Деания

Пръвое убо слово сотворих о всех, о Феофіле, о нихъже начат Ісусъ творити же и вчити до него же дне заповеда Апостоломъ Духом Святым, ихъже изъбра, вознесеся • Пред німи ж и постави Себе жива по страданіи Своемъ, во мнозехъ истинных знамениих, деньми четырдесятми, являяся имъ, и глаголя о Царствии Божіи, и с ними ядый, повелеваше имъ от Ерусалима не отлучатися, но ждати обетования Отчего, еже слышасте от Мене яко Иоаннъ убо крестилъ ест водою, вы же имате креститися Духом Святым • Не по мнозехъ сих днехъ • Они же убо сошедшеся вопрашаху Его, глаголюще: Господи аще в лето се устраяеши Царство Ізраилево? Рече к нимъ: несть ваше разумети времена и лета яже Отець положи во области Своей • Но пріимете силу нашедшу Святому Духу на вы, и будете Ми сведетели во Ерусалиме же и во всей Іудеи и Самаріи, даже и до последнихъ земли •

И сия рекъ зрящимъ имъ възятся • И облакъ подъятъ Его от очию их • И яко возирающе бяху на небо идущу Ему • И се мужа два стаста пред ними во одежи беле, яже и рекоста: мужие Галилейстіи, что стоите, зряще на небо? Сей Ісусъ вознесыйся от васъ на небо такожде приидеть, имъже образом видесте Его идуща на небо •

Тогда возъвратишеся во Ерусалим, от горы нарицаемыя Елионъ яже ест близ Ерусалима • Суботен имущи путь •

И егда внидоша, возыйдоша на горницу идеже бяху пребывающе • Петръ, и Іаковъ, Андрей • Філиппъ, и Фома • Варфоломей, и Матфей • Яковъ Алфеевъ, и Симонъ Зілотъ • И Іуда Яковлевъ • Сие вси беху единодушно тръпяще молитвою и молениемъ, со женами и съ Мариею матерью Ісусовою, и съ братиею Его • Во дни тые воставъ Петръ посреди ученикъ рече • Бе же народъ имены вкупе, яко сто и двадесеть: мужи братия подобаше сконъчатися Писанию сему, еже предрече Духъ Святый усты Давыдовы • О Іуде бывъшемъ вожди емъшимъ Ісуса • Яко причтен былъ с нами, и дошелъ бе ему рядъ службы сея •

И сей убо стежа поле от мьзды неправедныя • И повесивъся розсядеся посредъ, излияся вся утроба его • И разумно бысть всем живущим во Ерусалиме, яко нарещися полю тому их языкомъ Акелдама, еже ест поле крови • Писано бо естъ во книгахъ Псаломских: да будеть дворъ его пустъ, и да не будеть живяи в немъ, и епископство его пріимет инъ •

Подобаеть убо живущимъ с нами мужемъ по вся времена в неже въниде, и изыде в насъ Господь Ісусъ • Наченши от крещения Іоаннова, до Него ж дне вознесеся на небо от насъ • Сведетелю восъкресению Его быти с нами единому от сих • И поставиша два, Іосифа нарицаемаго Варсаву, онже называшеся праведный • И Матфея • И помолившися рекоша: Ты Господи Серцевидче всехъ, яви егоже изъбра от сею обою единого, прияти причет служения сего и Апостолства, з него же испаде Іуда ити во место свое • И даша жребие има, и паде жребій на Матфею • И причтен быс ко единомунадесят Апостолу •

И егда скончевалися дние пятьдесятнице, быша вси единодушно вкупе • И бысть скоръ съ небеси шумъ, якобы приходящего духа бурна, и исполнися домъ идеже бяху седяще • И явишася имъ разделены языци, яко огнены, седе же на единомъ кождомъ их • И наполнишеся вси Духа Свята, и начаша глаголати иными языки, якоже Духъ даяше провещавати имъ •

Быша же во Ерусалиме живущие Іудеи мужи богуговеіные от всякого языка еже под небесемъ • Бывшу же гласу сему снидеся народъ и изумелися, яко слышали единый каждый их, своимъ языкомъ глаголющихъ • Бояхуся же вси и дивляхуся ркуще к собе: не се ли сие вси они же глаголють Галилеяне суть? И какожъ мы слышим единый каждый языкъ свой в немже зродихомся? Парфи, и Меді, и Аламите, и живущие во Междоречии, во Іудеи же, и Каппадокии, въ Понте, и во Асии, во Фригии, и Панфилии, во Египте, и во странахъ Ливіискихъ иже по Киринеи, и приходящие Римляне, Іудеи же, и пришельци, Критяне, и Аравляне • Слышимъ их, глаголющих нашими языки величия Божия •

Чуждяху же ся вси, и стязахуся другъ ко другу ркуще: что убо хощеть сее быти иные же ругающеся глаголаху, яко местом сии исполнены суть •

Ставъ же Петръ со единеминадесет воздвиже глас свой и рече имъ: мужие Іудейстіи, и живущие во Ерусалиме вси • Се вамъ разумно да будет, и во уши приимите слова моя • Не якоже вы мните сие пияни суть, ибо естъ часъ третий дня • Но сее ест еже речено пророком Іоилем: и будет во последняя дни глаголеть Господь, излию Духа Моего на всяку плоть, и прорекуть сынове ваши, и дщеры ваши, и юноше ваши видения узрять, и старци ваши сония видять • Ибо на рабы моя и на рабыня моя, во дни оны излею от Духа Моего, и прорекуть • И дамъ чудеса на небесі горе, и знамена на земли низу, кровь, и огнь, и курение дыма • Солньце преложится во тму, и луна во кровь • Прежде нежли приидеть день Господень великий и просвещеный • И будеть всякъ онже призоветь имя Господьне спасеться •

Мужие Израілсти слыште словеса сия Ісуса Назоренина мужа от Бога извесьтвованна в васъ, силами, и чудесы, и знаменми, яже сотвори имъ Богъ посреди вас, сего нарекованнымъ советом, и проразумениемъ Божиімъ продана приемше от безаконныхъ рукъ, пригвожьше убисте • Егоже Богъ воскреси, разрешивъ болезни смерътныя, якоже не бяше возможно удержатіся Ему от нея • Давыдъ убо глаголеть о Немъ: предзрехъ Господа предо мною всегда, яко одесную мене ест, да ся не подвижу • Сего ради возвеселися серце мое, и возрадовася языкъ мой • Еще же и плоть моя въселится на упование, яко не оставиш души моея во аде, ни даси же преподобному Своему видети истления, сказал ми еси пут живота, и исполниши мя веселия с лицем Твоимъ •

Мужи братие достоить рещи к вамъ со дерзновениемъ о патриаръсе Давыде, яко умре, и погребенъ быстье и гробъ его в насъ естъ даже до сего дня пророкъ убо сый и ведый, яко клятвою ему кляся Богъ, от плода чреслъ его по плоти воздвигнути Христа, и посадити на престоле его • Сия предведев глаголалъ ест о воскресении Христове, яко не оставися душа Его во аде, ани плоть Его виде истления • Сего Ісуса воскреси Богъ, емуже вси мы есъмы сведетели • Десницею убо Божиею вознесеся, обетование же Духа Святаго приемъ от Отца, излия сее еже вы ныне видите и слышите • Не взыде бо Давыдъ на небо самъ же глаголеть: рече Господь Господеви моему седи одесную мене, дондеже положу врагы твоя подножие ногама Твоима • Сего ради твердо да разумеете вес доме Израілев яко и Господа, и Помазанника вчини Бог сего Ісуса Егоже вы распясте •

Слышавши же сия умилишеся серци, и рекоша ко Петру, и ко прочим Апостоломъ: что сотворим мужие братия?

Петръ же рече къ нимъ: покайтеся, и да креститеся кажды в вас, во имя Ісуса Христа, во оставление греховъ, и приимете даръ Святаго Духа • Вамъ бо ест обетование, и чадомъ вашимъ, и всемъ дальним елико их аще призоветь Господь Богъ нашъ • И инеми же словесы многими сведетелствоваше, и моляше их глаголя: отдельтеся от рода сего лукаваго • Некии же любезно приемъше слово его крестишеся • И приложишеся к нимъ въ день той душъ, яко три тысещи • Бяху же тривающе во вчении Апостолстемъ, и во общении, и во преломлении хлеба, и в молитвахъ • Бысть же на всякой души страхъ, многа бо чудеса и знамена Апостолы бываша во Ерусалиме •

Вси же веровавшие беша случени, и имеаху вся обща • Власти же и именія продаваху, и розделеваху всемъ, чего же единый каждый требоваше • И по вся дни терпяще единомыслено во церкви, и ломячи по домехъ хлебъ, приимаху пищу в радости, и во простости серца, хваляще Бога, и имеюще ласку ко всем людем, Господь же прилагаше на всяк день спасающеяся к Церкви •

Въкупе жъ Петръ и Іоаннъ вхожали во храмъ на молитву въ часъ девятый • И некий мужъ хромъ сый, от чрева матери своея носимъ бываше, егоже полагаху по вся дни, предъ дверми храму, рекомыми Красными • Просити милостыня от входящих во храмъ • Той же видевъ Петра, и Іоанна хотящихъ внити во храмъ просяше милостыни погледев же Петръ нань со Іоанномъ рече: возри на насъ • Онже пилне смотряше на них, мня нечто от нею прияти • Рече же Петръ: сребра и злата несть у мене, но еже имамъ сее ти дамъ • Во имя Ісуса Христа Назорея въстани и ходи, и емъ за руку его десную воздвиже и • А скоро утвердилися ему плесне и глезны, и воскочив ста и хождяше, и вниде с ними во храмъ, ходя, и скача, и хваля Бога •

И видеша и вси людие ходяща, и хваляща Бога • Познаху же его яко сей бяше милостыня ради седяй при Красных дверех храмовых, исполнишеся чуда и вжаса о пригодившихся ему •

Держащу же исцелевшему хромому Петра, и Іоанна • Притекоша к нима вси людие, во притвор нарицаемый Саломоновъ ужасни • Видев же Петръ отвещаваше к людемъ: мужие Ізраильтяне что дивитеся тому, или на насъ почто возираете, яко своею ль силою, или можностию сотворихом сего ходити? Богъ Авраамов, и Ісааковъ, и Іаковль, Богъ отець наших прослави Сына Своего Ісуса • Егоже убо вы предасте и отвергостеся предъ лицемъ Пилатовымъ, суждьшу Оному пустити • Вы же Святого и Праведнаго отпрестеся, и испросисте мужа убійцу дати вамъ • Началника же живота забисте • Тогожъ Бог воскреси от мертвых, емуже и мы сведетели есмы о вере имени Его • Сего егож вы відите и знаете укрепило имя Его, и вера еже ест Его ради дала ему всю целость сию пред всеми вами •

И ныне братия вемъ яко неведениемъ сее вчинисте, також и князи ваши • Но Богъ якоже провозвести усты въсехъ пророк Своих, пострадати Христу и сконча тако •

Покайтеся убо и обратитеся да очиститеся от грехъ ваших, яко да пріидуть времена прохладна от лица Господьня • И пошлеть пронареченнаго вамъ Христа Ісуса, Егоже подобаеть небеси прияти, даже до лет устроения всехъ, еже глагола Богъ усты святых Своих пророк от века • Моисей убо ко отцемъ рече: Пророка вам воздвигнет Господь Богъ вашъ от братие вашее яко имене Того послушаіте о всем елика же речеть къ вамъ • И будеть всяка душа естъ ли же не послушаеть Пророка того, потребится от людей • Но и вси пророци от Самуіла, и прочии елици глаголаша, возвестиша дни сия, вы есте сынове пророкъ и завета еже завеща Богъ ко отцемъ нашимъ • Глаголя ко Аврааму: о семени твоемъ благославятся вся отечествия земная, вамъ первее Богъ возъяви Сына Своего Ісуса, и посла Его благославяющи вас, да отвратитеся кажды от злоб своих •

Глаголющим же имъ к людемъ найдоша на них свещенници и воевода церковный, и саддукеи, жалующе того иже учать людей, и возвещають о імени Ісусове воскресение изъ мертвыхъ • И возтягоша на нихъ руце, и положиша их в соблюдение до утра, бе бо вечеръ уже • Мнози же отслышавших слово вероваша, и бысть число мужей яко пять тысещъ •

Бысть же наутрей • Собралися князи ихъ • И старейшины • И книжъници во Иерусалимъ, и Аннан архиерей, и Каіафа, и Іонна, и Алексадръ, и елици беша от рода архиерейска • И поставльше их посреде вопрошаху: коею силою и коімъ именем сотвористе сее вы?

Тогда Петръ исполнися Духа Свята, рече к нимъ: князи людстии, и старейшины Ізраилевы • Естъ ли же насъ пытаете о добродеании человека хромого, о чемъ сей исцелися • Разумно буди всемъ вамъ, и всемъ людемъ Ізраилевым • Яко во імя Ісуса Христа Назорея, Егоже вы распясте, Егоже Бог воскреси от мертвых • О Сем сей стоить пред вами здрав •

Сей естъ камень укореный от васъ зижущих бывый во главу углу, и несть о ином ни о единомъ спасения, несть бо иного имени под небесем даного человеком о нем же подобает спастися намъ •

Видящи же Петрово дръзновение, и Іоанново • И зразумевша яко человеци не книжни еста и прости, дивляхуся знаяху же их яко со Ісусом беста • Человека же видеста с нима стояща исцелевъшаго, ничтоже можаху противу рещи • Повелевшим же има вонъ изъ сонмища изыти стязахуся къ собе глаголюще: что сотворим человекома сима? Яко убо разумно быст знамение, бывшее ими, всемъ живущим во Иерусалиме • Явно ест и не можемъ запрети, но да не более прострется в людехъ, прещениемъ да запретим има, къ тому не глаголати о имени семъ ни единому человеку • И призвавше их заповедаша имъ отнудь не провещавати ни учити о имени Ісусове • Петръ же и Іоаннъ отвещавше к нимъ, рекоша: праведно ли ест то пред Богомъ, васъ послушати более, нежли Бога, судите • Не можем бо мы яже видехом и слышахом, не глаголати • Они же пригрозивше имъ, пустиша е, ничтоже обретше како мучити их, людей ради, яко вси прославляху Бога о бывшемъ • Леты бо бяше множайшими четыридесяте человек той, о немже быстъ чудо сее исцеления •

Отпущена ж бывша пріидоша ко своим и возвестиша елика к нимъ архиереи и старейшины реша • Они же слышавше единодушно воздвигоша гласъ къ Богу, и рекоша: Владыко Боже сотворивый небо, и землю, и море, и вся яже въ них • Иже усты Давыда отрока Своего рекый: въскую шаташеся языци, и людие повчишася тщетным? Предсташа царие земстіи, и князи собрашеся вкупе, на Господа и на Христа Его • Собрашеся воистинну во граде семъ на Святого Отрока Твоего Ісуса Егоже помаза • Иродъ, и Понтиский Пилатъ, со языки, и людми Ізраилевыми вчинити • Елика рука Твоя и советъ Твой прежде нарче быти • И ныне Господи призри на запрещения их, и дай жъ рабом Твоимъ со всем дръзновениемъ глаголати слово Твое • Простри руку Твою да бывають исцеления, и знамения, и чудеса іменемъ Святымъ Сына Твоего Ісуса, и помолившимся имъ, подвижася место, идеже бяху собрани, и исполнишеся вси Духа Свята, и глаголаху слово Божие со деръзновениемъ •

Народу же веровавшему бе серце едино, и душа едина, и ни единъ же что от имения своего, поведаше свое быти • Но бяху имъ вся обща, и велию силою воздаяху Апостоли сведетелство о воскресеніи Ісуса Христа • И милость велия была ест межи всеми ими, не бяше бо нищъ ни единъ в них, но елици быша господие селом, или домомъ, продающе приношаху цены продаемых, и полагаху е пред ноги Апостолъ • И розделеваху единому каждому, еже аще кто что требоваше • Осій же нарицаемый от Апостолъ Варнава, еже исказуется сын утешенія с племеня Леввиева, Кипрянин родом имея село, продавъ принесе цену и положи пред ноги Апостолъ •

Мужъ некій Ананіа именем, со Самфирою женою своею продал село и втаи от цены сведуще и жене его, и принесъ часть некую пред ногами Апостолъ положи • Рече же Петръ: Анание почто исполни сатана серце твое, солгати Духу Святому, и утаіти от цены села? Не власное ли твое бе, и продано во твоей же области бяше? Почто положилъ еси во серци своемъ вещъ сию? Не солгалъ есь человекомъ но Богу • Слышав же Ананія словеса сия, падъ изъдше • И бысть страхъ великъ на всех слышащих сия • И воставши юноше отвлекоша его, и изнесше погребоша • Бысть же яко тремъ часом минувшимъ, и жена его не ведяще бывшего вниде • Отвещав же ей Петръ: рци ми естъ ли ж за толико село продасте? Она же рече: ей за толико • Рече к ней Петръ: что яко согласистеся искусити Духъ Господень? Се ногы погребших мужа твоего при дверехъ и изнесут тя, паде же скоро пред ногама его и изъдше • Вошедши же юноша обретоша ю мертву, и изънесше погребоша у мужа ея • И бысть страх велик всему собранию и всемъ слышащим сия •

Рукама ж Апостолъскима быша знамения, и чудеса в людехъ многа • И бяху единодушно вси во притворе Саломонове • Инии пакъ никтоже смеаху примешатися къ ним, но величаху их людие, и более прібывало верующих Господеви множество мужей и женъ • Тако иже на улице выносили недужныя, и полагали на постелях и на носилах, да идущу Петру поне стен осенить некоего от нихъ • Схожашеся же множество от околних градов во Ерусалім приносяще немощныя, и стражъдущия от духовъ нечистых, они же исцелеваху вси •

Востав же архиерей и вси с нимъ суще ереси саддукеіския, и исполнишеся зависти, и возложиша руки своя на Апостолы, и поставиша их во соблюдение общее. Ангел же Господень в нощи отвръзе двери темъніце, и изведъ их вонъ, рече: Идете и ставши во церкви глаголите людемъ вся слова жизни сея •

Слышавше же сия Апостоли, внидоша на свитаніи во церковъ и вчааху • Пришед же архиерей, и еже с нимъ беша, собраша собор, и вся стареішины сынов Ізраилевыхъ • И послаша до темніце привести е • Слугы же шедше не знайдоша их в темници, возвратившеся возвестиша глаголюще: яко темницу обретохом замкнену со всяким утвержениемъ, и стражев стоящих пред дверми отворивши же внутрь ни единого обретохом • Якоже слышаша словеса сия, свещенникъ, и воевода церковный, и архиерей, недоумеяхуся о них что убо будеть сее • И пришедъ единъ возвесті имъ, яко се мужие их же всадисте в темніцу суть во церъкви стояще, и учаще людей • Тогда шедъ воевода со слугами и приведе их • Но не с нуждею, бояху бо ся людей да не побиють их камениемъ • Приведше же е поставиша на соборе, и пыташе их архиерей глаголя: Не запрещеем ли запретихомъ вамъ не учити о имени семъ, и се исьполнисте Ерусалимъ учениеамъ вашимъ, и хощете навести на насъ кровь Человека Сего • Отвещав же Петръ и Апостоли рекоша: послушати подобаеть Богови более нежели человекомъ • Богъ отець наших воздвіже Ісуса, Егоже вы убисте повесивше на древе, Сего Богъ Началника и Спаса вознесе десницею Своею, дати покаание Ізраилеви, и оставление грехом, и мы есмо Ему сведетели словомъ симъ, и Духъ Святый, Егоже далъ Богъ веровавшим Ему • Они же внегда слышаху сия надымахуся, и совещаваху убити их •

Воставъ же некий от собора фарисей іменемъ Гамаліилъ, закону учитель, честен всемъ людемъ • Повеле Апостолом вонъ мало что выступити • Рече же к нимъ: мужие Ізраильтяне, розмысльте собе о человецехъ сихъ что хощете вчинити • Пред сими бо деньми воста Феудасъ глаголя нечим себе быти емуже прилепишеся мужей яко четыреста онже убиенъ ест, и вси елици вероваша ему разыдошеся, и быша во ничтоже •

По сих воста Иуда Галилеанин во дни написания, и отвлече люди многи воследъ себе, и той погыбе и вси елици послушаша его разсыпашеся • И ныне глаголю вам, воздержитеся от человекъ сихъ, и оставте их отыти • Ест ли же будеть от людей советъ сей, или дело се, разорится • Аще ли же от Бога ест, не можете разорити того • Но к тому и Богу противници обрящетеся • Призволиша же ему, и позвавши Апостолы бивше е запретиша не глаголати о имени Ісусове, и отпустиша их • Они же убо идяху радующеся от лица собору, яко для имени Господа Ісуса сподобишеся безчестие прияти • По вся же дни во церкви и в домехъ не престааху учаще, и благовестующе Ісуса Христа •

Во днех же тыхъ умножившимся ученикомъ • Бысь роптание Ельліномъ ко Іудеомъ, яко погордеваху вдовицами их, во служении вседневъном • Тогда дванадесять Апостоловъ, созвавши множство ученикъ рекоша: негодно ест намъ оставившимъ слово Божие служити столомъ, осмотрите убо братия мужевъ з васъ добре сведетелствованыхъ седмъ, исполненых Духа Святого, и премудрости, ихъже поставим на службу сию, мы же в молитве, и у навченіи слова Божия пребудем • И люба бысть речь сия всему множству • И избраша Стефана мужа наполнена веры, и Духа Свята • И Філиппа, и Прохора, и Никанора, и Тимона, и Пармена, и Николаа пришелца Антиохійскаго, сих же поставиша предъ Апостолы • И помолившеся, возложиша на нихъ руце • И слово Божие растяше, и множашеся число ученикъ во Ерусалиме велми • Многъ теже народъ свещенник послухаша веры •

Стефан же исполненый веры и силы творяше знамения, и чудеса велия в людехъ • И восташа неціи от сонма глаголемаго Ливертинска, и Киринейска, и Александрійска, и иже от Киликия, и Азия • Гадающеся со Стефаномъ, и не можаху противитися премудрости, и Духу имъ же глаголаше • Тогда ильстиве наведоша мужей они же бы рекли, яко слышахомъ его глаголюща слова хулны, на Моисея, и на Бога • И тако подвигоша люди, и старейшины, и книжники • И збегшися восхитиша его и приведоша на сонмище • И поставиша сведетеля ложны они же рекоша: человекъ той не престаеть глаголати словъ хульныхъ на град сей святый и на закон • Слышахом бо его глаголюща • Яко Ісусъ Назоренинъ сей разорить место сее, и изменить обычае яже предалъ намъ Моисей • И возреша нань вси седящие во сонмищи, видеша лице его яко лице Ангелово •

Тогда глагола архиерей ко Стефану: аще убо сия тако суть? Онъ же рече: мужие братия и отци послушаіте, Богъ славы явися отцу нашему Аврааму егда бяше во Междуречии, прежде нижли живяше въ Харане • И рече к нему: изыйди от земля твоея, и от рода твоего, и пойди в землю юже покажу тобе • Тогда изыде от земля Халдейския, и вселися въ Харанъ • И оттуду по смерти отца его пресели и в землю сию, на ней же вы ныне живете • И не далъ ему наследия в ней ни стопы нозе • Но обеща ему дать ея, и семени его по немъ, не сущу же в него чаду • Глагола к нему сице Богъ, яко будеть семя его пришелци въ земли чуждей, и поработають ими, и озлобять е летъ четыреста, и народу емуже поработають сужу азъ, рече Богъ • А потомъ изыдуть, и послужать ми на месте семъ • И далъ ему завет обрезание • И той сплодил Ісаака, и обрезалъ его в день осмый • Ісаакъ Іакова • Іаковъ дванадесеть патриарховъ • И патриарси возненавидевши Іосифа, продаша его во Египет, и бе Богъ с нимъ, и высвободилъ и от всех скорбій его, и далъ ему ласку, и мудрость пред фараономъ царемъ Египетскимъ • И поставилъ его старейшимъ надъ Египтомъ, и надо всим домомъ своимъ • Приде же гладъ на всю землю Египетскую, и Ханаоню, и скорбь велия, и не обретаху пище отци наши слышавше Іаковъ сущую пшеницу во Египте послал отцевъ наших первее, и внегда второе придоша, познанъ ест Іосифъ от братии своей • И явенъ бысть фараонови родъ Іосифовъ • Послав же Іосифъ привезе отца своего Іакова, и вес родъ свой душъ седмъдесятъ и пять • Сниде же Іаковъ во Египетъ, и скончася самъ и отци наши и пренесени беша в Сихем, и положени быша во гробе, еже купилъ Авраамъ ценою сребра от сыновъ Еморовых, сына Сихемова • И якоже приближашеся время обетования, иже клятся Богъ Аврааму • Возрастоша людие во Египте, дондеже наста царь инъ, онже не знааше Іосифа, сей злеумыслывъ о роде нашемъ, озлоби отцевъ наших, уморяя младенца их, и не живяй • В томъ времени родился Моисей, и бе люб Богови, онъже воспитанъ бысть месеци три в дому отца своего, положена же его в реце взяла дщера фараонова, и воскорми его собе в сына место • И навченъ бысть Моисій всей премудрости Египетъстей, бе же силенъ во словехъ и делехъ • И якоже наполнишеся ему летъ четыредесятъ возыде на серце его посетити братию свою сыны Ізраилевы, и виде некоего обидима, пособствова и вчини отмщение обидимому убив Египтянина • Мнел же се разути братіи своей яко рукою его Богъ дасть имъ избавление • Они же не разумеша • Назаутрей же явися имъ тяжущимся, и приводяте их во смирение глаголя: мужи братия есте вы, почто обидите себе? Обидяй же ближнего своего, отогналъ и рекій: кто тебе поставил княземъ или судиею над нами? Еда убити мя хощеши якоже убилъ еси вчера Египтянина? Бежа же Моисей для слова того, и бысть пришелець въ земли Мадиамъстей, идеже роди сына два, минувшим же летом четыредесятъ, явися ему во пустыни горы Синайския ангелъ Господень, во пламени огнене в купине • Моисей же видевъ дивляшеся видению, приступающу же ему разумети • Бысть гласъ Господень к нему: Азъ Бог отець твоих, Богъ Авраамовъ, и Богъ Ісааковъ, и Богъ Іаковль • Трепетен же бывъ Моисей, не смеаше смотрети • Рече ж ему Бог: изуй обувь с ног твоих, место бо на немже стоиши земля свята ест • Видя видех озлобление людей Моихъ иже во Египте, и стогнание их услышах, и снидохъ высвободити их, и ныне гряди пошлю тя во Египетъ • Сего Моисея егоже отогнаша глаголюще: кто тя поставил князя и судьею, того Богъ князя и избавителя посла • Рукою Анъгела, явльшегося ему въ купине • Сей изведе ихъ чиняй знамения и чудеса во земли Египетстей, и въ Чермнемъ мори, и въ пустыни летъ четыредесятъ • Сей ест Моисей рекій сыномъ Ізраилевымъ: Пророка воздвигнет вамъ Господь Богъ вашъ от братия вашея яко мене, того послушайте • Сей бывый во собраніи въ пустыни к нему же Ангел глаголаше на горе Синай, и со отци нашими, онже приня слово живота дати нам, егоже не хотеша послухати отци наши, но отринуша, и обратиша серца своя во Египетъ, рекше Аарону: сотвори намъ богы иже преды идуть насъ • Моисею убо сему онъже вывелъ насъ и земли Египетския не вемы что ему бысть • И телець слиша во дни оны, и вознесоша жертву идолу, и веселяхуся въ делехъ руку своих • Отвратися же от них Богъ, и предалъ их служити воемъ небеснымъ • Якоже пишеть во книзе пророкъ: еда заколения и жертвы принесосте Ми летъ четыредесятъ во пустыни доме Ізраилевъ? И восприасте храмъ Молоховъ, и звезду бога вашего Ремфана, и образы, яже сотвористе покланятися имъ, и преселю васъ далей Вавилона • Сень сведения бяше отцемъ нашим во пустыни, якоже повеле глаголя Моисеови, сотворити ю по образу еже виде • Еяже приемше отци наши со Ісусомъ Наввином, внесоша во одержание языков, ихъже изъгна Бог от лица отцевъ нашихъ, до дней Давыда онже обрете ласку пред Богом, и проси дабы знашелъ селение Богу Іаковлю • Саломон же созда Ему храмъ • Но Вышній не в рукотворенных домехъ живеть • Якоже пророкъ глаголеть: Небо Мне престолъ естъ, земля же подножие ногама Моима • Кый храмъ созіжете Ми глаголеть Господь, или кое место отпочинению Моему? Не рука ли Моя сотворила сия вся? Твердое шие, и необрезани серци и ушесы • Вы есте всегда Духу Святому противилися, яко отци ваши, також и вы • Кого от пророкъ не изъгнаша отци ваши? И убиша превозвестивших пришестьвие Праведнаго, Емуже вы ныне предатели бысте и убійце • Иже приясте законъ повелениемъ Ангелскимъ, и не соблюдосте •

Слышавши же сия распыхахуся сердци своими, и скрежетаху зубы нань • Стефан же сый исполнен Духа Свята, возрев на небо, виде славу Божию, и Ісуса стояща одесную Бога, и рече: се вижу небеса отверста, и Сына Человеча стояща одесную Бога • Возопивше же гласомъ велиемъ затыкаху уши свое, и нападоша единомыслено нань • И выведши и вне града, камениемъ побиваху • И сведетели снемши и с себе ризы своя, положиша при ногу юноша нарицаемаго Савла • И камениемъ убиваху Стефана, молящася и глаголюща: Господи Ісусе пріими духъ мой, и приклонивъ колени възопи гласомъ великимъ: Господи не постави имъ греха сего, и сия рекъ успе •

Савулъ теже изволяша ко убійстьву его • Бысть же в той день гонение велие на христианы живущие во Ерусаліме, и вси разбегошеся по странам Іудеи, и Самареи, кроме Апостол • Погребоша же Стефана мужи богобойніи, и вчинили плачь велик над нимъ • Саулъ же озлобляше христианы, по домехъ ходя влачаше мужа и жены, и даяше до темница • Тые пакъ они же были розбеглися, ходили благовестующе слово Божие •

Филиппъ же пришед во градъ Самарею проповедаше имъ Христа • И пріимаху народи глаголемое от Філиппа единодушно слышачи и видячи знамения еже творяше • Многым же имуще духи нечисты, вопиюще гласомъ веліимъ исхожаху • Мнози и раслаблени, и хроми исцелени суть • И бысть радость велия во граде томъ • Муж пакъ некій именем Симонъ, онже первее во граде бе чаруя, и сводя людей Самарейскихъ поведая себе быти некоего веліка, егоже послушаху вси от мала даж и до велика глаголющи: сей ест сила Божия великая и внимаху ему занеже велие время удивляше их чародеаниемъ своимъ • И внегда вероваша Філиппу благовестующу яже о Царствіи Божіи, и о имени Ісусъ Христове • Крещахуся мужие и жены • Симон же и той верова, и крестився пребываше у Філиппа видя силы и знамения велия бываемая ужасенъ дивляшеся • Внегда же услышали Апостоли во Ерусалиме, яко прияла Самария слово Божие • Послаша к нимъ Петра и Іоанна, сии же пришежше помолишеся о нихъ да пріимуть Духъ Святый • Понеже еще ни на единого з нихъ не былъ напал, толіко крещені быша во имя Господа Ісуса • Тогда возъложили на не руце, и пріимаху Духъ Святый •

Видев же Симонъ яко возложениемъ руку Апостолъ дается Духъ Святый, принесе имъ сребро, глаголя: дайте и мне власть сию, да на негоже положу руце прииметь Дух Святый • Рече к нему Петръ: сребро твое с тобою да будеть у пагубу, яко даръ Божій мнелъ еси сребромъ купити, несть ти части ни жребия о словеси семъ • Ибо серце твое несть праведно пред Богомъ • Покайся ныне о злости своей и помолися Богу, еда убо отпустит ти ся умышление серца твоего, во желчи бо горести, и въ соузе неправедне зрю тя быти • Отвещав же Симонъ рече: помолитеся вы о мне къ Господу, яко да ничтоже найдеть на мя от сихъ яже рекосте • Они же засведетелствовавше, и глаголавше слово Божие навратишеся во Ерусалим, и многым странам Самарие благовестиша •

Ангел же Господень рече къ Філиппу глаголя: востани и иди на полудне • На пут сходящій от Ерусалима въ Газу, еже ест пуста • И востав пойде, и се мужъ Мурин, евнухъ, урядник Кандакии царици Ефіопское егож уставила надо всемъ скарбом своимъ, онъже пришол былъ помолитися во Ерусалимъ • И навращаваяся седелъ на колесници своей, и чтяше пророка Исаию • Рече же Духъ къ Філиппу: приступи, и прилучися къ колесници сей •

Притек же Філиппъ услыша его чтуща Ісаию пророка, и рече: Разумееши ли, что чтеши? Он же отвеща: и како могу разумети? Леч бы некто навчил мя • И просилъ ест Філиппа дабы въступилъ на колесницу и седелъ с нимъ • Слова же Писания еже чтяше были сия: яко овча на заколение ведеся, и яко агнець противу срыгущему Его быва безгласенъ • Тако не отверзе устъ Своих • Во смиреніи Его судъ Его взятся, род же Его кто исповесть? Яко воземлется от земли живот Его • Отвещав же евнухъ къ Філиппу рече: молю ти ся о комъ пророкъ глаголеть сее, о собе ль, или о комъ иномъ некоемъ? Отверзъ же Філиппъ уста своя, началъ от Писма сего благовестити ему Ісуса и якож идяху путем прідоша на некую воду • И глагола евнухъ: се вода что возбраняеть ми креститися? Рече же Філиппъ: аще веруеши от всего серца твоего мощно ти ест • Отвещав же рече: верую Сына Божия быти Ісуса Христа, и повеле стати колесници, и слезоста оба к воде Филиппъ и евнухъ, и крести его • Егда же взыдоша от воды, Духъ Господень восхыти Филиппа, и не виде его к тому евнух, и идяше во путь свой радуяся • Філиппъ же обретеся во Азоте, и проходяй благовествоваше всем градом даже пріиде въ Кесарею •

Савулъ пакъ еще дыхая грозами, и битиемъ на ученики Господьня • Приступи ко архиерею, и выпросилъ от него листы въ Дамаскъ ко соборищам, естъ ли бы некие знашолъ в нем сего пути мужи ли, жены ли • Связаны да приведеть во Ерусалимъ • Внегда же идяше путемъ, и приближашеся къ Дамаску, скоро облиста его светъ с небеси • И падъ на землю слыша гласъ глаголющъ ему: Савле, Савле что Мя гоніши? Рече же: кто еси Господи? Господь же рече: Азъ есмъ Ісусъ Егоже ты гониши • Жестоко ест тобе противу остъну въспетчевати • И трепетенъ и боязненъ рече: Господи что ми велиши чинити? Рече же ему Господь: востани и вниди во градъ, и тамо речет ти ся что имаши чинити • Мужие пакъ идущие с нимъ стоаху чудящеся, слышали убо гласъ, никого же видеша • Въсталъ же ест Савлъ от земля, и отверстома очима ничтоже видяше • И понявши его за руку, въведоша в Дамаскъ • И былъ ту тры дни не видя, и не яде, и не пие •

Бе же некто ученикъ въ Дамаску, именемъ Анания • И рече к нему Господь во виденіи: Анание • Он же рече: се азъ Господи • Господь же рече к нему: воставъ иди на улицу нарицаему Правую, и знаіди в дому Іудове Савла іменемъ Тарсянина, сей убо молитву дееть, и видел ест во виденіи мужа именем Ананию въшедша и возложивша нань руку да прозрить • Отвещал же ест Анания: Господи слышалъ есмъ от многихъ о мужи сем колико зла починил святымъ Твоимъ во Ерусалиме, и изде имат власть от архиереи связати всехъ нарицающих имя Твое •

Рече же к нему Господь: иди яко сосудъ изъбран Ми естъ сей, пронести имя Мое предъ народы, и цари, и сынми Ізраилевыми • Азъ убо скажу ему елико мусить онъ для имени Моего претерпети • Пойде же Анания, и вниде во храмину • И возложивъ нань руце, рече: Савле брате, Господь Ісусъ послал мя, явивыйся тобе на пути им же шолъ еси, яко да прозриши, и исполнишися Духа Свята • И скоро отпадоша от очию его яко чешуя и прозре, и въставъ крестися и приемъ пищу укрепися •

Пребываше же Саулъ со вченики бывъшими въ Дамаску за неколико дней • И не медля вошедъ во сонмище проповедаше Ісуса яко Сей ест Сынъ Божій • Дивляху же ся вси слухающие его, и глаголаху: не сей ли естъ разгонявый во Ерусалиме нарецающихъ имя сее, и сезде на то приде да связаных приведет их ко архиереемъ? Савулъ же более крепляшеся, и препирааше Іудеи живущих в Дамасце, сознавая яко Сей ест Христосъ • Внегда же наполнилися дни многы, совет учиниша Іудеи убити его, и доведался ест Савулъ о совете их, стрежаху бо вратъ градовых во дни, и в нощи, дабы забили его • Тогда поемъши и вченици в нощи выпустили изъ града, по стене свесивши в кошници • И егда пришел ест Савулъ во Ерусалимъ покушался прилучитися ко ученикомъ • И вси бояхуся его не веряще абы былъ ученик • Варнава же поемъ его приведе ко Апостолом, и поведа имъ, како на пути виде Господа, и что глаголалъ к нему, и яко в Дамаску дръжаше о имени Ісусове •

И былъ с ними вхожая и исхожая во Ерусалиме, и смеле вызнавая имя Господа Ісуса • Глаголаше же и препирашеся со Еллины • Они пакъ искали убити его • Разумевши ж то братия сведоша и во Кесарію, и отослали его въ Тарсъ • Церкви же по всей Іудеи, и Галилеи, и Самареи имеяху миръ, созідающеся, и ходяще во страсе Господьні, и утешением Святого Духа умножахуся •

І бысть внегда Петръ прейде посещая всехъ, сниде ко святымъ живущим въ Лидде • И знайде ту человека некоего, именемъ Енею, от осми летъ лежаща на одре, онже бе раслабленъ • И рече к нему Петръ: Енея исцеляеть тя Ісусъ Христосъ, востани и постели собе, и скоро въсталъ • И видеша его вси живущие во Лидде, и во Ассароне, они ж и навратишася къ Господу •

Во Оппии пакъ бе неякая ученица именемъ Тавифа, еже сказаема глаголется серна, сия была полна добрыхъ делъ, и милостыне юже даяше • Бысть же во дни ты рознемоглася и умерла, омывши же ю положиша во горници • И бе близко Лидда градъ одъ Оппии, и слышавше ученици яко Петръ ест в ней • Послаша къ нему два мужа, молящеся да не обленится пріити до нихъ • И воставъ Петръ иде с ними, и егда пришол возведоша и в горницу, и оступили его вси вдовице, плачуще и показующе ризы и одежа еже чинивала с німи будучи Тавіфа • И выгнав вонъ всехъ Петръ, преклонивъ колене помолися • И обратився ко телу рече: Тавіфа востани • Она же отверзе очи своя, и видевши Петра сяде, подавъ же ей руку воздвиже ю, и призвавъ христианы, и вдовица постави ю живу • Уведено же бысть сее по всей Іоппіи, и мнози вероваша въ Господа • Бысть же за многы дни пребываше Петръ у Воппіи, въ некоего Симона кожедела •

Мужъ некий бе во Кесаріи именемъ Корнилей, сотник от полка нарицающегося Италіска благочестенъ и бояйся Бога, со всемъ домом своимъ, даяй милостыня многы людемъ, и моляся Богу всегда • Сей виде во виденіи яве, во часъ девятый дня, Анъгела Божия, пришедша к нему, и рекша ему: Корнилие • Онъ же возревъ нань, и пристрашенъ быв рече: что ест Господи? Рече же ему: молитвы твоя и милостыни твоя, възыдоше на паметь пред Богомъ • И ныне пошли во Оппию мужей, и призови Симона нарицаемаго Петра, сей пребываеть у некоего Симона кожедела, егоже домъ ест при мори, той речет тобе глаголы в них же спасешися ты, и домъ твой • И внегда от иде Ангелъ глаголавый Корнилию, призва два от рабъ своих, и воина добречестъна от служащих ему • И сказавъ имъ все, посла их во Оппию • Во утрейшій же день идущим имъ по пути, и граду приближающимся • Возыде Петръ на горницу помолитися в час шестый • Бысть же приалчен, и хотяше вкусити • Готующим же онымъ обедъ • Нападе нань ужасъ, и виде небо отверсто, и сходящъ сосудъ некий яко плащеницу велику, от четырех краи привязан, и низу спущающся на землю, в нем же бяху вся четвероногая земли и гади, и птици небесные • И бысть глас к нему: воставъ Петре заколи и яжъ • Петръ же рече: отдали сее от ме Господи, яко николиже ядохъ всяко скверно или нечисто • И се гласъ опять к нему второе: Яже Бог очистил естъ, ты не скверни • Сее бысть трежды, и паки взятся сосудъ на небо •

Внегда же Петръ самъ в собе дивляшеся, что бы знаменовало видение сее еже виде • И се мужи посланые от Корнилія пытающи дому Симонова стояли предъ враты, и вызвавши некоего пытаху, ест ли же Симонъ нарицаемый Петръ изде пребываеть • Петру же помышляющу о виденіи рече ему Духъ: се мужи трие ищуть тебе • Востав же, сниди долу, и пойди с ними, ничтоже разсужая: занеж Азъ послал их •

Сошед же Петръ к мужем и рече: се азъ есмъ той егоже вы ищете, что за дело ест, иже пріидосте семо? Они же рекоша: Корнилей сотникъ, мужъ праведенъ, и бояся Бога, и сведетелство доброе имея от всехъ людей Іудейских • Поведено ему бысть от Ангела свята призвати тя в домъ свой, и слышати речи от тебе • Тогда появъ их у дворъ и учьтилъ • Наутрей же востав Петръ иде с ними, и неціи братия от Іоппии идоша с нимъ • И второго дня внидоша во Кесарию • Корнилей пакъ ждаше их, созвавши племя свое, и другы любезные • И бысть якоже вхожаше Петръ стрети и Корнилей, и падъ на ногу его поклонися • Петръ же воздвиже и глаголя: въстани и азъ самъ человекъ есмъ • И розмолвяя с нимъ вніиде, и знайде собравъшиеся многы, и рече к нимъ: вы весте, яко негодно ест мужу Іудею, прилучитися или приступити ко иноплеменнику • Но мне приказал Богъ, ни единаго скверна или нечиста глаголати человека, темже и без суменения пріидохъ позванъ • И пытаю вас для чего посласте по мя? И Корнилей рече: от четвертаго дня даже и до сего часа, бех постяся, и во девятый часъ молихся въ дому моемъ • И се мужъ ста предо мною во одежи светле, и рече ко мне: Корнилие услышана бысть молитва твоя, и милостыне твое помянушеся предъ Богомъ • Пошли въ Оппию, и призови Симона, иже нарицается Петръ, сей пребываеть в дому Симона в кожедела близ моря, и скоро послахъ къ тобе • Ты же добре вчинил пришеды к намъ • Ныне убо вси мы предъ Богомъ, пріидохомъ послушати вся повеленная тобе от Бога •

Отверзъ же Петръ уста своя рече: поистинне разумеваю, яко на лица не зрить Богъ • Но во всякомъ языце бояйся Его, и делая правду, приятенъ Ему естъ • Слово еже посла Богъ сыномъ Ізраилевымъ благовещая миръ Ісусомъ Христомъ, Сей ест всем Господь • Вы весте бывшій глаголъ по всей Іудеі наченъ от Галилеи, по крещении еже проповеда Іоаннъ • Яко Ісуса от Назарета помаза Богъ Духомъ Святымъ, и силою • Он же прииде добродетелствуя, и исцеляя вся насилованныя от диавола • Зану же Богъ былъ ест с Нимъ • И мы есмо сведетели всему еже сотвори во стране Іудейстеи и во Ерусалиме, Егоже убиша повесивше на древе • Сего Богъ воскреси въ третій ден • И далъ Его явна быти не всемъ людемъ • Но сведетелем прежде нареченным от Бога намъ, иже с Нимъ ядохом, и пихом по воскресеніи Его от мертвых • И повеле нам проповедати людемъ, и засведетелствовати яко Той ест нареченый от Бога, Судия живымъ, и мертвымъ • О Семъ вси пророци сведетелствують, оставление грехомъ прияти именемъ Его, всякому верующему в Онь •

Еще же Петру глаголющу слова сие, паде Духъ Святый на всехъ слышащих слово • И ужасошеся верніи, еже быша от обрезания, пришедшіи съ Петромъ • Яко и на поганы даръ Святаго Духа излияся • Слышаху бо их глаголющихъ разными языки, и велічающихъ Бога • Тогда отвеща Петръ: Еда воду возбранити можеть кто, еже не креститися, симъ они же Духъ Святый прияша, яко и мы? И повеле имъ креститися во имя Ісусъ Христово • Тогда молиша его абы пребылъ у нихъ дней неколико •

Слышали пакъ суть Апостоли, и братия живущие во Іудеи, яко и погани приняли слово Божие, и егда прішел Петръ во Ерусалим роптаху нань еже были от обрезания глаголюще: почто вшолъ еси к мужемъ необрезаным, и елъ с ними?

Начавъ же Петръ речь сперва, и по ряду сказываше имъ глаголя: азъ бых во граде Іоппіистемъ моляся • И видехъ во захваченіи мысли, видение: сходящъ сосудъ некій яко плащеницу велию, от четырь краи висящу с небеси, и спустися даже до мене • В нюже егда смотряхъ, видехъ четвероногие звери земли, и гады, и птице небесные • Слышах же и гласъ глаголющь ко мне: воставъ Петре заколи и ежь • Рекох же: никако Господи, всяко бо скерно и нечисто николи же вніиде во уста моя • Отвеща же ми вторицею гласъ с небеси глаголющъ: яже Богъ очистил ты не скверни, се же бысть и третицею, и потом взяшася вся на небо •

И се абие трие мужи сташа пред храміною в нейже бехъ, послани с Кесареи ко мне • Рече же ми Духъ ити с ними ничтоже разсужая • Шли ж со мною и шесть братіа сия • И вніидохом в домъ мужа • Той же сказа намъ, како виде Ангела в дому своемъ ставши и рекша ему: пошли во Іоппию мужей, и призови Симона нарицаемаго Петра • Онъ речеть къ тобе слова в нихже спасешися ты, и весь домъ твой •

Внегда же начахъ глаголати, нападе Духъ Святый на них, якоже и на нас вначале • И воспомянухъ на слова Господьня, еже глаголаше: Іоаннъ убо крестилъ ест водою, вы же имате крестити Духом Святымъ • Понеже убо равный даръ далъ ест имъ Богъ, якож и нам, веровавтим въ Господа нашего Ісуса Христа • Азъ же кто бехъ возбранити Богу? Слышавши же сия умолъкоша • И славяху Бога глаголюще: се убо и поганом далъ ест Богъ покаание въ жизнь •

Тые пакъ еже были розъбеглися для скорби бывшее при Стефане, пріидоша до Фіникия, и до Кипра, и до Антиохіа • Ни къ единому глаголюще слова Божия, толико к самым Іудеомъ • Быша же неціи от нихъ мужие Кипрьстіи, и Киринеістіи, они же, пришедши во Антиохию глаголаху ко Еллиномъ, благовествующе Господа Ісуса, и бе рука Господьня с ними, много ж число веровавших обратишеся къ Господу • И поведена бысть речь сия во уши сбору иже бе во Ерусалиме • И послали Варнаву до Антиохіи • Онже внегда пришолъ тамо, и узрелъ ласку Божию возрадовался • И напоминалъ всехъ, дабы в умысле серца своего пребыли, прилучени къ Господу • Былъ убо мужъ добръ, исполненъ Духа Свята, и веры • И приложися народъ мног Господеви • И оттоле иде Варнава во Тарсъ взыскати Савла, и знашедъ его приведе во Антиохию • Быша же ту целый годъ, собирающеся во церкви и научающе народъ многъ • Тако иже во Антиохіи напредъ ученици нарекошеся христиане •

В тые жъ дни снидошеся пророци во Антиохию • Востав же единъ от них именем Агавъ, назнаменаше Духомъ гладъ велик быти по всей вселенней еже и бысть при Клавдие кесари •

Тогда ученици единый каждый водле можности своея, умыслили послати к употребе, живущим во Іудеи братиамъ • Еже и вчиниша пославше ко старейшимъ рукою Варнавлевою и Саулевою •

В той часъ послалъ Іродъ царь слугы, да погубять некия от церкви, и убилъ ест Іакова брата Іоаннова, мечем • И видевъ яко любо тое бысть Іудеомъ • Приложи яти и Петра, бяху же дние опресночніи • Егоже емъ всади во темницу • Предавъ двадесети воиномъ стеречи и, хотяй по Пасце вывести его к людем • Петра убо стрежаху в темници, молитва же уставичная от христианъ бываше къ Богу о немъ • Егда же хотяше извести его Іродъ, в нощи той бе Петръ спя межи двемя воинома, связанъ железными ретезма двема, стражие же пред дверми стрежаху темницу • И се Ангелъ Господень пріиде, и светъ восия во храмине • Толъкнув же в ребра Петра, воздвиже его глаголя: востани скоро • И спадоша ретези с руку его • Рече же Ангелъ к нему: препояшися, и въступи у вобувь свою • Вчинилъ же ест тако • И глагола ему: облецися в ризу свою, и пойди за мною • И вышедъ шолъ ест за нимъ • И не ведалъ яко истинна естъ бывшее от Ангела, но мнелъ сонъ зрети • Прешедъши же первую стражу, и вторую • Пріидоста ко вратомъ железнымъ воводящимъ во градъ, еже сами отверзошеся имъ • И изшедше прейдоша улицу едину, и таже отступи Ангелъ от него • Тогда Петръ привратився самъ к собе рече: ныне вемъ воистинну яко посла Богъ Ангела Своего, изят мя из руки Иродовы, и со всего чаанія людей Иудейских •

Осмотревся же Петръ, пріиде в домъ Маріинъ матери Іоанновы, нарицаемаго Марка иде же беяху мнози собраний молящеся • Толкнувшу же Петру во врата двора, вынійде рабыни слышати, именем Родія • И познавши гласъ Петров, от радости не отверзе вратъ, притекши ж сказа Петра стояща пред враты • Они же к ней рекоша: мылишся • И она крепляаше тако быти • Тогда они рекли: Ангелъ его ест • Петр же пребывааше толкый • И внегда отворили двери, видевши его ужасошася • И покивав на них рукою абы молчали, сказа имъ, како Господь вывел его с темнице • И рече: возвестите сия Іакову, и братиамъ • И изшедъ иде во ино место •

Бывшу же дню, бе молва немала во воинехъ о Петре что убо бысть ему • Иродъ же поискавъ его и не обрете, и спытавъ стражей, повеле отвести их • И изшедъ от Іудеи въ Кесарію живяше тамъ • Тогда Іродъ гневашеся на Тирянъ, и на Сидонян, они же единомыслено пришли к нему • И умоливше Власта постелника царева, просили миру, дабы могли брати пищу страны их от царствия его • Тогда уставивъ на то день, в онь же облекся Іродъ въ одежу царску • И седъ на престоле судищномъ молвяше к нимъ • Народъ же стоящій возглашаше: гласъ Божій ест сее а не человеч • И скоро поразилъ его ангелъ Божій, занеж не далъ хвалы Богу • И бысть черви источен изъдше • Слово же Божие растяше, и множашеся • Варнава же, и Саулъ возвратишеся во Ерусалимъ, скончавши службу поемши съ собою Іоанна нарицаемаго Марка •

Были пакъ неціи во Антиохійской церкви, пророци, и учителе, и Варнава, и Симон нарицаемый Чорный, и Лукиусъ Киринеанинъ, и Манаінъ Ірода Четверовласнаго другъ, и Савлъ • Служащим же имъ Господеви, и постящимся, рече Духъ Святый: отделите Ми Варнаву, и Савла на дело на неже изъбрахъ их • Тогда постившеся, и помолившеся, и возложивши руце на ня отпустиша их •

Сіи же послани бывше от Духа Свята, идоша в Селевкию • Оттуду ж отплыша въ Кипръ • И пришедше во Саламин, возвещаху слово Божие на сонмищех Іудейских • Имеаху же Іоанна слугу • И внегда прошли весь островъ, даже до Пафу • Знайдоша некоего мужа, чародейника, лже пророка, Іудеанина, емуже бе имя Вариісус • Онже былъ съ намесникомъ Сергие Павломъ, мужемъ разумънымъ • Сей призвав Варнаву, и Савла, жадалъ от них слышати слово Божие • Противляшеся же имъ, Елимас, чародейникъ той • Тако бо сказуется имя его • Хотяй отвратити намесника от веры • Тогда Савулъ, онже словет Павелъ, исполнен сый Духа Свята, возревъ нань рече: о исполнене всякия ильсти, и всякия злости сыне диаволовъ, враже всякия правды, не престаеши развращати путіи Господьня правыя • И ныне се рука Господня на тя, и будеши слепъ, не видя солца до времени • И скоро нападе нань мракъ и тма, и осязая искаше вожда • Тогда видевъ намесникъ бывшее верова, дивуяся учению Господню •

Вънегда же везлися от Пафа, Павелъ, и еже с ним быша, пріидоша во Пергію Памфиліискую • Іоаннъ же отлучився от нихъ, навратился во Ерусалим • Они пак прошедше Пергию, пріидоша во Антиохию Писидийскую • И вошедъше во сонмище въ день суботъный седоша •

По чтении же закона и пророковъ, послаша к нимъ начальници сонмища глаголюще: мужие братия, естъ ли же слово в васъ утешенія к людем, поведите • Востав же Павелъ и помахав рукою, рече: мужие Ізраильсти и боящеися Бога услышите • Богъ людей сихъ выбралъ ест отцевъ нашихъ, и люди вознесе, егда быша пришелци во земли Египестей • И мышцею высокою изведе их из нея, и до четыредесять летъ препита е во пустыни • И погубивъ народовъ седмъ в земли Ханаанстей, жребиемъ розделилъ имъ земли их • А потомъ четыреста и пятдесятъ летъ далъ имъ судие, даже до Самуила пророка • Затымъ просиша царя, и далъ имъ Богъ Саула сына Кисова, мужа от колена Вениаминова, летъ четырдесятъ • И преставив его, воздвиже имъ Давыда царя • Емуже сведетелствуя рече: знаідохъ Давыда сына Іосеева мужа по серцу Моему, онже чинить вся хотения Моя • От сего семене Богъ по обетованию воздвиже Ізраилю • Проповедавшу Іоанну пред лицемъ внития Его, крещение покаяния всем людем Ізраилевым •

Якоже скончал Іоаннъ течение свое и рече: кого мя мните быти несмъ азъ но се грядеть по мне, Емуже несмъ достоинъ раздрешити ремень сапогу Его • Мужи братия, сынове рода Авраамля • И иже в васъ боящиеся Бога, вамъ слово спасения сего послася • Живущіе бо во Ерусалиме и князи их сего не разумевше, и глас пророческих, иже по вся суботы чтомых, судивше скончаша • И ни едины вины смертны обретше нань, просиша у Пилата убити Его • Якож скончаша вся яже о Нем писана быша, снемша со древа положиша и во гробе • Бог же воскреси Его от мертвых Онъже явися на дни многы, съшедшимъ с Ним от Галилея во Ерусалимъ, иже ныне суть сведетели к людемъ • И мы жъ вамъ благовестуемъ, еже ко отцемъ обетование бывшее, яко сие сконча Богъ нам чадомъ их воздвигъ Ісуса •

Якоже во псалме второмъ пишеть: Сынъ Мой еси Ты, Азъ днесь родих Тя • А еже воскреси Его от мертвых, да не к тому возвратит и во истьление, сице рече: яко дамъ вам преподобна Давыдова верна • Темже и во другомъ глаголеть: не даси Преподобному Твоему видети исътления • Давыдъ убо своему роду послуживъ, Божіимъ советомъ успе и приложися ко отцемъ своимъ, и виде исътлени • А Егоже Богъ воздвиже, не виде исътления • Ведомо убо да будеть всем мужие братия, яко Сего ради вамъ оставление грехомъ проповедается • И от всех от них же не могосте в законе Моисеове оправдатися, о Нем всякъ веруя оправдается • Блюдитеся ж да не придеть на васъ реченое во пророцех: Видьте нерадивіи и чудитеся, и исчезньте • Понеже дело соделаю Азъ во днехъ ваших, емуже не имаете веровати, аще кто повесть вамъ • Исходящим же имъ из сонмища Іудейска моляхуся народи, дабы во другую суботу молвили ко нимъ слова тые • Разшедшу же ся собору, последовали мнози Іудеи и богобойніи пришелци, Павла, и Варнаву, ониже напоминали их абы пребывали в милости Божией • Въ другую пакъ суботу мало не весь градъ собрался послушати слова Божия • Видевши же Іудеи народы исполнишеся зависти • И вопреки глаголаху глаголемымъ от Павла • Противящеся и хуляще их • Тогда с смелостью Павелъ, и Варнава рекоста: вамъ было годно первее глаголати слово Божие, а понеж отвергосте е, и негодни сами себе чините вечному жівоту • Се обращаемся ку языкомъ, тако убо заповеда нам Господь: положих тя во свет языкомъ, и да будеши во спасение даже до последнихъ земли • Слышавше же сия языци радовахуся, и славяху слово Господьне, и вероваша, елици презрени быша в живот вечный, и проношашеся слово Господьне по всей стране той • Іудеи же наустиша жены учьтивыя, и благообразныя, и мещаны старейшия • И воздвигоша гонение великое на Павла, и на Варнаву, и изъгнаша их от предел своих, они же оттрясши прах с ног своих на не, придоша во Иконію ученици же исполняхуся радости и Духа Свята •

Бысть же во Іконіи внегда посполу увошли во сонмище Іудейское, и поведали слово Божие • Уверило ест Іудеи, и Еллиновъ многое множство • Неверующие же Іудеи роздражниша, и ко гневу воздвігоша народы на братию, но Господь далъ ест миръ рабом Своимъ, и доволно время пребыша смеле проповедающе о Господи, Онъже сведетелствоваше слову их ласкою Своею, даяй знамена и чудеса бывати руками ею • Разделися же множство града • Некии быша со Іудеи, и некие со Апостолы • И внегда устремитися хотяху на них поганы, и Іудеи с началники своими, дабы сганивши камениемъ побили е, уведевши же сее • и тамо беста благовестующе • И некто мужъ в Листрехъ немощен ногами седяще, хромъ от чрева матери своея сый, иже николиже бе ходилъ • Сей слушалъ Павла глаголюща • Тогда Павелъ возревъ нань и видевъ яко веру имать спастися • Рече великим гласом: тобе глаголю во имя Ісуса Христа, востани на нозе свое простъ • Онъже усхопился и ходилъ • Народи же видевше еже учинилъ Павелъ, возопиша гласъ свой ликаоньскимъ языкомъ глаголюще: бози уподобившеся человекомъ снидоша къ намъ. И назвали суть Варнаву Діа, и Павла Ермію • Понеже той бяше началникъ слову Божию • Жрець пакъ Диевъ, онже живяше пред градомъ их, приведе юнъце и принесе венца пред врата с народы, хотяще жертву принести имъ • Слышавши же сия Апостоли, Варнава, и Павелъ • Растерзавши ризы своя ускочиша в народъ, вопиющи, и глаголюще: Мужи что сие чините? И мы убо смертелныи есмо, подобни вам человеци, вестующе къ вамъ, от сих суетъныхъ ідолъ, обращатися къ Богу живу, иже сотворилъ, небо, и землю, и море, и вся, яже в них • Онже во минувших поколениехъ, допустилъ былъ всемъ народомъ ходити въ пути своя • А ведь же Себе Самого не оставилъ без сведетелства, добро чиняй людем: с небеси дожде выдая, и времена плодна, насыщая пищею, и веселием серца наша • И сия глаголюще едва установиша народы, дабы не приносили жертвы има • Пребывающимъ же имъ ту •

Пріидоша от Антиохіа, и Икониа неціи Іудеи • И стязающемася има со дерзновениемъ, наустиша народы, отступити от нею, глаголюще: яко ничтоже истинно глаголють, и камениемъ побивше Павла, извлекоша вонъ з града, мняще его умерша • И внегда обступили его ученици востав вниде во градъ, и наутрей ізыде Павелъ, с Варнавою въ Дервинь • Благовествовавши же граду тому, и научивше многы • Возвратишеся в Листру, и во Иконию, и Антиохию • Утвержающе душе ученикомъ, и напомінающе абы пребыли въ вере, яко многыми скорбьми подобаеть намъ внити во Царствие Божие • Посветивши же имъ попы во всехъ церквехъ и помолившеся с постомъ, предаша их Господеви, в Негоже вероваша • И прошедши Писідию, пріидоста во Памфилію • И глаголавши во Пергіи слово Божие, снидоша во Атталию • И оттуду приплыша во Антиохию, оттоле убо беста выслана, и предана благодати Божией на дело, еже и скончаста • Внегда же пріидоша, и созваша христианъ поведаху имъ елика Богъ учинил с нима, и яко отверзе поганом дверь веры, пребываша же ту время немало со въченики •

И неціи пакъ пришедъше от Іудея, учаху братию глаголюще: не обрежете лі ся по обычаю Моисееву не можете спастися • Бывши же распри, и стязанию немалу Павла, и Варнавы к нимъ, установиша на томъ, абы Павелъ и Варнава шли до Ерусалима, и некие иные с ними ко Апостоломъ, и старцемъ, о вопрошеніи сем • Тогда они суще выпроважени от церкві прохожаху Фіникию, и Самарию, поведающе обращение погановъ • И чиняху радость велию всей братіи • Пришедши же во Ерусалимъ, приата быста от церкви, и от Апостолъ, и от старець • Споведаша же им елика сътвори Богъ с нима, и яко отверзе языкомъ дверь веры •

Восташа же неціи от сонма фарисейскаго, веровавшие глаголюще • Яко подобаеть обрезати их, и завещавати блюсти законъ Моисеовъ • Собралися же Апостоли, и старци сведети о словеси сем • Многу же взысканию бывшу • Воставъ Петръ рече к ним: мужие братия вы весте яко от дней первых, Богъ в насъ избра дабы усты моими услышали языци благовествование и веровали • И Серцевидець Бог сведетелствовал, давъ имъ Дух Святыі, якоже и намъ, и ничтоже раздели между нами и онеми, верою убо очистил серца их • Ныне же что искушаете Бога, хотяще возложити иго на шию ученикомъ, егоже ни отци наши, ани мы возмогохом понести? Но благодатию Господа Ісуса Христа веруемъ спастися якожъ и они • Тогда умолкоша все множство, и послушаху Варнавы, и Павла, поведающих елика сътвори Богъ знамения, и чудеса во языцехъ с нима • По умолчанию же ею отвеща Іаковъ глаголя: мужие братия послушайте мене • Симонъ поведалъ, яко ест Богъ напредъ наведил імъ, абы принял от язык люди во имя Свое • И сему согласують словеса пророкъ, якоже пишеть: По сих навращуся, и созіжду храмъ Давыдовъ падший, и раскопания его направлю, и воздвигну и, яко да прочіи человеци возыщуть Господа, и вси языци над ними же призывано ест имя Мое, глаголеть Господь творяй вся сия • Разумна суть Богови от века вся дела Его • Для того азъ сужу, не стужати тымъ ониже от язык обращаются къ Богу • Но написати к нимъ, да выстерегаются от требъ идолскых, и от блуда, и от удавленины, и от крови • И елика невгодна собе быти, инымъ не чинити • Моисей бо от родов давных во всех градех проповедающих себе имат во сонмищи, идеже на каждую суботу чьтется • Тогда полюбилосе Апостоломъ, и старцем, и всему собору • Абы выбраные от себе муже послали во Антиохию, съ Павломъ, и Варнавою • Іуду нарицаемаго Варсаву, и Силу мужа нарочиты во братіи пославши листы рукою их, писаны сеце: Апостоли, и старци, и братия • Тымъ ониже суть во Антиохіи, в Сиріи, и въ Киликіи братиямъ, иже от языкъ навращеным о Господи радоватися усказуемъ • Понеже убо слышахом, яко неціи пришедше от нас возмутиша васъ словесы, развращающе душе ваше, веляще вамъ обрезатися, и блюсти законъ • Имъже того мы не розказали • И изволися намъ бывшимъ посполу выбравши мужей послати къ вамъ • Со возлюбленными нашими Варнавою и Павломъ, человекома, ониже предаша душе свое, для имене Господа нашего Ісуса Христа • Послахом же Іуду, и Силу, и техъ словом усказуемъ таяжде • Слюбилося ест Духу Святому, и намъ, ни едина на васъ воскладати бременя • Развей толико потребных сихъ: Да воздеръжитеся от жертвъ ідольских, и от крови, и от удавленины, и от блуда, и елика не хощете вамъ быти, другим не чините • От нихже соблюдающе себе, добре сотворите, здравъствуйте •

Тогда они послани бывше, пріидоша во Антиохию • И собравши множество, подаша имъ листъ • Прочетши же возрадовашеся о утешеніи • Іуда же, и Сила пророци суще, словами многыми утешиста братию, и утвердиста • И ту пребывше некое время, отпущена быста с миромъ от братіи ко Апостолом • И захотелося Силе остати ту • Іуда пакъ самъ навратился во Ерусалимъ •

Павелъ же, и Варнава живяху во Антиохіи, учаще и благовествующе, со иными многыми слово Господьне • По некоихъ же днехъ рече Павелъ ко Варнаве: возвратившися подобаеть намъ наведити братию нашу во всехъ градехъ, в нихже проповедахомъ слово Господьне, како ся имеють • Варнава пак совеща абы поняли съ собою и Іоанна нарицаемаго Марка • Павелъ же глаголаше: занеж отступилъ от насъ во Памфиліи и не шолъ на дело с нами, в немже положени быхомъ, не понимаймы его съ собою • И бысть межи неми распря, тако иже разлучишеся от себе • Варнава убо поимъ Марка отплыл во Кипръ • Павелъ же выбравъ собе Силу, изыде преданъ благодати Божией от братіи, прохожаше ж Сирію, и Киликию, утвержая церкви •

Пришед же Павелъ во Дервинь, и въ Листру • И се вченикъ некій бе ту, именем Тимофей • Сынъ жены некия Іудеанины верующее во Христа • От отца же Елліна • О немже славу добрую выдавали, живущие в Листре, и во Іконии братия • Сего восхоте Павелъ дабы с нимъ ходилъ, и приемъ обреза и, деля Іудеи живущих на местехъ онехъ, ведяху бо вси отца его яко Еллин бяше • И внегда прохожаше грады, предааше имъ хранити нравы, уставленыя от Апостолъ, и старець во Ерусалиме • Церкви же утвержахуся верою, и прибываше число их по вся дни • Прошедши ж Фригию, и Галатійскую страну • Возбранены от Святого Духа глаголати слово Божие во Асіи • И пришедше во Мисию покушастася ити во Вифінию, и не допусти имъ Духъ • И егда прошли Мисію сънидоша во Троаду • И видение в нощи явися Павлу, якобы неякій мужъ Макидонянинъ стоялъ, и моли его, глаголя: пришедъ во Макидонию помози намъ • И якожъ видение виде, скоро возыска изыіти во Макидонию, разумеюще тое яко прізываеть ест Господь благовестити имъ • И отвезшеся от Троады, приплыша во Самофракъ, назаутрей же во Неаполімъ • И оттоле во Філипусы, еже ест первая часть Макидоніи, град колония • Беху же в томъ граде пребывающе дне неколико • Во день же суботный изыдоша вонъ изъ града къ реце, идеже мнешеся молитвеница быти, и седъше глаголаху къ собравшимся женамъ • И некая жена именемъ Лидия, от Порфірополя града Фиатирска чтуще Бога, послухаше • Ейже Господь отвръзе серце, дабы пилна была слов глаголемых от Павла • Якоже крестися сия, и домъ ея, умоли глаголюще: Понеже имате мя верну Господеви быти, вошедши въ домъ мой пребудите, и принути их •

Бысть же идущим на молитву, рабыни некая имуще духъ вещій стрете их, онаже пожитокъ великіи приносила господаремъ своимъ вещуючи • Тая последствуючи Павлу имъ вопиаше глаголюще: сіи человеци, раби Бога Вышнего суть, они же возвещають намъ путь спасения, и сее чинивала за много дніи • Стужив же Павелъ, и обратився духови рече: завещаваю тобе о имени Ісусъ Христове, изыди от нея • И изыде в томъ часе • Видевши же господари ея, яко изыде надежа пожитку им • Похопивше Павла, и Силу привлекоша на торгъ ко князем, и приведши их пред воеводы рекоша: сіи человеци возмущають град нашъ, ониже суть Іудеи, и завещавают обычае, ихже не достоить намъ пріимати, и ни творити Римляномъ сущимъ • И зъбежался народъ на не • И воеводы растръзавше на них ризы, веляху палицами е бити • И многы давше имъ раны, въсадиша их въ темницу, завещавше темъничьному стражу твердо стрещи е • Онже завещание приемъ, въсади их во нутреную темницу, и ногы ею заби въ кладе • Въ полунощи же Павелъ, и Сила молящеся хваляху Бога поюще, и послушаху их ужници • И скоро трусъ земли стался ест великъ, тако иже поколебалося основание темнице • Отверзошеся же абие все двери, и всемъ узы ослабеша • Тогда обудися темничный стражъ, и егда виделъ отверсты двери темнице, изъвлекъ ножъ, хотяше себе убити, мня избегша юзникы • Возопи же гласомъ великимъ Павелъ глаголя: ничего же чини собе зла, вси бо есмы зде • Попросив же свеща вскочи, и трепетенъ сый припаде къ Павлу, и Силе • Изведъ их вонъ рече: господие что ми подобаеть вчинити да спасуся? Они же рекоша ему: веруй въ Господа Ісуса Христа, и спасешися ты, и весь домъ твой • И глаголаста ему слово Господьне и всемъ еже в дому его • И поемъ их тогожъ часу в нощи, омылъ раны имъ • И крестися самъ со всею челядию своею без мешкания, внегда ж увелъ е в домъ свой, зготовилъ столъ • И возрадовася со всею челядию своею, яко верова Богови •

Дневи же бывшу послаша воеводы слуги своя глаголюще выпустити человека она • Сказа же темничный страж словеса сия Павлу, яко послаша воеводы, да отпущени будете • И ныне, вышедше идите с миром • Павел же рече к нимъ: бивше насъ предъ людми, не осудивши, человека Римлянины, всадиша в темницу • И ныне тайно изводите насъ? Ни убо, но да пришедше сами изведуть • Отказаша же слуги слова сия воеводамъ, и бояшеся услышавши яко Римлянина еста • И пришедше умолиша е, и изъведше жадали их дабы вышли изъ града • Вышедши же с темници пришли суть ко Лидіи, и видевше братию утешиша ихъ, и изыідоша •

Прешедша же Амъфіполь, и Аполонию, внидоша в Селунь идеже бе сонмище Іудейское • Тогда Павелъ по обычаю въниде къ нимъ, и по три суботы стязаашеся с ними от Писаній, и сказая, и предлагая имъ яко подобаше Христу пострадати, и въскреснути от мертвых • И яко Сей ест Христосъ Ісусъ Егоже азъ проповедаю вамъ • И неціе о нихъ вероваша, и прилучишеся къ Павлу и Силе, великое множество Еллиновъ чесных, и женъ старейшин немало • Тогда завидующе невернъные Іудеи, собраша торжники некия мужа злыя, и вчинивши молву по граду, порушиша народъ • И пришедше в домъ Іасоновъ искаху их извести къ народу • Не знашедши же ею, влечаху Іасона, и некия от братія ко градоначалніком вопиюще, яко иже вселенную развращають придоша семо, ихже принялъ Іасонъ • И сіи вси противно поселениемъ кесаревымъ чинять царя глаголюще иного быти Ісуса, и тако смущають народъ • Слышавши же сие градоначальници, взяша вину на Іасоне, и на иных, и отпустиша их • Братия же скоро нощию отослаша Павла, ити въ Беръ • Они же пришедше вніидоша в собор Іудейскій • Сие же бяху благороднейши, от тых иже суть въ Селуне, сие убо пріяша слово Божие во всемъ усердиемъ, и по вся дни разсужающе Писания, аще сут сия тако • Мнози же от них вероваша, и от Еллинскихъ женъ почтивыхъ, и мужей немало • Внегда же уведели иже во Селуни, Іудеи, яко во Бере проповедася от Павла слово Божие, пріидоша оттуду движуще поколебаша народы • Тогда скоро Павла отпустиша братия ити въ поморие • Сила пакъ и Тимофей осташеся ту • Провожающеи же Павла, привезоша его даже до Афенъ • И приемше заповедь от него къ Силе и къ Тимофею, да что наскорей пріидут к нему, и изыдоша •

Во Афінех же ждущу их Павлу, раздражашеся духъ его в немъ, зрящи идоловъ полнъ сущи градъ • Препирашеся жъ на сонмищи со Іудеи, и со законними • И на торжищи по вся дни со приходящими • Неціи же от епикурян, и от стоиковъ мудръци гадалися с нимъ • Иніи пакъ глаголааху: и что хощеть празнослов сей поведати? И иніи молвяху: новымъ бесомъ проповедникъ мнится сей быти, яко Ісуса, и воскресение благовестваше имъ •

Поемши же его ведоша во дворъ учения своего глаголюще: можем лі разуметі что новое сее глаголемое тобою проповедание? Странна бо некая улагаеши во уши наши, хощемъ же ведети что с того имать быти • Понеже Афінеяне вси, и приходящие гости их ничего иного такъ пилни не были, развей поведати, или слышати что новое • Став же Павелъ посреди училища их рече: мужие Афінейстіи, по всему зрю яко у вере блудящіи есте • Проходя бо, и согледая кумиры ваша • Знайдохъ и олтарь на немже бе написано: незнаемому Богу • Егоже убо вы не ведуще чтите, Сего жъ азъ проповедаю вамъ • Богъ сотворивый миръ, и вся яже в нем • Сей небу и земли, сый Господь не в рукотворенныхъ храмех живеть, ни от рукъ человеческих угожения приемлет, требуя что • Понеже Онъ даеть всем живот и дыхание, и вся потребы • Сотворилъ же ест от единое крови все племя людское, жити по всему лицу земли, справуя уставеныя времена, и конци пребывания их, дабы възыскали Господа, аще узыщуть Его, и обрящуть, яко недалеко ест от единого каждого з насъ • О Немъ убо живемъ, и движемся, и есмы • понеже народъ есмо Божій, не имамы домнимати, иже бы злато, и сребро, или камение начертаное ремесломъ, и смышлениемъ человеческим, Богу подобно было • И часы сего неведения прежде презираше Богъ, еже ныне возвещаеть человеком всемъ, всюду покаятися • Зане поставил естъ день, в оньже хощеть судити вселенней во правду, Мужем Тым Егоже поставилъ, веру подая всемъ, воскресивъ и от мертвых • Вънегда же услышали о воскресеніи мертвыхъ, неціи бо ругахуся, иніи же рекоша: да слышим тя паки о семъ • И тако Павел изыде от среды их, некои же мужи прилучившеся к нему вероваша, в нихъже бе и Дионисій Ареопагыта • И жена некая именем Дамаръ, и друзіи с ними •

По сих же изыде Павелъ от Афінъ, и приде въ Коринфъ • И обрете некоего Евреянина, именемъ Акилу Понтянина родомъ, новопришелца от Италія и Прискилу жену его • Занеж Клавдие поведелъ отлучитися всемъ Евреомъ от Рима и приде к нимъ • Понеже тогож ремесла бяху, пребысть же у них и делааше • И были суть мастерства того ониже шатры ткаху • Стязашеся же на сонмищех по вся суботы, и учиша Іудея, и Елліны • И яко придоша от Макидония Сила, и Тимофей, тужаше дохом Павелъ, сведетелствуя Иудеомъ Христа Ісуса, противящим же ся имъ и хулящимъ • Оттрясъ ризы своя рече къ нимъ: кровь ваша да будеть на главы ваше, чистъ азъ • Отныне же во языки иду • И прешедъ оттуду пріиде в домъ человека некоего Тита праведнаго, чтуща Бога егоже храм бе возле сонмища • Тогда Криспъ началникъ собору верова со всем домомъ своимъ • И мнози от Коринфянъ вероваху, и крещахуся • Рече же Господь во виденіи в нощи Павлови: не бойся но глаголи, и да не умолкнеши, зане Азъ есмъ с тобою • И никтоже приложит озлобити тя, яко люди Мне суть мнози во граде семъ • И пребылъ ест ту Павелъ полтора лета, навчая их слова Божия •

Галиону же градову судіи сущу во Ахаіи, нападоша единодушно Іудеи на Павла, и приведоша его на суд глаголюще, яко противу закона сей развращаеть чести Бога • Хотящу же Павлу отворити уста своя • Рече Галионъ ко Іудеомъ: естъ ли бы кривда была некая, или проступка злая о Іудеи, справне быхъ послухалъ васъ • Естъ ли же гадания суть о словехъ, о именехъ, или о законе вашемъ, ведайтеся сами • Судиею убо азъ симъ не хощу быти, и изгна их от судилища • Тогда вси Еллини немъше Состена собороначалника, бияху его предъ судищемъ, и Галионъ о томъ ничтоже деаше • Павелъ пак пребывши ту еще дни многы, розставшися з братиею, плавился въ Сирию • И с нимъ Прискила, и Акила • И острыже главу свою во Кехрехъ, имяше бо слюбъ • Присташа же во Ефесе, и техъ остави ту • Сам же вошедъ в сонмище гадашеся со Іудеи • Молящимъ же имъ его дабы должейшее время пребылъ у них • Не обещася но розстался с німи глаголя: яко подобаеть ми на сес празникъ пріидущій быти во Ерусалиме, паки же навращуся к вамъ Богу хотящу • И отвезеся от Ефеса, Акилу ж оставиша во Ефесе •

І пришедъ во Кесарею въступи и целова хрестианъ • И оттоле шолъ до Анътиохіи, и пребылъ в ней время некое, оттоле же прохажаше по ряду, Галатіискую страну, и Фригію утвержая вся ученики • Іудеанин же некто Аполосъ именемъ, изъ Александрие родомъ, мужъ вымовный и навченый во книгахъ, приехалъ во Ефесъ • Сей былъ наставлен пути Господьню, и горя духомъ • Глаголаше, и вчаше с пилностию яже о Господи • Ведый толико крещение Іоанново • И сей началъ смеле глаголати на сонъмищи • Внегда же услышали его Акила, и Прискила прияша и к собе, и истее сказаху ему путь Господень, хотящу пак оному прейти во Ахайю, предпослаша братия написавше ученикомъ прияти его • Онже пришедъ тамо, бысть на помощ велию, веровавшим благодатию • Твердо бо Іудеи обличаше предъ людми, исказуя от Писанией быти Христа Ісуса •

Бысть же внегда Аполос пребываше въ Коринфе • И Павелъ прошед вышние страны, пріиде во Ефесъ • И знашедъ ту некия ученики, рече къ нимъ: аще Духъ Святый принясте веровавше? Они же рекоша к нему: ани аще ест Дух Святый слышахом • Рече же к ним: во что убо крестистеся? Они же рекоша: во Іоанново крещение • Рече Павел: Іоаннъ крестилъ крещениемъ покаяния, людем глаголя: во грядущего по мне да веруета • То ест во Христа Ісуса • Слышавши же крестишеся во имя Господа Ісуса • И возложивши Павлу на не руце, прииде Духъ Святый на них • Глаголаху же языки, и пророчествоваху • Было же всехъ мужей яко дванадесеть • Вошед же Павелъ во сонмище молвяше смеле по три месеци, гадаяся, и препирая яже о Царствіи Божіи • И якоже неціи ожесточели, и не верили зле молвяще, о пути Господьнемъ предъ народомъ • Отступилъ от них, и отлучивъ ученики, по вся дни стязаяся во училищи некоего мужа Силна • И сее бысть през две лете • Тако иже все живущие во Асіи слышали слово Господа Ісуса, Іудеи же, и Еллини • Силы пакъ непросты творяше Богъ рукама Павловыма, яко и на недужныя носилі от пота его убрусце и препоясания, и исцеляхуся от них немощныя, и исходяху духи лукавыя • Начаша же неціи от скитающихся Іудеи заклинатели, именовати надъ імущими духи лукавы имя Господа Ісуса, глаголюще: заклинаемъ васъ Ісусомъ Егоже Павел проповедает • И было ест едного Іудеянина именем Скевея архиерея, сынов седмъ, они же чиняху сия • Тогда отвещав дух лукавый рече имъ: Ісуса знаю, а Павла съвем, вы же кто есте? И скочил на них человекъ той в нем же бе духъ лукавый, и одолевъ имъ крепляшеся на них • Тако иже нагы, и уранены бежали от храма оного • Сее пакъ явъно было всемъ Іудеомъ, и Еллином живущим во Ефесе • И нападе страхъ на всехъ их, и величаше имя Господа Ісуса • Многи же от веровавших прихожаху исповедующе, и исказующе дела своя • И мнози они же чинивали чары, собравше книгы своя сожигаху пред всеми • И сочтоша цены их, и обретоша сребреникъ пятдесят тысещ • Сице крепко слово Господьне растяше и множишеся • Сим же скончавшимся, уложи Павлови духъ, прошедъ Макидонию, и Ахаію, ити во Ерусалим • Рекіи: яко бывшу ми тамо, подобаеть мне и Римъ відети • Послав же въ Макидонию два от служащих ему, Тимофея, и Ераста • Самъ же остася на той часъ во Асіи •

Бысть же во время оно молва немала о пути Господьнемъ • Дімитрей убо некто именемъ сребросечець, онже чинивалъ требники сребряны Арътемиде, даяше бо хитръцем делание немало • Ихже собравъ, и тымъ подобныя делателя • Рече: мужие весте яко от сего делания имение наше естъ • И видите и слышите, иже не толико во Ефесе, но скоро и по всей Асіи • Сей Павелъ препре, и обрати многъ народъ глаголя, яко не суть то бозі еже руками бывають уделаны • И также ныне не токмо наше дело беду приемлеть, и обличение • Но и великое богини Ариемидінъ храмъ нивочто же уменится, к тому начнеть разорятися и величество ея • Юже вся Асіа, и вселенная почитаеть • Слышавши же сия исполнишеся ярости, и возопиху глаголюще: велика ест Артемида Ефеская • И наполнися градъ весь мятежа, и устремишеся единодушно въ позорище, похытивше Гаіа, и Аристарха, Макидоняны, другы Павловы • Павлу же хотящу вънити между нихъ, не дорущаху ему ученици • И неціи от Асійских началникъ суще ему любезни, послаша к нему моляще, не дати себе въ позоръ • Друзіи же ино нечто вопиаху, бе бо собрание смущено, и мнози не ведяху для чего пріидоша • От народа же влекоша Александра, пхающим его Іудеомъ • Александръ же покивавъ рукою дабы умолкли хотяй отвещати народу • Познавши же его, яко Іудеанинъ ест • Гласъ бысть единъ от всехъ, якобы за два часа вопиющих: велика Артемида Ефеская • Внегда же книжникъ укротил народъ, рече: мужие Ефестіи, и кто ест человекъ той онже бы не ведалъ, иже градъ Ефескій чьтить великую Артемиду, Діова роду? И понеже тому противитися никто не может, мусите ся упокоити, и ничтоже с наскаканиемъ чинити • Приведоста бо мужа сия, ни церковнаго что украдша, ни хуляща богыню вашу • Естъ ли же Димитрееви, и мастером тымъ иже суть с нимъ, до кого дело • Судіи суть, и к тому врядъници, да жалують другъ на друга • Пак ли же чего иного ищете, по закону церкви да разрешится • Зануж бедно ест намъ пріимати таковыя брани яко днешнего дня ни едіной вине сущі о нейже можем воздати слово збежанию сему • И сия рекъ роспустил народъ •

По уставленіи же молвы сея, призвавъ Павелъ ученики, потешив е и целовавъ их, изыйде, дабы шолъ во Макидонию • И внегда прошолъ страны тыя напоминая христианъ словом мноземъ приде во Елладу, пребы же ту месеце три, Іудеи же учинили нань залогу, егда хотел везтися въ Сирию • И совещаша ему возвратитися сквозе Макидонию • И провожаху его даже до Асіи, Сопатръ Берянин • Селуняне же, Аристархъ, и Секундъ, и Гаіе Дервянин, и Тимофей • Асіане пак Тихикъ, и Трофим • Сіи пак прежде пришедше ждаху насъ во Троаде • Мы же отвезохомся по днехъ опресночных от Филиппъ и пріидохом к нимъ во Троаду за дней пят идеже пребыхомъ дней седмъ •

Во едину же от субот егда собралися ученици преломити хлебъ • Павел же розмолвяше с ними • Хотяй изыйти назаутрей прочь, и продолжилъ ест слова даже до полунощи • Было же свещъ много у горниници, идеж бехом собрани • Седя же некто юноша именемъ Евътихъ при оконци, одержимъ сномъ тяжкимъ • Павелъ пакъ о мнозехъ глаголаше, преклонься от сна, паде от трикровника долу • И взяша его мертва • Сошед же Павел долов, наклонился нань и притуливъ его к собе рече: не смутитеся, ибо душа его в немъ ест • И воступивъ паки на горницу, преломи хлебъ и яде • И доволно беседовавъ даже до зоре, тако изыде • И приведоша отрока жива, и утешишеся немало •

Мы пакъ вошедше въ корабль отвезохомся во Ассонъ, оттоле хотяще пояти Павла • Тако бо нам повелел хотя самъ пешъ ити • Якоже снайдохомся во Ассоне воземши его, пріидохом во Митилинъ • И оттоле отвезшеся во утрей придохомъ во Антикрихи • Во другый пакъ день приплыхомъ в Самон • И пребывше во Тругиліи, во настоящій же день придохом въ Милитъ •

Умыслил же былъ Павел минути Ефес дабы не замедлил во Асіи • И поспешался ест, абы могъ быти во день Пятдесятнице въ Ерусалиме • От Милита пакъ послалъ во Ефесъ, призвати старейшины церковныя • Ониже внегда пришли к нему • Рече имъ: вы весте яко от перваго дня, в онъже пріидох во Асию, како с вами по вся времена быхъ, работая Господеви со всем сміренодушиемъ, и многими слезами, и напастьми, прилучившихъся мне от Іудейскихъ ненавистей • Яко не затаих пред вами ничего потребного, егоже бых не сказалъ вамъ, навчая васъ явне и по домохъ, засведетелствуя Іудеомъ, и Еллиномъ еже къ Богу покаяние, и веру еже къ Господу нашему Ісусу Христу • И ныне се азъ связанъ Духомъ иду во Ерусалимъ, яже в немъ прилучатся мне не ведый толико еже Дух Святый по всехъ градехъ сведетелствуеть глаголя, яко узы, и скорби ждуть мене во Ерусалиме • Но ничим ся тымъ не стыжу, а ниже имам животъ мой честенъ собе • Толико да искончаю теченье мое с радостию • И службу юже приахъ от Господа Ісуса • Засведетельствовати Еввангелие благодати Божия • И ныне се азъ вемъ яко к тому не узрите лица моего вы вси, между ими же ходих, проповедуя о Царствіи Божіи • Темже сведетелствую вамъ во днешній день, яко чистъ есмъ азъ от крови всехъ • Не сокрих бо ся еже не сказати вамъ всю волю Божию • Будьте ж себе пильни, и всего стада, во немже васъ Духъ Святый поставилъ посетителе, пасти Церковь Господа Бога, юже истяжа Своею Кровию • Азъ убо вемъ сее, яко по отшествіи моемъ, вніидуть волци тяжци въ вас, не щадяще стада • И от вас самыхъ востануть мужие, глаголюще развращеная, еже оттръгати ученики воследъ себе • Того для бдите поминающе, яко за три лета нощъ, и день не престаахъ уча, со слезами единого каждого з васъ • И ныне предаю васъ братия Богови, и слову милости Его, Онже моценъ ест надделати и дати вамъ наследие посреди святыхъ въсехъ • Злата пакъ, ани сребра, или ризъ ни единого пожадахъ, якож и сами весте ко требованию же моему, и тых еже суть со мною, послужиста руце мои • Сия вся сказах вамъ, да и вы потому же тружающеся имате спомагати немощныя • И поминати слово Господа Ісуса, яко благославенее ест паче давати, нежли пріимати • И сия рекъ, преклони колени своя со всеми ими и помолися • Мног же бысть плачь всем и нападающе на шию Павлу целоваху его, жалующе найболей слова того еже глаголалъ, яко къ тому лица его не имають узрети • И провожаху его вси въ корабль •

И якоже бысть отвезтися намъ от них прямымъ бегомъ пріидохом въ Кос во другый же день въ Родосъ, и оттоле во Патару, и обретше корабль преходящъ во Финикию, волезше в онь везохомся, и вънегда приближахомся Кипру, оставивше и влеве, плыхомъ во Сирию • И пристахомъ въ Тире, ту бо бяше кораблю изъложити бремя • И знашедше ту ученики пребыхомъ с ними седмъ дней • Они же Павлови глаголаху Духомъ, не входити во Ерусалимъ • Егда же бысть намъ скончати дни, и зъшедше идяхомъ, провожающим насъ всемъ со женами, и с детми до вне града • И поклонивше колене при мори, помолихомся, и целовавше другъ друга внидохом въ корабль • Они же возвратишеся в домы своя • Мы пакъ плавание наченъше от Тира, пристахомъ во Птоломаиде, и целовавше братию, пребыхом у нихъ день единъ •

Во утрей же мы еже быхомъ с Павлом пріидохомъ въ Кесарию • И вшедше в домъ Філиппа еивангелиста, суща единого от седми, пребыхом у него • Сей имеаше четыре дщеры девице пророкующа • И внегда пребывахом ту дни многы • Прииде некто от Іудея пророкъ, именемъ Агавъ • И пришедъ к намъ взявъ поясъ Павловъ, связавши руце свои, и нозе рече: тако глаголеть Духъ Святый, мужа, егоже ест поясъ сей • Тако свяжуть его Іудеи во Ерусалиме, и предадуть в руце языкомъ, якоже услышахомъ сия молихом его, и мы, и живущие на месте томъ, абы не ходилъ до Ерусалима • Отвеща же Павелъ и рече: что чините плачучи, и скорушаючи серце мое • Азъ бо не точию связан быти, но и умрети во Ерусаліме готов есмъ для имени Господа Ісуса • Не повинующу же ся ему умолкохомъ, рекше: воля Господьня да будеть • По днех же сихъ зготовивъшеся възыдохомъ во Ерусалим • И идоша с нами неціи ученици от Кесареи, ведущи съ собою, неякого Мнасона Кипрянина, давного ученика, в негоже имамы на подворь пребыти • Внегда же пріидохомъ во Ерусалим, любезно прияша насъ братия • Другого пакъ дня вниде Павел, и с нами ко Іакову, и вси ту собралися старшие, ихъже целовавши, поведаше имъ по ряду вся, яже Богъ чинилъ ест во языцехъ служениемъ его • Они же слышавше славяху Бога, и рекоша ему: видиши брате колико тысещей ест Іудеі веровавших, а вси тые суть миловники закону • Но о тобе слышали сут, яко ты отступлению учиши от закона Моисеова, сущих во языцех Іудеи глаголя имъ не обрезывати сыновъ своих, ни по обычаемъ закона ходити • Что жъ убо естъ подобаеть всему множству сойтися понеже услышать о тобе яко пришолъ еси • Сего деля учини то еже речемъ тобе • Суть у насъ мужи четыре слюбъ имуще, на собе, сихъ поимъ очистися с ними, и вчини слюбъ, да острыжета главы свое • И уверять вси яко неправда ест, еже слышали о тобе, но ходиши и самъ храняй законъ • Тымъ пакъ ониже веровалі сут от языковъ, писали есмо установивше, ничтож таковаго соблюдати имъ • Токмо хранити себе от треб идолских, и от крови и удавленины, и от блуду •

Тогда Павел во другый день появъ съ собою мужей, очистився с ними вниде во светилище • Являя выполнение дней очищения, дондеже принесено будет за единого каждого их приношение • И якоже хотяху седмъ дней искончати • Іудеи еже быша от Асіи, видевши Павла во светилищи, подвигоша весъ народъ, и возвръгоша нань руце вопиюще: мужи Ізраильстіи помозите • Сей естъ человекъ иже на люди, и на закон, и на место сее, всехъ всюду учить, еще же и поганы воведе во храмъ, и оскверни светое место • Беху бо видели Трофима Ефесенина во граде с нимъ • Егоже мняху яко во храмъ вовелъ ест Павелъ • И тако порушился весь нарадъ, и бысть стечение людем, и емше Павла, влечаху его вонъ изъ светилища, и скоро затвориша двери • И внегда хотяху убити его • Возыде весть ко тысещнику полковъ, яко весь возмутися Ерусалимъ • Он же не медля поемъ воины и сотники, притече на не • Они пакъ видевши тысещники и воіны, престаша бити Павла •

Приступив же тысещникъ и нялъ его, и повеле свезати и ретезми железными двема • И пыташе кто убо ест и что учинилъ ест • Друзіи же ино нечто вопиаху в народе • И егда не могъ доведатися истоты молвы ради, повеле вести его въ полкъ • Внегда же пріидоша на всход прилучися воздвижену быти ему от воинъ для насилия людей • Последовали бо множство народа кричаще згубити его • И вънегда начаша во полкъ уводити Павла рече ко тысещнику: лепо ли ест мне что промолвити къ тобе • Он же рече ему: греческы умееши ли? Не ты ль еси Египтянинъ, вчинивый прежде сихъ дней брань, и изъвелъ во пустыню, четыре тысеще мужей, сикарей • Рече к нему Павелъ: азъ убо человекъ есмъ Іудеанин, Тарсянин с Киликие, знаема града гражанин, молю же тя допусти ми глаголати к людемъ • Допустившу же ему • Павелъ стоя на ступенех, и покива рукою • Многу же безмолвию бывшу возъгласи еврейскимъ языкомъ, глаголя:

Мужие братия и отци, услыште мой ныне къ вам ответъ • И егда услышали яко еврейским языком возъгласи к нимъ, радее приложиша безмолвие • И рече: Азъ убо есмъ мужъ Іудеанин, рожен во Тарсе Киликійстем • Воспитанъ же во граде семъ, и при ногу Гамалеилову наученъ справедливе отческаго закону, миловник сый Божій, якоже и вы вси есте днесь • Иже сіи путь гоних даже до смерти, вяжа, и предая в темницу, мужи и жены • Якоже архиерей сведетельствуеть мне, и вси старейшины • От нихже и листы возем ко братіи, идох в Дамаскъ привести еже тамо суть, связаных во Ерусалим, да мучени будуть • Бысть же идущу мне, и приближающуся къ Дамаску в полудне • И внезапу с небеси облиста мя свет многъ, падох же на землю, и слышахъ глас глаголющ ми: Савле, Савле что Мя гониши? Азъ же отвещах: Кто еси Господи? Рече ко мне: Азъ есмъ Ісусъ Назорей, Егоже ты гониши • Тые пак еже со мною быша убояшеся, свет убо видеша, гласа же не слышаша Глаголющего ко мне • Рекохъ же: что учиню Господи? Господь же рече ко мне: воставъ иди в Дамаскъ, и тамо исповесть ти ся о всемъ еже повелено тобе чинити • И якоже не видехъ от славы света оного, за руку бехъ веденъ от сущих со мною, и вніидохъ в Дамаскъ • Анания же некто, мужъ богобойный, и по закону сведетельствован от всехъ живущих в Дамасце Іудеи • Пришедъ ко мне и ставъ рече мне: Савле брате прозри • И азъ в той часъ прозревъ погледелъ нань • Он же рече ко мне: Богъ отець нашихъ изволи тя разумети хотение Его, и познати Праведника, и услышати гласъ от устъ Его • Яко будеши Ему сведетель ко всемъ человекомъ тыхъ речей еже еси виделъ и слышалъ, и ныне что продлеваеши? Воставъ крестися и омый грехи своя, нарекъ имя Господьне • Бысть же потомъ навратившу ми ся в Ерусалим и молящуся во церкви быти во ужасе, и видети глаголющего ко мне: поспеши и изыди скоро от Ерусалима, яко не приимуть сведетельства твоего о Мне • И азъ рекохъ: Господи, они ведять яко азъ бехъ въсажая в темницу, и бия по сонмищехъ верующих въ Тя • И егда выливали кровь Стефана сведетеля Твоего азъ былъ при том поущая на убійство его, стрежа ризъ побиваюмъ и • И рече ко мне: иди, яко Азъ во языкы далекия пошлю тя • Послушаху же его даже до сего словеси • И воздвигоша гласъ свой глаголюще: возми от земли таковаго, не подобает убо ему живу быти • Вопиющим же имъ, и пометающим с себе ризы своя, и прахъ кидающим на воздух •

Повеле тысещникъ въвести и у полкъ и приказалъ ранами спытати его, дабы ведалъ за кою вину тако вопиаху нань • И егда связали его вервьми, рече Павелъ ко стоящему ту сотнику: естъ ли же человека Римлянина неосуженна лепо вамъ ест бити? Сия услышавъ сотникъ, приступи ко тысещнику, и поведа ему, глаголя: виж что хощеши учинити, человекъ бо сей Римлянинъ ест • Приступивъ же тысещникъ ко Павлу рече: поведь ми аще ты Римлянин еси? Он же рече: есмъ • И отвеща тысещникъ: азъ многою ценою мещанство града сего достахъ • Павелъ пакъ рече: азъ же и родился в немъ • И тогож часу отступили от него хотящеи его мучити • И тысещникъ убояся уведевъ яко Римлянин ест Павелъ, и яко повелелъ былъ его свезати • Назаутрей же хотяй разумети истее тысещникъ, для чего оклеветается от Іудеи развяза его от юзъ • И повеле сойтися архиерею со всим соборомъ • И выведши Павла постави между ними •

Возревъ же Павелъ на сборъ рече: мужие братия, азъ всею совестию доброю жихъ предъ Богом даже и до сего дня • Тогда архиерей Анания повеле предстоящим бити его у вуста • Павел же рече к нему: бити тя имать Богъ стено повапленая, и ты седиши судя ми по закону, и преступаеши законъ веляй бити мя • Предстоящіи пак рекоша: архиерею ли Божию злоречиши? Рече же Павелъ: не ведехъ братие яко архиерей ест • Пишеть бо: князу людей своих не речеши зла • Разумея же Павелъ яко едина часть ест саддукеи, а другая фарисеи • Возопи в соборе: мужи братие, азъ фарисей есмъ, сынъ фарисеевъ • О упованіи, и о воскресеніи мертвыхъ азъ судъ приемлю • Се же ему рекшу бысть разпря, фарисеемъ, и саддукеемъ • И разделися народъ • Саддукеи убо глаголють, не быти воскресению, ни Ангела, ни духа • Фарисеи же исповедують обоя • Бысть же кличь великъ, и воставши книжници части фарисейския, пряхуся къ собе глаголюща: ни едино зло обретаемъ во человеце семъ • Аще ли же духъ глагола ему, или Ангелъ, не противмося Богу • Многой же бывши распри, усумнеся тысещникъ, да не растерзанъ будеть Павелъ от нихъ • Повеле воиномъ снити, и восхитити его от среды их и вести въ полкъ • Во наставшую же нощ представъ ему Господь рече: дръзай Павле, яко убо сведетелствовал еси о Мне во Ерусалиме, тако подобаеть ти и в Риме сведетельствовати •

Бывшу же дню собралися неціи от Іудеи, и закляша себе глаголюще: яко не будемъ ясти, ани пити дондеже убиемъ Павла • Было же их более четыредесяти мужей, они ж сию клятву вчиниша • И пришедши ко архиерею, и старцем рекоша: клятвою закляхомъ себе, ничтоже вкусити, дондеже убиемъ Павла • Ныне убо вы обошлите тысещники, исъ соборомъ, да утро изведеть его к вамъ, якобы хотели есте нечто истейшее зведат от него • Мы пакъ первее нежли к вамъ придеть готови будемъ убити его •

Слышавше же сее развращение сынъ сестры Павловы, пришед вниде во полкъ, и сказа Павлу • Призвав же Павел единого от сотник рече: юношу сего приведи ко тысещнику имат бо нечто поведати ему • И онъ поемъ его приведе ко тысещнику, и рече: южникъ Павел призвав мя умоли, сего юношу привести къ тобе, имуща нечто глаголати тобе • Поемъ же и за руку тысещникъ и отшедъ, наедине пыташа его: что ест иже имаши поведети мне? Рече же юноша: Іудеи совещаша умолити тя, да заутра сведеши Павла к нимъ въ соборъ, яко бы нечто истейшее зведати от него, ты жъ не послушай их, ловять бо его, от нихъ мужей более четыредесятъ, ониже и закляша себе, не ясти, ани пити, дондеже убиють и • И ныне готови суть ждуще от тебе обещания • Тысещникъ же отпусти юношу, завещавъ ему никому поведати, яко сия явил ми еси • И призвав дву сотниковъ рече: уготовите ми воинов двесте да идут до Кесаріи, и конникъ седмъдесят, и стрельцевъ двесте, въ третій часъ нощи, и коне подведут да всадят Павла, и допровадять его здрава до Феликса владаря • Написавъ листъ въ та слова:

Клавъдій Лусіа • Державному владареви Феликсу радоватися • Мужа того яли Іудеи, и хотели убити его, пріидохъ съ воины, и отняхъ и, уведев же яко Римлянинъ ест, хотя разумети вину, для чего поимали его приведохъ и в собор их, и слышахъ жалующихся нань, о возысканиехъ закона их, ни единаго греха смерти годна, или юзам имуща, и егда поведено ми ест о льсти, юже смыслиша Іудеи, хотяще убити и, скоро послал есмъ его к тобе, приказавъ и жалобником, ест ли же имають нань что да глаголють пред тобою • Здравъ буди •

Воини же по повеленому имъ, поемши Павла везоша его тое нощи во Антипатриду • И назавтрей отпустивше конники ити съ нимъ, возвратишеся въ полки • Они пакъ пришедши во Кесарию, подали листъ владареви, и Павла поставили пред ним • Прочет же владар лыстъ, спытал от коея области ест • И уведев яко от Киликия рече: Выслухаю тя егда жалобници твои пріидут и повеле его во преторе Иродове стрещи •

По пяти же днехъ, сниде архиерей Ананія, со старци, и с некоимъ Тертиломъ мовцею, ониже возвестиша владареви о Павле • Призвану же бывшу ему, началъ жаловати Тертилъ глаголя:

Понеже во многомъ упокои живемы тобою, и многые ся речи направують языку нашему промышлениемъ твоимъ, весде и всуду, приемлемы то со всякимъ благодарениемъ, вседержавный Феликсе • Но да не паче тружаю тебе, молю послухати нас вократце своею кротостию • Обретохом бо мужа сего, губителна, и движуща противление всемъ Іудеомъ, живущимъ по вселенней, заступника же назорейское ереси, иже церковь покусися осквернити егоже яхомъ, и по закону нашему хотехом судити ему • Пришед же Лусия тысещьникъ с великою силою вырвалъ его з рукъ наших, и к тобе послал, повелев и жалобникомъ его пред тобою стати • От негоже возможеши самъ выпытавъ разсудити, о всехъ сихъ, о нихже мы жалуемъ нань • Приложиша же и Іудеи глаголюще симъ тако быти • Тогда отвеща Павелъ, кивнувшу ему владарю, абы мовилъ • От многъ летъ ведя тебе быти судию справедлива языка сего, з доброю мыслию самъ за себе отвещаю • Можеши то поразумети, иже несть тому дней болей двунадесяти, яко придохъ поклонитися во Ерусалим • Ани въ церкви знайдоша мя с кимъ гадающа, ани в народе разветъ творяща, ни в сонмищи, ни во граде, нижь перевести тое могуть о чемъ ныне на мя жалують • Исповедаю же сее тобе, яко въ путь еже глаголють ересь, тако служу отеческому Богу, верую всем еже в законе, и во пророцехъ писана суть, упование имея на Бога, егоже и сами сие чають, воскресение быти мертвымъ, праведником и грешником, о сем же и азъ подвизаюся, непорочну совесть имети ко Богу, и ко человекомъ всегда • По многых же летехъ пріидох милостыня вчинити во языкъ свой, и приношения • В нихже объретоша мя постящася во церкви, не с народомъ, ни с молвою • Но неціи от сія Іудеи видевши мя возопиша глаголюще: уморите врага нашего • Имъже подобаеть пред тя приіти и глаголати, ест ли что имают ко мне • Или сіи сами да рекуть кою знайдоша во мне неправду, внегда стоахъ во сонмищи • О сем ли толико гласе еже возпихъ стоя посреди их, о воскресеніи мертвых азъ суд приемлю • Слышав же сия Феликсъ отложи имъ, исте ведя о пути семъ • Рекый: егда Лусіа тысещникъ снидеть, выслухаю васъ • Повеле же сотнику стеречи Павла, и имети ослабу, и ни единому возбраняти от своих знаемых служити ему, или приходити к нему •

По днех же некых приде Феликсъ, со Друзилиею, женою своею, она же бе Іудеаныня • Призва Павла да слышит от него веру еже во Христа Ісуса • Глаголющу же ему о правде, о воздержаніи, и о суде пріидущем • Пристрашен быв Феликсъ отвеща ему: ныне иди, время же приемъ призову тя • Надеялся убо яко мзда дасться ему от Павла, да отпустит его • Для того часто посылаше, и беседоваше с ним • Двема ж летома скончавшимася приял изменение Феликсъ • Поркия Феста • Хотяй же угодное Іудеомъ вчинити Феликсъ, остави Павла поімана •

Фесту же пріимшу власть, по трех днехъ възыде во Ерусалимъ от Кесаріа, приступиша же пред него архиереи, и стареішины Іудеомъ жалующе на Павла • И моляху его просяще благодати нань яко да пошлеть и во Ерусалимъ, ловитву деюще, убити его на пути • Фестъ же отвеща к нимъ: да стрежен будеть Павелъ въ Кесаріи, и сам воскоре хощу изыти тамо ж • И еже суть в васъ старшіи, пришедше со мною, будеть ли якая вина в человеку томъ да жалують нань • Пребысть же в них дніи не множая десеть • Вошедъ во Кесарию, наутрей сяде на судищи, и повеле Павла привести • Приведену же бывъшу ему, отступиша и еже от Ерусалима сошедшие Іудеи вины многы, и тяжки приносяще на Павла, ихъже не можаху довести • Отвещаваюшу Павлу, яко ни въ законе іудейстемъ, ни въ церкви, ни в кесаря что согреших • Фестъ пакъ хотяй Іудеомъ ласкове поставитися • Отвещавъ Павлу рече: хощеши ли во Ерусалимъ вшедъ тамъ о сихъ судъ приняти от мене? Рече же Павелъ: на судищи кесареве стою, идеже ми подобаеть судъ приняти • Іудеомъ ничим же провинихъ, якожъ и ты добре весі • Аще убо проступку, или годно смерти что учиних, не отметаю умрети • Пак ли же ничего не вчиних от техъ, еже сіи на мя жалують • Никтоже может мя имъ дати, кесаря нарицающа • Тогда Фестъ спытався с советники отвеща: кесаря нарицаеши, ко кесарю да идеши • Днем же минувшим некоимъ • И вънегда неколико дней побыли тамъ • Фестъ сказа царю о Павле, глаголя: мужъ некій ест оставленъ от Феликса южникъ • О немже бывшу ми во Ерусалиме, приступиша архиерей, и старци Іудейские, просяще осужения нань • К нимже отповедехъ, яко несть обычай Римляномъ отдати некоего человека на погибел, прежде нежели бы тоі на кого ся жалують, пред лицемъ видить жалобники, и место ответа пріиметь о согрешеніи • Сошедшим же ся имъ зде, замешкания жадного не вчиних, наутрей сед на судищи, повелех привести мужа, емуж ту стоящу жалобници ни едины вины пріношаху о техъ еже домышляхся • Стязания бо некая о своей различней вере имеаху к нему • И о некоемъ Ісусе умершем, Егоже глаголаше Павелъ жива суща •

Недовмеа же азъ о семъ стязаніи глаголахъ: аще хощеши ити во Ерусалимъ, и тамо судитися о сихъ? Павлу же оттозвавшуся, да соблюденъ будеть Августову розознанию • И тако повелехъ стрещи и, дондеже пошлу его къ кесарю • Агриппа же къ Фесту рече: хотехъ азъ и самъ человека сего услышати • Он же рече: утре услышиш его • Наутрей пакъ пришедшу Агриппе, и Верніку со многою гордостою • И въшедшимъ во послушалище, со тысущники, и с нарочітыми мужи града • И повелевшу Фесту приведоша Павла • И рече Фестъ: Агриппо царю, и вси пришедшие с нами мужие, видите сего о немже все множство Іудеи сътужаху мне и во Ерусалиме, и изде вопиюще, яко не подобаеть ему живу быти к тому • Но азъ разумевъ ничтоже смерти годно ему сотворшу • И сему самому нарицающу Августа, судих послаті его • О немже истое что писати господину не имам для того приведох его пред вас, а наболей пред тя Агриппо царю яко да испытанию бывшу имамъ что писати • Неслушно бо мне ся видить, послати южника • А пря объвинения его не назнаменовати •

Агриппа же Павлу рече: повелевает ти ся самому о себе глаголати • Тогда Павел отвещаваше простер руку: О всехъ о нихже обжалованъ есмъ от Іудеи царю Агриппо имею себе блаженна яко прю свою исповем пред тобою днесь, понеже ты веси все Іудейские обычае, и возыскания • А для того молуся тобе терпеливе послушай мене • Житие бо мое еже от уности, исперва бывшее во языце моем во Ерусалиме ведят вси Іудеи знающе мя прежде, аще хотят сведельствовати • Яко по известней ереси жих фарисей • И ныне во упованіи, еже ко отцемъ нашим обещания бывшего от Бога, стою судим, егоже дванадесяте поколенія наши, нощ и день служаще Богу надеются дойти • О сем упованіи оклеветан есмъ, царю Агъриппо от Іудеи • Что неверно судится вами, аще Богъ мертвыя воставляет • И азъ убо мнехъ себе напротив именю Ісуса Назорея, многа противна вчиніти, еже и вчиних во Ерусалиме • И многы от святых азъ в темницах затворих, от архиереи область пріим • Убиваемым же имъ прилагах совет • И на всехъ сонмищех множицею муча их, принуждах хулити, преизлиха же враждуя на них гоних е, даже и по околичных градехъ •

В нихже егда шол есмъ в Дамаскъ, со областию и повелениемъ от архиереи, во полудни на пути видехъ царю с небеси паче сияния солнечнаго осиавши мя свет, и еже со мною идущих • Всем падшим нам на землю, слышах глас глаголющъ ко мне еврейским языком: Савле, Савле что Мя гониши? Жестоко ти ест противу остъну въспечовати • Азъ рехъ: Кто еси Господи? Он же рече: Азъ есмъ Ісусъ, Егоже ты гониши • Но востани и стань на ногу твою, на се бо явихся тобе да поставлю тя слугу и сведетеля, еже виделъ еси, и еже явлю тобе, изъбавляя тя от людей, и от язык, до нихже ныне посылаю тебе, отворити очи их, да обратятся от тмы во свет, и от моци сатинины ко Богу и да примуть оставление грехом, и достояние во святых верою еже ест въ Мя, для того царю Агриппо не бых противенъ небесному видению, но живущим в Дамасце прежде и во Ерусалиме, и по всей стране Іудейстей и языком проповедах покаятися, и обратитіся къ Богу, достойна покаянию дела чиняще •

Сих ради мя Іудеи емъше во светилищи хотяху разтерзати, помощ же улучив от Бога, даж и до сего дня стою сведетельствуя малу и велику • Ничтоже иное глаголю токмо еже пророци прорекоша хотящая быти, и Моисей • Яко муку имел прияти Христосъ и яко первый от воскресенія мертвых светъ проповедати людем и языком • Сия же ему отвещающе Фестъ велиемъ гласом рече: безъумуешъ Павле, многыя тя писма во неистовство прелагають • Онъ же рече: не безъумую державне Фесте, но истинны и целомудрыя глаголы вещаю • Весть бо о сих царь к немуже и со дерзновениемъ глаголю, вем убо иже ему от сих ничтоже тайно ест • Несть бо во угле сотворено сее • Веруеши ли царю Агриппо, пророком? вем, яко веруеши • Агріппа ж ко Павлу рече: вомале мя препираеши христианина быти • Павел же рече: молил бых Бога и в мале, и в мнозе • Не токмо тебе но и всехъ слышащих мя днесь, быти имъ тацемъ, якожъ и азъ есмъ окроме узъ сих и сия рекшу ему воста царь, и владар, и Верникіи, и седящие с ними • И отшедше беседоваху, другъ ко другу глаголюще: яко ничтоже смерти достойно, или узамъ творит человекъ сей • Агриппа же ко Фесту рече: отпущенъ можаше быти человекъ сей, аще не бы нарицалъ кесаря • И тако суди ему и владарь послати его до кесаря •

Якоже суждено бысть плыти нам во Италию, и предаша Павла и иныя некия южники сотнику именем Іулию полка Севастыска • Тогда въшедше в корабль Адрамитскій, восхотевше плыти во места Асійская отпустихомся сущу с нами Аристаръху Макидонянину от Селуня • Во другый пак день пристахом въ Сидоне • Іулие же друголюбливе Павлови делая, повеле ему ко приятелем шедши потребы собе улучити • И пустившися оттоле плыхомъ возле Кипру, занеж ветры бяху противни пучину же Киликійску и Памфілиіску преплывше, прідохом во Миру, Ликійскую • И ту обретъ сотник корабль александрійскій плавающъ во Италию пресади насъ в онь • Во многы же дни лено плавающе, и едва бывше во Книде, не оставляющу нас ветру, приплыхомъ во Критъ возле Салмона, едва же подле краю плывуще, придохом на место нарицаемое Добрая Пристанища, идеже близъ град бе Ласей • И многу времени минувшу, а вже было несогласно плавание, занежъ и постъ на не был уже пришелъ • Моляше Павелъ глаголя им: мужи яко с досаждениемъ, и съ многою щетою, не толико бременю, и кораблю, но и душам нашим хощет быти сие плавание • Сотник же более послухаше кормчего и корабелника, нежели глаголаных Павломъ • И не имущи ту доброго пристанища ко озимению, мнози корабленици совещаша отвезтися оттуду, аще како возмогуть достигнути Фіникия озимети во пристанищи Критстемъ, зрящемъ къ ветру полуденному и полунощному • Дохнувшу же ветру от полудня мнеша воля своя улучити, воздвигше ветрила пустившися от Ассона, идохом во Крит • Не по мнозе же возвея ветръ вихроватый противен тому нарицаемый Евроклидон • Восхищену же бывшу кораблю, и не могущу сопротивитися ветру въдавшеся влънам носими бехом • Ко острову же некоему прибегше нарицаему Клавдій, едва возмогохомъ удержати чолнъ иже бе при корабли, егоже воземше помощи чиняху превивающе корабль, боящеся да не во злое место впадет свесивши ядрину, тако носими бехомъ, внегда же буря вихровая вельми нами возметывала • Во другый день что было в корабли въ море метаху • На третій же день своима рукама ядрило корабелное вовергохомъ • Ни солнъцу же ни звездамъ явльшимся за многы дни, бури же немале належащи, вже отнята была надежа всего изъбавления нашего, многу же неядению бывшу • Тогда ставъ Павелъ посреде их, рече: подобаше убо было вам о мужие послушавши мене не отпущатися от Крита, и збыті досаждения сего и дщеты • Ныне же упоминаю васъ будте доброе мысли, понеже не будеть гыбели ни единои души от вас, разве корябля • Предста бо ми во сию нощ Ангелъ Господень Егоже есмъ азъ, и Емуж служу глаголя: не бойся Павле, кесарю ти подобаеть предстати, и се даровах ти всех плавающих с тобою • Темже дерзайте мужие верую бо Богови яко тако будеть, имъ же образомъ речено ми ест • Во остров же некій подобаеть намъ выверженым быти • И якож четыренадесятая нощъ бысть, носимымъ намъ во пучине, во полунощи надевахуся корабелници приближитися имъ ко некоей стране • Измеривше глубину обретоша саженей двадесет • Мало же прешедше, и паки измериша, знайдоша саженей пятнадесет, бояще же ся да не во прудная места вопадуть, от носа корабля вовергоша котвы четыре, моляхомся да день будеть • Корабелником же хотящимъ бежати с корабля • И спустивъшимъ чолнъ в море, под замышлениемъ тымъ якобы хотели от носа корабля котвы простерти, рече Павелъ сотнику и воиномъ: естъ ли же сие не пребудуть в корабли вы спастися не можете • Тогда отрезаша войни повразы в челну, и пустиша и отпасти • Якоже хотяше ден быти, моляше Павел всех дабы прияли пищу, глаголя: четыренадесятый день ест днесь, якоже пребываете постяще, и ничтоже ясте • Для того молю вас прияти пищу, се убо ест к вашему здравию, понеже ни единому от вас власъ з главы падеть • Рекъ же сия приемъ хлебъ благодаривъ Бога пред всеми, и преломивъ, начатъ ясти • Тогда и они имуще добрую мысль прияша пищу • Бе же всехъ в корабли душъ двесте седмъдесятъ и шесть, насытивше же ся брашна, облегчиваху корабль изметающе пшеницу въ море • Внегда же день бысть, земли не познаваху, берегъ же некій сматряху имущи песок, в немже совещаша аще мощно естъ изъвлещи корабль и котвы въстягнувше пустилися на море, натягше теже южа правилом и воздвигше малая ветрила, дыхающу ветру, везохомся ко брегу • И въпадохомъ на место сопно, и заставися корабль, носъ же опревшися пребысть недвижим, и корма розбивашеся от множества влънъ • Войни же совещаша побити южники, дабы некто выплывъ не убежал • Сотник же хотя допровадити Павла возбрани совету их • И повелел ест могущим плавати въскочити первее и изыти на брегъ, Потому же и прочіи ови убо на дщкахъ, инии же на нечем иномъ еже бе в корабли • И тако бысть иже все без уразу вышли сут на землю •

Спасени же бывше, тогда поразумеша, яко Мелита островъ нарицается • Варвары же чиняху немалое милосердие намъ, вознетивши убо огонь, повелели въсемъ огреватися, для настоящего дожду и зимы • Собравшу же Павлу рождіа множство, и возложившу на огнь, ехидна, бегучи от теплоты, секнула в руку его якоже узреша варвари висящу гадыну у руки его, глаголаху другъ ко другу: всяко убийца ест человек сей егоже спасена от моря, судъ жити не остави • Той же отрясъ ехидну во огнь, не пострада ничто зла • Они пакъ чаяху его воскоре разгоретися или пасти внезапу мертва • Многый же часъ онемъ чающим, и зрящим никакова зла въ немъ бывша • Обративъшися ку собе глаголаху бога его быти • На местех же тых, беша села князя оного острова именемъ Поплия • Он же приявъ насъ, три дни друголюбезно честоваше, и пригодилося иже отець Поплиевъ, огъневою и водным трудом лежаше немощен • К немуже Павел вшедъ, и помолився возложи нань руце свое, и исцели его • Сему же бывшу, и прочіи прихожаху исцелевахуся, иже и многими честьми учтиша нас и егда хотехом прочь плавитися, накладаху намъ яже на потребу • По трехъ же месецехъ внидохомъ въ корабль Алексанъдрийскій, презимевшіи во острове томъ Парасіма Диоскора и отвезшеся в Сиракузы, пребыхом три дни • Оттоле же вышедши придохом в Ригию • И по едином дни возвеявшу ветру полуденному • Во вторый день пріидохомъ во Путиоль, идеже обретохомъ братию, умолени быхом от них пребыти с ними дніи седмъ • И тако в Римъ идохомъ • Ту братия слышавше о насъ изыйдоша во стретение наше, даже до Апиева торгу, и триехъ корчебниц • Их же видевъ Павел, благодаривъ Бога приатъ дръзновение • Внегда же пріидохом в Римъ, сотникъ предал ест южники воеводе • Павлу же допущено ест пребыти особе, стрегущу его воину • Бысть же по трехъ днех созва Павелъ старейшины Іудейские, собравъшим же ся рече къ нимъ: мужие и братия азъ ничтоже сотворих противна людемъ или обычаемъ отеческимъ, ужникъ от Ерусалима преданъ быхъ в руце Римляном • Они же выслухавши хотеху пустити мене зануж ни едина вина смерти обретеся во мне, супротиву же глаголющим Іудеомъ, нуждя ми бысть нарицати кесаря • Не якобы на языкъ мой имея что оклеветати, но дабых животъ свой высвободил от смерти • Сея деля убо вины жадахъ васъ видети, и проглаголати, надеждя бо ради людей Ізраилевых ретеземъ симъ обложенъ есмъ • Они же к нему отвещаша: мы ни писания о тобе прияхомъ от Іудея • Ниже пришедши кто от братіи возвести, или глагола что о тобе злое • Хощем же от тебе слышати яже мудръствуеши, о ереси бо сей известно ест намъ, яко всюду ей противу глаголется • Установивши же ему день, пріидоша к нему во страннопріимницу мнозіи • Имже и сказываше сведетельствуя Царствие Божие, и уверяя их яже о Ісусе, от закона Моисеова и от пророкъ, от утра даже до вечера • Некие же вероваху глаголемым от Павла, иніи пакъ не вероваху • Рекшу Павлу глаголъ единъ • Яко добре Духъ Святый глагола Ісаием пророком ко отцем нашимъ рекый: Иди ко людемъ симъ и ирци имъ: слухом услышите, и не имате разумети • И смотряще узрите, и не имате видети • Одебелело бо серце людей сих • Ушима тяжко слышаху, и очи свое завираху • Еда како видят очима, и ушима слышат, и серцем разумеют и обратятся, исцелю их • Ведомо убо да будет вамъ, яко языкомъ послася спасение Божие, и они услышать • И сия ему рекъшу, отидоша Іудеи много имуще между собою взыскание • Пребыл же естъ Павелъ две лете исполна своею мздою, и принимаше всехъ приходящих к нему, проповедуя Царствие Божие, и уча яже о Господи Ісусе со всем дерзновениемъ невозбранно •