2 к Селуняномъ

Павелъ • И Силуанъ • И Тимофей, церкви Селунстей • О Бозе Отци нашемъ • И Господе Ісусъ Христе • Благодат вамъ и миръ, от Бога Отца нашего, и Господа Ісусъ Христа • Дяковати Богу должни есмо всегда о васъ братие, яко достойно ест • Понеже превозрастаеть вера ваша • И множится любовь единаго кажъдого вокупе • Тако иже мы сами похваляемся вами, во церквахъ Божіихъ • О терпеніи вашемъ и вере, во всехъ гонениахъ и скорбехъ яже приемлете, къ показанию праведнаго суда Божия • Дабы есте сподобилися Царствию Христову, для негоже и терпите •

Яко убо праведно ест от Бога воздати оскорбляющимъ васъ, скорбь • Тако и вамъ оскорбляемым отпочиненіе с нами • Во откровеніи Господа Ісуса с небеси, со Ангелы, и силою Его • Во пламени огня дающему отмьщение не ведущимъ Бога • И не послушающимъ Евангелия Господа нашего Ісус Христа • Ониже судъ пріимуть всегибельный вечный • От лица Господьня, и от славы крепости Его • Внегда пріидеть прославитися во святыхъ Своих • И дивен быти во всех веровавших в Него • Сего для и молимся всегда за васъ • Да сподобить вы званию своему Богъ нашъ • И исполнить всяко благоволение доброты Своея • И дело веры в силе • Яко да прославиться имя Господа нашего Ісуса Христа о васъ, и вы о Немъ • По благодати Бога нашего, и Господа Ісуса Христа •

Молимъ васъ братия для пришесътвия Господа нашего Ісуса Христа, и для совокупленія нашего о Немъ • Не скоро подвизайтеся от ума, ни ужесайтеся • А ни от духа, ни от слова, ни от послания яко от насъ бывшего • Якобы вже наставалъ день Господень •

Да никтоже васъ не прелстить ни по единому образу • Яко аще не придеть отступление первее, и откриется человекъ греха, сынъ погыбели, супротивникъ • И превозносяйся на всякого глаголемаго Бога, или чтилища • Тако иже во храме Божиемъ сядеть, показуяся якобы онъ былъ Богомъ •

Не помните ли яко еще сый у васъ, сия глаголахъ вамъ? А ныне одержащего и весте, во еже откритися ему во свое время • Тайну бо уже дееть безаконие, точию одержан и ныне, дондеже от среды будеть вынятъ • Тогда явится безаконникъ • Егоже Господь убиеть духомъ устъ Своих • И сказить и явлениемъ пришествія Своего, того егоже пришествие естъ по действу сатонину во всякой силе, и знаменех, и чудесехъ ложныхъ • И во всякой ильсти неправедней • А то въ тыхъ еже имають загинути • Занеже любве истинныя не прияша, дабы спасени были • Сего ради пошлеть к ним Богъ действо прельсти, веровати имъ во лжи • Да судъ пріимут вси не веровавшие правде • Но благоволивша неправду •

Мы же должны есмо благодарити Бога всегда, о васъ братие возлюбленная от Господа • Яко изъбра васъ Богъ исперъва во спасение, во святыни Духа, и веры истинны • В нюже призва васъ благовестованиемъ нашимъ • Во приатие славы Господа нашего Ісуса Христа • Темже братия стойте, и держите предания имже навъчистеся • Буди то словомъ, или посланиемъ нашимъ • Сам же Господь нашъ Ісусъ Христосъ, и Богъ и Отець нашъ, возлюбивый насъ, и давый утешение вечное, и упование доброе во милости Своей • Да утешить серца ваша • И утвердить васъ во всяком деле, и слове добромъ •

По томъ пакъ братие молитвы дейте о насъ • Да слово Господьне свободу имать, и славится, якоже и в васъ • И да изъбавимся от безместъных, и злыхъ людей • Не во всехъ бо ест вера, но веренъ естъ Господь, Онже утвердить васъ, и сохранить от злого • Уповаемъ бо на Господа о васъ братия, яко еже заповедаемъ вамъ въчините, и чинити будете • Господь же да исправить ваша серца, во любовь Божию, и во терпение Христово •

Запрещаемъ вамъ братия, о имени Господа нашего Ісуса Христа • Да отлучитеся от всякого брата безчину ходяща, а не по преданию якоже приятъ от насъ • Сами бо весте како подобаеть наследовати насъ • Понеже не безчину ходихомъ у васъ • Ни даремно ядохомъ хлеба у кого • Но во трудехъ, и подвизехъ • Во дни, и в нощи делающе, да быхом не отягчили кого з вас, не яко не имеюще власти, но да себе объразъ дамы вамъ, уподоблятися намъ • Ибо егда бехомъ у васъ, сия повелевахомъ: яко аще кто не хощеть делати да не ясть • Слышим бо некия у васъ непокойне ходяще, и ничтоже делающе • Таковымъ запрещаемъ, и молимъ их • Для Господа нашего Ісуса Христа • Да с покоемъ делающе, свой хлебъ ядять •

Вы же братия не стужайте собе, доброе чиняще • Аще ли же кто не послушаеть словесе нашего • Посланиемъ сего знаменайте • И не смешайтеся с ним, да стыдится • А не яко врага имейте его, но наказуйте яко брата •

Сам же Господь мира, да дасть вамъ миръ всегда, и на всякомъ месте, Господь да будеть со всеми вами • Целование моею рукою Павлею, еже ест знамение во всяцемъ бо посланіи тако пишу: благодать Господа нашего Ісуса Христа, да пребудет со всеми вами амин •