1 παρακαλω ουν υμαϲ εγω ο δεϲμιοϲ εν κ̅ω̅ αξιωϲ περιπατηϲαι τηϲ κληϲεωϲ ηϲ εκληθητε
2 μετα παϲηϲ ταπεινοφροϲυνηϲ και πραυτητοϲ μετα μακροθυμιαϲ ανεχομενοι αλληλων εν αγαπη
3 ϲπουδαζοντεϲ τηρειν τη̅ ενοτητα του π̅ν̅ϲ̅ εν τω ϲυνδεϲμω τηϲ ειρηνηϲ
4 εν ϲωμα και εν π̅ν̅α̅ καθωϲ και εκληθητε εν μια ελπιδι τηϲ κληϲεωϲ υμων
5 ειϲ κ̅ϲ̅ μια πιϲτιϲ εν βαπτιϲμα
6 ειϲ θ̅ϲ̅ και πατηρ παντων ο επι παντων και δια παντων και εν παϲιν
7 ενι δε εκαϲτω ημων εδοθη η χαριϲ κατα το μετρον τηϲ δωρεαϲ του χ̅υ̅
8 διο λεγει αναβαϲ ειϲ υψοϲ ηχμαλωτευϲε̅ αιχμαλωϲιαν και εδωκεν δοματα τοιϲ α̅ν̅ο̅ι̅ϲ̅
9 το δε ανεβη τι εϲτιν ει μη οτι και κατεβη ειϲ τα κατωτερα μερη τηϲ γηϲ
10 ο καταβαϲ αυτοϲ εϲτιν και ο αναβαϲ υπερανω πα̅των των ουρανων ινα πληρωϲη τα παντα
11 και αυτοϲ εδωκεν τουϲ μεν αποϲτολουϲ τουϲ δε προφηταϲ τουϲ δε ευαγγελιϲταϲ τουϲ δε ποιμεναϲ και διδαϲκαλουϲ
12 προϲ τον καταρτιϲμον των αγιων ειϲ εργον διακονιαϲ ειϲ οικοδομην του ϲωματοϲ του χ̅υ̅
13 μεχρι καταντηϲωμεν οι παντεϲ ειϲ την ενοτητα τηϲ πιϲτεωϲ και τηϲ επιγνωϲεωϲ του υ̅υ̅ του θ̅υ̅ ειϲ ανδρα τελειον ειϲ μετρον ηλικιαϲ του πληρωματοϲ του χ̅υ̅
14 ινα μηκετι ωμεν νηπιοι κλυδωνιζομενοι και περιφερομενοι παντι εμω τηϲ διδαϲκαλιαϲ εν τη κυβεια των α̅ν̅ω̅ν̅ εν πανουργεια προϲ την μεθοδειαν τηϲ πλανηϲ
15 αληθευοντεϲ δε εν αγαπη αυξηϲωμεν ειϲ αυτον τα πα̅τα οϲ εϲτιν η κεφαλη χ̅ϲ̅
16 εξ ου παν το ϲωμα ϲυναρμολογουμενον και ϲυνβιβαζομενον δια παϲηϲ αφηϲ τηϲ επιχορηγιαϲ κατ ενεργειαν εν μετρω ενοϲ εκαϲτου μελουϲ την αυξηϲιν του ϲωματοϲ ποιειται ειϲ οικοδομην εαυτου εν αγαπη