Зачяло Евангелия Исусъ Христова. Сына Божия. якоже писано есть въ пророцехъ. се Азъ посълю ангелъ Мои предъ лицьмь Твоимь. иже уготовить путь Твои предъ Тобою. гласъ въпиющааго въ пустыни. уготовите путь Господень. правы творите стьзя Его бысть Иоанъ крьстя въ пустыни. и проповедая крьщение покаанию. въ отъпущение греховъ. исхождааше же къ нему вьса Иудеиска страна. и Иерусалимляне. и крьщаахуся вьси въ Иерданьсцеи реце отъ него. исповедающе грехы своя. бе же Иоанъ. облеченъ власы вельбужди. и поясъ усниянъ о чреслехъ его. и яды. акридъ. и медъ дивии. и проповедааше глаголя. грядеть креплии мене въ следъ мене. Емуже несмь достоинъ. поклонься раздрешити ремене сапогъ Его. азъ убо крьстихъ вы водою. а Тъ крьстить вы. Духъмь Святыимь. Въ дьни оны. приде Иисус отъ Назарефа Галилеискааго. и крьститъся отъ Иоана въ Ердане. Въ время оно. изиде Иисусъ въ пусто место. и ту молитву деяаше и гънашя И. Симонъ и иже беаху съ нимь и обретъше И. глаголашя Ему яко вьси. ищуть Тебе. и глагола имъ. идемъ въ ближьняя грады и вьси. да и ту проповемьна се бо изидохъ. и бе проповедая на съборищихъ ихъ. въ вьсеи Галилеи. и бесы изгоня. и приде къ Нему прокаженъ моля И. и на колену падая и глаголя Ему. якоаще хощеши. можеши мя ищистити Иисусъ же милосрьдовавъ. простьръ руку. и глагола ему хощу. ищистися. и рекъшу Ему. абие отъиде проказа отъ него. и чистъ бысть. и запрещь ему. абие изгъна и. и глагола ему. блюдися. никомуже ничесоже не рьцинъ шьдъ. пока жися иереови. и принеси за очищение твое. якоже повеле Моиси въ съведение имъ.
Въ время оно. въниде Иисусъ въ Каперънаумъ и слухъ бысть. яко въ дому есть и абие събьрашяся мънози яко кътому не въмещаа хуся ни предъ двьрьми. и глагола аше имъ слово и придошя къ Нему. носяще ослабленъ жилами. носима четырьми и не могуще прити къ Нему народа ради. отъкрышя по кровъ идеже бе и прокопавъше. съвесишя одръ. на немь же ослаблены и съ лежааше видевъ же Иисусъ. веру ихъ. глагола ослабленууму. чядо отъпущаються тебе греси твои. беаху же едини отъ кънижьникъ ту седяще. и помышлеюще въ сердцихъ своихъ. чьто Сь. тако глаголеть хулу къто можеть отъпущати грехы. тъкъмо единъ Богъ. и абие разумевъ Иисусъ. духомь Своимь. яко такоти помышляють въ себе. и рече имъ. чьто сице помышлеете. въ сердцихъ вашихъ. чьто есть удобее рещи ослабленууму. отъпущаютъ ти ся греси. или рещи. въстани възьми одръ твои и ходи нъ да увесте яко власть имаать. Сынъ Чловечьскыи. на земли отъпущати грехы. и глагола ослабленууму тебе глаголю въстани. възьми одръ твои. и иди въ домъ твои. и въставъ абие. и възьмъ одръ. изиде предъ вьсеми яко дивитися вьсемъ и славити Бога. глаголющемъ. яко николиже тако видехомъ. Въ время оно. и мимоиды Иисусъ. виде Левию Алъфеова. седяща на мытьници. и глагола ему по Мъне иди. и въставъ. въ следъ Его иде и бысть. възлежящу Ему въ дому его. и мънози мьздоимьци. и грешьници. възлежааху съ Иисусомь и съ ученикы Его беаху бо мънози. и по Немь идошя. и кънижьници же и фарисеи. видевъше И едущъ съ мьздоимьци и грешьникы. глаголаааху ученикомъ Его. чьто якосъ мьздоимьци и грешьникы. есть и пиеть и слышавъ Иисусъ глагола имъ. яко не требують съдравии врача. нъ болящеи. не придохъ призъватъ правьдьникъ. нъ грешьникы на покаание. Въ время оно хождааше Иисусъ въ суботы сквозе сеания и начяшя ученици Его. путь творити. въстрьгающе класы. и фарисеи. глаголааху Ему. виждь. чьто творять въ суботы. его же не достоить и Тъ глаголааше имъ. несте ли николиже чьли. чьто сътвори Давидъ. егда требова и възалка самъ. и иже беаху съ нимь. како въниде въ храмъ Божии. при Авиафаре архиереи. и хлебы предъложения сънесть. и ихъже не достояаше ести. тъкъмо иереомъ. и дасть и сущиимъ съ нимь. и глаголааше имъ. субота человека ради бысть. а не человекъ суботы ради темьже господь есть. Сынъ Человеческыи суботе
и въниде пакы въ съборище. и бе ту человекъ. суху руку имы. и назирааху Его. а ще въ суботы исцелить и. да на Нь възглаголють. и глагола человеку имущууму суху руку. стани посреде. и глагола имъ. достоить ли въ суботы. добро творити. ли зъло сътворити. душу спасти ли погубити. они же млъчааху. възьревъ на нясъ гневъмь. скръбя. о окаменении сердца ихъ. глагола человеку простьри руку твою и простре. и утверьдися рука его съдрава. яко и другая.
Въ время оно последовааше Иисусу на родъ мъногъ. и угнетааху Его и жена некая сущи въ точении кръвии. лете. 12. и мъного пострадавъши отъ мъногъ врачевъ. и иждивъши свое вьсе. и ни единоя пользя обретъши. нъпаче въ горе въпадъши. слышавъши о Иисусе. пришьдъши въ народе съзади. прикоснуся ризе Его. глаголааше бо. яко аще прикоснуся поне ризе Его. спасена буду. и абие исякну источьникъ кръви ея. и разуме телъмь. яко исцеле отъ раны. и абие Иисусъ. ощущь въ Себе силу ишьдъшу отъ Него. обращься въ народе глаголааше. къто прикоснуся ризахъ Моихъ и глаголааху Ему ученици Его видиши народъ угнетающь Тя. и глаголеши къто ся прикосну Мъне. и оглядаашеся видети сътворьшую се. жена же убоявъшися. и трепещущи. ведущи еже бысть еи. приде и припаде къ Нему. и рече Ему вьсу истину. Онъ же рече еи. дьръзаи дъщи вера твоя спасе тя. иди съмиръмь.
Въ время оно. призъвавъ Иисусъ обанадесяте ученика Своя. начятъ я сълатидъва нъ дъва. и даяаше имъ власть. на дусехъ нечистъихъ. и запрети имъ. да ничесоже въ зьмуть на путь. тъкъмо жьзлъ единъ. ни пиры ни хлеба. ни при поясе меди. нъ обувены въ санъдалия. и не облачитися въ дъве ризе. и глаголааше имъ. идеже колижьдо вънидете въ домъ. ту пребываите. до идеже изидете отътуду. и елико не приимуть васъни послушають васъ. исходяще отътуду отътрясете прахъ. иже есть подъ ногами вашими. въ съведетельство имъ. амин. глаголювамъ. отърадьнее будеть. Со домомъ. или Гоморомъ. въ дьнь судьнъи. неже граду тому. и ишьдъше проповедааху. да покаються. и бесы многы изгонеаху. и мазааху елеемь. мъногы недужьныя. и исцелеаху. Въ время оно. услышавъ Иродъ царь. слухъ Иисусовъ. яве бо бысть имя Его. и глаголааше яко Иоанъ Крьстяи. въста отъ мрьтвыихъ. и сего ради силы деються о немь ини же глаголааху яко Илия есть ини же глаголааху яко пророкъ есть яко единъ отъ пророкъ. слышавъ же Иродъ. рече. яко егоже азъ усекнухъ Иоана. сь есть. тъвъста отъ мьртвыихъ. тъ бо Иродъ посълавъятъ Иоана. и съвязавъ и въсади въ тьмь ницу. Иродияды ради жены Филипа брата своего. яко оженися ею. глаголааше бо Иоанъ Иродови. яко недостоить тебе имети. жены брата твоего. Иродия же гневааше ся на нь. и хотеаше иубити. и не можааше. Иродъ бо бояшеся Иоана. веды мужа правьдьна и свята. и храняаше и. и послушая его мъного твореаше. и въ сласть его послушааше и прилучьшуся дьни потребьну. егда Иродъ рожьствусвоему вечеру твореаше. къняземъ своимъ. и тысущьникомъ. и стареиши намъ. галилеискамъ. и въшьдъши дъщери ея. Иродияде. и плясавъши. и угождьши Иродови. и възлежащиимъ съ нимь. рече царь девици. проси у мене. е муже аще хощеши. и дамь ти. и клятъся еи яко егоже аще просиши дамьти. до полъ царьства моего. она жешъдъши. рече матери своеичесо прошу. она же рече. главы Иоана Крьстителя. и въшьдъши абие съ тъщаниемь къ цару. проси глаголющи. хощу да ми даси сеици. на блюде главу. Иоана Крьстителя. и прискърбьнъ бысть царь. За клятвы. и възлежащиихъ съ нимь. нвъсхоте отърещися еи. и абие посъла царь мечьника. повеле принести главу его. онъ же шьдъ. усекну и въ тьмьници. и принесе главу его на блюде. и дасть ю девици. и девица дасть ю матери своеи и слышавъше ученици его придошя. и възяшя трупъ его. и положишяи въ гробе. и събьрашяся апостоли къ Иисусови. и поведашя Ему вьса. елико сътворишя. и елико научишя.
Въ время оно. ишъдъ Иисусъ. отъ пределъ Тирьскъ и Сидоньскъ. приде на море Галилеиско. между пределы Декапольскы. и приведошя къ Нему. глуха и немаи моляаху Его. да възложить на нь руку. и по имъ и единого отъ народа. въложи пьръсты своя въ уши его. и плинувъю косну и въ языкъ его. и възьревъ на небо. въздъхнувъ. и глагола ему еффафа. еже есть разврьзися. . и абие развръзостася слуха его. и раздрешися уза языка его и глаголааше чисто и запрети имъ. да никому же не поведять. еликоже имъ запрещааше. они же паче излиха проповедааху. и преизлише дивляахуся глаголюще. добре вьсе творить. глухыя творить слышати. и немыя глаголати.
Въ время оно. изиде Иисусъ и ученици Его. въ вьси Кесария Филиповы. и на пути въпрашааше ученикы Своя. глаголя имъ. кого Мя глаголють чловеци быти. они же отъвещашя. ови Иоана Крьстителя. и ни Илию. а друзии. единого отъ пророкъ. и Тъ глагола имъ. вы же кого Мя глаголетебыти. отъвещавъ же Петръ. глагола Ему. Ты еси Христосъ. и запрети имъ. да никомуже не глаголють о Немь. и начятъ учити я. я ко подобаеть Сыну Чловечьскууму мъного пострадати. и искушену быти. отъ старьць. и архиереи. и кънижьникъ и убиену быти. и по трьхъ дьньхъ въскрьснути. Рече Господь. иже хощеть по Мъне ити. да отврьжеться себе. и възьметь крьстъ свои. и грядеть по Мъне. иже боаще хощеть. душу свою съпасти. погубитъ ю. а иже погубить. душу свою Мене ради и Евангелия. тъ спасеть ю кая бо польза есть человеку. приобрести вьсь миръ. и отъщетити душу свою. Чьто бо дасть человекъ измену на души своеи. иже бо аще постыдиться Мене. и Моихъ словесъ. въ роде семь прелюбодеимь. и грешьнеемь. и Сынъ Человечьскыи. постыдиться его. егда придеть. въ славе Отца Своего. съ а нгелы святыими
и глаголааше имъ. Амин. глаголю вамъ суть едини отъ сьде стоящихъ. иже не имуть въкусити съмьрти. доньдеже узьрять Царствие Божие пришъдъше въ силе. Въ время оно. человекъ единъ. приде къ Иисусови. кланяяся Ему и глаголя Учителю. приведохъ сынъ мо и къ Тебе. имущь духъ немъ. иже идеже колижьдо иметь и. и пены тещить. и скрьжъщеть зубы своими. и оцепенееть. и рекохъ ученикомъ Твоимъ. да ижденуть и. и не възмогошя. Онъ же отъвещавъ глагола. о роде неверьнъ. доколе въ васъ буду доколе трьплю вы. принесете и къ Мъне и принесошяи къ Нему. и видевъ И духъ. абие сътрясе и и падъ на земли. валеашеся пены теща. и въпроси Иисусъ отца его колико леть есть. отънели же се бысть ему онъ же рече изъ отрочины. и мъногашьды его. и въ огнь въвьрже. и въ воду. да бы погу билъ и. нъ аще чьто можеши помози намъ милосрьдовавъ о насъ. Иисуъс же рече ему. еже аще можеши веровати. вься възможьна верующууму. и абие възъпивъ. отець отрочяте. съ сльзами глаголааше. верую Господи. помози моему неверьствию. видевъ же Иисусъ. яко сърищеться народъ. запрети духу нечистууму. глаголя ему. немыи и глухы душе. Азъ ти велю изити из него и кътому не вънити въ нь и възъпивъ и мъного пружавъся изиде. и бысть яко мьртвъ. я ко мъногомъ глаголати. яко у мре. Иисусъ же. имъ его за руку. въ здвиже и. и въ ста. и въшъдъшу Ему въ домъ ученици Его въпрашааху Его единого. яко мы. не възмогохомъ изгнати его. и рече имъ. тъ родъ. ничимьже не можеть изити. тъкъ молитвою и постъмь. и отътуду ишъдъше. идеахусквозе Галилею. и не хотеаше да и къто увесть. учааше бо ученикы Своя и глаголааше имъ. яко Сынъ Человечьскыи. преданъ будеть. въ руце чловечьстеи. и убиенъ бывъ. въ трети и дьнь въскрьснеть. Въ время оно. приде Иисусъ. и ученици Его. въ Капернаумъ. и въ дому бывъ. въпрашааше я. чьто на пути помышляасте въ себе они же млъчааху другъ къ другу бо сътязашяся на пути. къто есть болии. и седъ призъва обанадесяте. и глагола имъ. аще къто хощеть стареи быти. да будеть вьсехъ мьнии. и вьсемъ слуга. и приимъ отрочя. постави е посреде ихъ. и объимъе рече имъ. иже аще едино таковыихъ отрочятъ прииметь. въ имя Мое. Мя прииметь и иже аще Мене прииметь. не Мене прииметь. нъ Посълавъшааго Мя. отъвеща Ему Иоанъ глаголя. Учителю. видехомъ некоего. именьмь Твоимь изгонящабесы. иже не ходить по насъ. и възбранихомъ ему. Иисусъ же рече. не браните ему. никъ тоже бо есть. иже сътворить силу о Моемь имени. и възможеть въскоре зълословесити Мя. иже бо несть на вы. по васъ есть. иже бо аще напоить вы. чашу воды. въ имя яко Христови есте амин. глаголю вамъ. не погубить мьзды своея.
Въ время оно. поимъ Иисусъ обанадесяте ученика Своя. начя имъ глаголати. еже хотеаше быти. яко се. въсходимъ въ Иерусалимъ. и Сынъ Чловечьскыи. преданъ будеть архиереомъ. и кънижьникомъ и осудять И на съмрьть. и предадять И языкомъ. и поругаються Ему. и утепуть И. и оплюють И. и убиютъ И. и третии дьнь въскрьснеть. и предъидеаста Ему. Ияковъ и Иоанъ. сына Зеведеова. глаголюща Ему. Учите лю хощеве. да егоже аще просиве у Тебе. сътвориши нама. Иисусъ же рече има. чьто хощета. да сътворю вама она же рекоста Ему. даждъ нама. да единъ одесную Тебе. и единъ олевую Тебе. сядеве въ славе Твоеи. Иисусъ же рече има. не вестася чесо просяща. можета ли питичашу. юже Азъ пию или крьщениемь. имьже Азъ крьщуся. она же рекоста Ему можеве. Иисусъ же рече има. чашу убо юже Азъ пию. испиета. и крьщениемь. имь же Азъ крьщуся. крьститася. а еже сести одесную Мене. и олевую. несть Мъне дати. нъ имъже уготова но есть. и слышавъше десять. начяшя негодовати. о Иякове и Иоане. Иисусъ же призъвавъ я глагола имъ. весте. яко мьнящеися власти языкы. устоять имъ. и велиции ихъ. обладають ими. не такоже есть въ васъ. нъ иже аще хощеть. въ васъ быти вящии. да будеть вамъ слуга. и иже аще хощеть. въ васъ быти стареи. да будеть вьсемъ рабъ. ибо Сынъ Человечьскыи. не приде да послужятъ Ему. нъ да послужить. и дати душу Свою. избавление за мъногы.
Рече Господь. имеите веру Божию аминъ бо глаголювамъ. яко иже аще речеть горе сеи. двигнися и въврьзися въ море. и не усумьниться въ сердци своемь. нъ веру иметь. яко ежеглаголеть бываеть. будеть ему еже речеть. сего ради глаголю вамъ. вьса елико аще молящеся просите. веруите. яко приимете. и будеть вамъ. и егда стоите молящеся. отъпущаите. аще чьто имате на кого. да и Отьць вашь небесьны отъпустить вамъ прегрешения ваша. аще ли вы не отъпущаете. ни Отець вашь небесьны. отъпустить вамъ прегрешении вашихъ. простие и дасться вамъ. ищете и обрящете. тлъцете и отъврьзеться вамъ. вьсакъ бопросяи прииметь. и ищяи обретаеть. и тълкущууму отъвьрзеться.
Рече Господь. блюдетеся бъдитеи молитеся. невесте бо когда время будеть якоже человекъ отъходя. остави домъ свои. и въда рабомъ своимъ. власть. и комужьдо дело свое. и вратьнику повеле да бъдить. бъдите убо. не весте бо когда Господь дому придеть. вечеръ ли. или полунощи. ли въ куроглашени е. или заутра. да не пришьдъ вънезаяпу. обрящеть вы съпящя. а еже вамъ глаголю. вьсемъ глаголю. бъдите
и сущу Ему въ Вифании. въ дому Симона прокаженааго. възлежящу Ему приде жена имущи. алавастръ мира. нардо пистикии драгы. и съкрушьши алавастръ възлия Ему на главу беаху же неции негодующе въ себе и глаголюще. въ чесомь гыбель си мирьная бысть. можааше бо се миро. продано быти вяще триисътъ цятъ. и дати нищиимъ и прещааху еи. Иисусъ же рече останитеся ея чьто еи труды деете. добро бо дело съдея о Мъне. вьсегда бо нищяясъ собою имате. и егда хощете можете добро сътворити имъ. а Мене не вьсегда имаате еже име си сътвори. варила есть помазати тело Мое на погребение. амин. глаголю вамъ идеже колижьдо проповедано будеть. Евангелие се. въ вь семь мире. и еже сътвори си глаголано будеть въ память ея. Въ оно время. ведошя Иисуса къ архиереови. и сънидошяся къ нему вьси архиереи. и старьци и кънижьници. и Петръ издалече въследъ Его иде до вънутрь. въ дворъ архиереовъ. и бе седя съ слугами и греяся при свещи. архиереи же и вьсь съньмъ искаху на Иисуса съведетельства да И убиють. и не обретааху. мънози бо лъжесъведетельствоваху на Нь. и равьна съведетельствия не беаху. и етери въставъше лъжусъведетельствоваху на Нь глаголюще. яко мы слышахомъ И глаголющь. яко Азъ разорю церковь сию. рукотвореную. и трьми дьньми ину нерукотворену съзижду. то и тако не бе равьно съведетельство ихъ. и въставъ архиереи посреде. въпроси Иисуса глаголя. не отъвещаваеши линичесо же. чьто сии на Тя съведетельствують. Онъ же млъчаше ничесоже не отъвещавааше. пакы архиереи въ проси И глагола Ему Ты ли еси Христосъ. Сынъ благословенааго Бога. Иисусъ же рече Азъ есмь. и узьрите Сына Человеческааго. одесную седяща силы. и грядуща съ облакы небеськыими. архиереи же растрьзавъ ризы своя глагола. чьто еще требуемъ съведетель. слышасте власвимию. чьто вамъ ся являеть. они же вьси осудишя И быти повиньна съмрьти. и начяшя етери пльвати на Нь. и прикрывати лице Его и мучити И. и глаголати Ему прорьци намъ Христе къто есть ударии Тя. и слугы биюще и преяшя. и сущу Петру низу на дворе. приде едина отъ рабынь архиереовъ. и видевъши Петра греющася. възьревъши на нь глагола. и ты съ Назаряниномъ Исусомъ бе. онъ же отврьжеся глаголя. не умею ни съвемь чьто ты глаголеши. и изиде вънъ на предъдворие. и куръ възгласи. и рабыни видевъши и пакы начятъ глаголати къ стоящиимъ. яко сь отъ нихъ есть. онъ же пакы отметаашеся. и не по мъногу пакы стоящеи глаголааху Петрови. въистину отъ нихъ еси. ибо галилеи еси. и беседа твоя подобить тя. онъ же начятъ ротитися и кляти. яко не вемь Человека сего егоже глаголете. и въторое куръ възгласи. и помяну Петръ глаголъ иже рече ему Иисусъ. яко прежде даже куръ не възгласи. дъвакраты. отъврьжешися Мене трикраты. и начятъ плакатися.
Въ время оно. воини имъше Иисуса. ведошя И вънутрь на дворъ еже есть преторъ и призывають вьсу спиру. и облекошя И въ багряницу и възложишя на Нь съплетъше трьновъ веньць. и на чяшя целовати И глаголюще. радуися Царю Июдеискъ. и бияху и по главе трьстию. и пльвааху на Нь. и прегыбающе колена покланяахуся Ему. и егда поругашяся Ему. съвлекошя Ему багъряницу. и облекошя И въ ризы Своя. и изведошя И да И распьнуть и задешя мимоходящу единому Симону Киринею идущу съ села. отцу Александрову и Руфову. да възьметь крьстъ Его. и приведошя И на место Голгофа еже есть съказаемо Краниево место. и даяху Ему питии оцьтьно вино. Онъ же не приятъ. и распьнъше И разделишя ризы Его мещуще жребия о ня. къто чьто възьметь. бе же година третияя. и распяшя И и бе написание вины Его написано. Царь Июдеискъ. и съ Нимь распяшя. дъва разбоиника. единого одесную. а другааго олевую Его. и събысться писание. еже глаголеть. и съ безаконьникома причьтенъ бысть. и мимоходяще. хулеаху Его. покывающе главами своими и глаголюще ува. разаряяи церкве и трьми дьньми съзидая. спасися Самъ. и съниди съкрьста. такожде и архиереи. ругающеся другъ къ другу. съ кънижьникы глаголааху. ины спасе. а Себе ли не можеть съпасти. Христосъ Царь Израилевъ. да сънидеть ныне съ крьста. да видимъ. и веру имемъ Ему. Въ время оно. приде Иосифъ отъ Аримафея. благообразьнъ съветьникъ. иже и тъбе чая Царствия Божия. и дрьрьзнувъ въниде къ Пилату. и проси тела Исусова. Пилатъ же дивися аще уже умре. ипризъвавъ сотьника. въпроси и аще уже умре. и уведевъ отъ кентуриона. дасть тело Иосифови. и купль плащаницу. и обитъ Его. и въложи Е въ гробъ. иже бе. и сеченъ отъ камене. и привали камень на дъвьри гробу. Мария же Магдалыни. и Мария Иосиова. зьреста къде И полагааху.
И минувъши суботе. Мария Магъдалыни. и Мария Ияковля. и Саломии. купишя ароматы. да пришьдъше помажутъ Исуса. и зело заутра. въ единыи суботы. придошя на гробъ въсиявъшу сълъньцю. и глаголааху къ себе къ то отъвалить намъ камень. отъ двьрии гробу и възьревъшя видешя. яко отъваленъ бе камень бе бо великъ зело и вълезъшя гробъ. видешя юношу седящь одесную ихъ. оденъ въ одежду белу. и ужасошяся. онъ же гла гола имъ. не ужасаитеся. Исуса ищете Назаряанина распятаговъста. несть сьде. се место. идеже положишя и нъ идете. и рьцете ученикомъ Его и Петрови. яко варяеть вы въ Галилеи. и ту И видите. якоже рече вамъ и отъшьдъшя бежашя отъ гроба. имеше же я трепетъ и ужасъ. и никомуже ничьсоже не решя. бояаху бо ся. Въскрьсъ Иисусъ. заутра въ пьрвы суботы. явися прежде Марии Магдалыни. из неяже изгъна седмь бесъ. она же шьдъши. възвести бывъшиимъ съ Нимь. плачущемъся и рыдающемъ. они же слышавъше яко живъ есть. и виденъ бысть отъ нея. не веровашя. по сихъ же. дъвема отъ нихъ идущема. явися инемь образъмь. и дущема на село. и та шъдъша. поведаста прочиимъ. нионема верыяшя. последь же. възлежящемъ имъ единомуна десяте явися. и поноси. неверьствию ихъ и жестосрьдию яко видевъшиимъ Его въставъша из мьртвыхъ не веровашя. и рече имъ. шъдъше въ вьсь миръ. проповедаите Евангелие вьсеи твари иже веру иметь и крьститься спасенъ будеть. а иже не иметь веры. осужденъ будеть. знамения же веровавъшиимъ. последьствують си. именемь Моимь. бесы ижденуть. языкы възглаголють новы въ рукахъ змия възьмуть аще и съмрьтьно чьто испиють. ничьтоже ихъ не вредить на недужьныя рукы възложять. и съдра ви будуть. Господь же Иисусъ. по глаголании Его къ нимъ възнесеся на небо. и седе. одесную Бога. они же изшьдъше. проповедашя вь суду. Господу поспешьствующу. и слово утврьжающу. последьствующиими знамении аминъ.