми съзъдати ю. и въставъ архиереи рече Ему ничьсоже ли неотъвещаваеши. чьто сина Тя съведетельствують. Иисусъ же мъльчааше и отъвещавъ архиереи рече Ему. заклинаю Тя Богомъ живыимъ да речеши намъ. аще Ты еси Христосъ Сынъ Божии. глагола ему Иисусъ. ты рече. обаче глаголю ва мъ. отъселе узьрите Сына Чловечьскааго седяща одесную силы. и идуща на облацехъ небесьныихъ. тогда архиереи растьрза ризы своя. глаголя. яко хулу рече. чьто еще требуете съведетельсе ныне слышасте хулу Его. чьто ся вамъ мьнить. они же отъвещавъше рекошя. повиньнъ съмьрти есть. тогда запльвашя Ему лице. и пакости Ему деашя. ови же за ланиту ударишя И. глаголюще. прорьци намъ Христе. къто есть ударии Тя. Петръ же въне седеаше на дворе. и приступи къ Нему едина рабыни глаголющи. и ты бе съ Иисусомь галилеискыимь. онъ же отъвьржеся Его предъ вьсеми глаголя. не вемь чьто глаголеши. и ишьдъшу Ему въ врата узьре и другая и глагола имъ. туи сь бе съ Исусомъ Назареискыимъ. и пакы отъвьржеся съ клятвою. яко не знаю человека. не помънозе же приступльше стоящии рекошя Петрови. въистину и ты отъ нихъ еси. ибо беседа твоя яветя творить тогда начатъ ротитися. и кляти. яко не знаю Человека. и абие куръ въ згласи. и по мяну Петръ глаголы Иисусовы яже рече ему. яко преже даже куръ не възгласить. три краты отъвьржешися Мене. и ишъдъ вънъ плакася горько.

Утру же бывъшу. съветъ сътворишя. вьси архиереи. и старьци людьсти на Иисуса. яко убити И и съвязавъше И ведошя. и предашя И Понтьскууму Пилату игемону. тогда виде Июда предавы Его. яко осудишя И. и раская въся. възврати. 30. сребрьникъ. архиереомъ и старьцемъ глаголя. съгрешихъ предавъ. кръвь непови ньну. они же рекошя. чьто есть намъ ты узьриши. и повьргъ сребро въ церкви. отъиде. и шьдъ удавися. архиереи же. приимъше сребро. рекошя. не достоино естьего въложити въ карвану. понеже цена кръве есть. съветъ же сътворьше. купишя имъ. село скудельниче. въ погребание страньны имъ. темьже наречеся. село то. село кръви до сего дьне. тогда събысться реченое. Иеремиемь пророкъмь. глаголющемъ. и прияшя. 30. сребрьникъ. цену цененааго. Егоже ценишя отъ сыновъ Израилевъ. и дашя е на селе скудельничи. якоже съказа мъне Господь. Иисусъ же ста предъ игемонъмь и въпроси игемонъ. глаголя. Ты ли еси Царь Иудеискъ. Иисусъ же рече ему ты глаголеши. и егда на Нь глаголаахуархиереи и старьци. ничесо же не отъвещавааше. тогда глагола Ему Пилатъ. не слышиши ли колико на Тя съведетельствуютъ. и не отъвеща ему ни къ единому же глаголу яко дивитися игемону зело. на вьсякъ же дьнь великыи. обы чаи бе игемону отъпущати народу. съвязьня единого егоже хотеаху имеаше же тогда съвязьня нарочита. наричемааго Варавву. събьраномъ же сущемъ имъ. рече имъ Пилатъ. кого хощете отъ обою отьпущу вамъ. Варавъву ли. или Иисуса наричемааго Христа. ведеаше бо. яко зависти ради предашя И. седящу же ему насудищи. посъла къ нему же на своя. глаголющи. ничесоже тебе и Правьдьнику Тому мъного бо пострадахъ дьньсъ. въ съне Его ради. архиереи же и старьци. навадишя народы. да и спросять Вараву. Иисуса же погубять. отъвщавъ же игемонъ рече имъ кого хощете отъ обою отъпущу вамъ. они же рекошя. Вараву. глагола имъ Пилатъ. чьто же сътвору Иисуса. наричемааго Христа. глаголашя вьси. да распятъ будеть. игемонъ же рече имъ. чьто бо зълосътвори. они же излиха въ пияаху. глаголюще. да распятъ будеть. видевъ же Пилатъ. яко ничесоже успееть. нъпаче мъльва бываеть. приимъ воду и умы руце предъ народъмь глаголя. неповиньнъ есмь. отъ кръве Сего Правьдьнааго вы узьрите и отъвещавъше вьси людие рекошя. кръвь Его на насъ. и на чядехъ нашихъ. тогда отъпусти имъ Варавву. Иисуса же бивъ. предасть да распьнуть тогда воини и гемонови. преимъше Иисуса въ судищи. събьрашя на Нь вьсу спиру. и съвлъкъше И. хламидою чрьвленою одешя И и съплетьше веньць отътрьния. възложишя на главу Ему. и трьсть въ десницу Ему и поклоньшеся. на колену предъ Нимь. ругаахуся Ему. глаголюще. радуися Цару Июдеискъ и плинувъше на Нь. прияшя трьсть и бияаху по главе Его. и егда поругашяся Ему. съвлекошя съ Него хламиду. и облекошя И въ ризы Своя. и ведошя И на распятие. и сходяще же. обретошя человека киринеиска именемь Симона сему задешя. да понесеть крьстъ Его и пришьдъше на место. нарицаемое Галъгофа. еже есть нарицаемое Краниево место. дашя Ему. пити оцьтъ съ злъчию съмешенъ. и въкушь. не хотеаше пити. распьнъше же И. разделишя ризы Его. метуще жребия. и седъше стрежаху Его ту. и възложишя върху главы Его. вину написану Се есть Иисусъ Назареи. Царь Июдеискъ. тогда распяшя съ Нимь. дъва разбоиника. единого одесную. и единого олевую. мимоходящеи же. хуляаху Его. покывающеи главами своими и глаголюще. ува. разареяи церкве. и трьми дьньми съзидая. спаси Себе аще Сынъ еси Божии. сълези съ крьста. такожде же и архиереи. ругающеся. съ кънижьникы и старьци. и фарисеи глаголааху. ины спасе. Себе ли не можеть спасти аще Царь Израилевъ есть. да сълезеть ныне съ крьста. и веру имемъ Ему упъва на Бога да избавить И ныне. аще хощеть Ему рече бо. яко Сынъ Божии есмь. тожде же и разбоиника. распьненая съ Нимь. поношаста Ему. отъ шестыя же годины. тьма бысть по вьсеи земли. до девятыя годины при девятеи же године. възъпи Иисусъ. гласъмь великъмь глаголя Ели. Ели. еммаа завтани. еже есть. Боже мои. Боже мои. въскую Мя еси оставилъ. едини же отъ стоящихъ ту. слыша въше глаголааху. яко Илию зоветь Сь. и абие текъ единъ отъ нихъ. и приимъ губу. наплънь оцьта. и възньзъ на трьсть. напаяаше Его. а друзии глаголааху. остани. да видимъ. аще придеть Илия спасетъ Его. единъ же приимъ ко пие. прободе Ему ребра. и изиде вода и кръвь. Иисусъ же пакы възъпивъ гласъмь великъмь. испусти духъ. и се катапетазма церковьная. раздьрася на дъвое съ вышьняаго края до нижьняаго и земля потрясеся. и камение распадеся. и гроби отвръзошяся. и многа телеса почивающиихъ. святыихъ въсташя. и ишъдъше из гробъ. по въскрьсновении Его. вънидошя въ святыи градъ. и явишяся мъногомъ сътьникъ же и иже беаху съ нимь стрегуще Иисуса. видевъше трусъ. и бывъшая убояшяся зело. глаголюще. въистину Божии Сынъ Сь бе. беаху же ту женымногы. издалече зьрящя. яже идошя по Иисусе. отъ Галилея. служящя Ему. въ нихъ же бе Мария Магъдалыни. и Мария Ияковля. и Осиина мати. и мати сыну Зеведеову позде же бывъшу. приде человекъ богатъ. отъ Аримафеа. именемь Иосифъ иже и тъю учи ся у Иисуса. сь приступль къ Пилату. проси тела Иисусова. тогда Пилатъ повелевъ дати тело Иисусово. и приимь тело Иосифъ. обитъ е плащаницею чистою. и положи е въ новеемь своемь гробе. иже бе исеченъ въ камени. и възваль камень великъ. надъ двьрии гробуотъиде. бе же ту Мария Магдалыни. и другая Мария. седяшти премо гробу. Въ утрьнии дьнь. еже есть по пятъце събьрашяся архиереи и фарисеи. къ Пилату глаголюще. господи. помянухомъ. яко льстьць онъ рече. еще сы живъ. по трьхъ дьньхъ въстану повели убо утврьдити гробъ. до третияаго дьне. еда како пришьдъше ученици Его нощию. украдуть И. и рекуть людь мъ. въста отъ мрътвыихъ и будеть. после дьнея льсть горьши пьрвыя рече же имъ Пилатъ. имате кустодию. идете утврьдите якоже весте. они же шъдъше. утвьрдишя гробъ. запечатьлевъше камень съ кустодиею.

Въ вечеръ субо тьныи. свитаюшту пьрвууму въ суботы. приде Мария Магъдалыни. и другая Мария. видетъ гроба. и сетрусъ бысть великъ. ангелъ бо Господень. съшъдъ съ небесе. и приступль. отъвали камень отъ двьрии гробу. и седеаше на немь бе же зракъ его. яко мълънии. и одение его. бело яко снегъ. отъ страха же того. сътрясошяся стрегущеи. и бышя яко мрьтви отъвещавъ же ангелъ. рече женама. не боита вы ся. вемь бо. яко Иисуса распятааго ищета. несть сьде. въста бо. якоже рече. придета видита ме сто. идеже лежа Господь. и скоро шъдъши. рьцета ученикомъ Его. яко въста отъ мрьтвыихъ. и се варяеть вы въ Галилеи. ту И узьрите. се рекохъ вама. и отъшьдъши скоро отъ гроба. съ страхъмь. и радостию великою. текосте възвеститъ ученикомъ Его. якоже идеаста възвеститъ ученикомъ Его. и се Иисусъ. сърете и глаголя. радуитеся. оне же приступльши ясте И за нозе Его. и поклонистеся Ему. тогда глагола има Иисусъ не боитася. идета поведита братии Моеи. да идуть въ Галилею. и ту Мя видять. идущема же има. се неко тории отъ ку стодия. пришьдъше въ градъ. възвестишя архиереомъ. вься бывъшая. и събьрашяся старьци. съветъ же сътворьше. сребро мъного дашя воиномъ. глаголюще. рьцете. яко ученици Его нощию пришьдъше. украдошя И. намъ съпящемъ. и аще се услышано будеть у игемона мы утолимъи. и вы бес печали сътворимъ они же приимъше сребро. сътворишя якоже научени бышя и пронесеся слово се. въ иудеихъ до сего дьне. Едины же на десяте ученикъ. идошя въ Галилею. въ гору. яможе повеле имъ Иисусъ. и видевъше Его. поклонишяся Ему. ови же усумьнешяся. и приступль Иисусъ рече имъ глаголя. дана Ми есть вьсака власть. на небеси и на земли. шъдъше убо. научите въся языкы. крьстящея. въ имя Отца. и Сына. и Святааго Духа учяще я блюсти. вься елико заповедахъ вамъ. и се Азъ съ вами есмь. вься дьни. до съконьчания веку аминъ. Единынадесяте ученикъ. идошя въ Гал. Въ время оно. минувъши суботе.