1 καυχαϲθαι δει ου ϲυμφερον μεν ελευϲομαι δε και ειϲ οπταϲιαϲ και αποκαλυψειϲ κ̅υ̅
2 οιδα ανθρωπον εν χ̅ω̅ προ ετων δεκατεϲϲαρων ειτε εν ϲωματι ουκ οιδα ειτε εκτοϲ ϲωματοϲ ουκ οιδα ο θ̅ϲ̅ οιδεν αρπαγεντα τον τοιουτο̅ εωϲ τριτου ουρανου
3 και οιδα τον τοιουτο̅ ανθρωπον ειτε εν ϲωματι ειτε χωριϲ του ϲωματοϲ ο θ̅ϲ̅ οιδεν
4 οτι ηρπαγη ειϲ τον παραδειϲον και ηκουϲε̅ αρρητα ρηματα α ουκ εξον ανθρωπω λαληϲαι
5 υπερ του τοιουτου καυχηϲομαι υπερ δε εμαυτου ου καυχηϲομαι ει μη εν ταιϲ αϲθενειαιϲ
6 εαν γαρ θεληϲω καυχηϲαϲθαι ουκ εϲομαι αφρων αληθειαν γαρ ερω φειδομαι δε μη τιϲ ειϲ εμε λογιϲηται υπερ ο βλεπει με η ακουει εξ εμου
7 και τη υπερβολη των αποκαλυψεων διο ινα μη υπερερωμαι εδοθη μοι ϲκολοψ τη ϲαρκι αγγελοϲ ϲατανα ινα με κολαφιζη ινα μη υπερερωμαι
8 υπερ τουτου τριϲ τον κ̅ν̅ παρεκαλεϲα ινα αποϲτη απ εμου
9 και ειρηκεν μοι αρκει ϲοι η χαριϲ μου η γαρ δυναμιϲ εν αϲθενεια τελειται ηδιϲτα ουν μαλλον καυχηϲομαι εν ταιϲ αϲθενειαιϲ ινα επιϲκηνωϲη επ εμε η δυναμιϲ του χ̅υ̅
10 διο ευδοκω εν αϲθενειαιϲ εν υβρεϲιν εν αναγκαιϲ εν διωγμοιϲ και ϲτενοχωριαιϲ υπερ χ̅υ̅ οταν γαρ αϲθενω τοτε δυνατοϲ ειμι
11 γεγονα αφρων υμειϲ με ηναγκαϲατε εγω γαρ ωφειλον υμων ϲυνιϲταϲθαι ουδεν γαρ τι υϲτερηϲα των υπερ λειαν αποϲτολω̅ ει και ουδεν ειμι
12 τα με̅ ϲημεια του αποϲτολου κατηργαϲθη εν υμιν εν παϲη υπομονη ϲημιοιϲ τε και τεραϲιν και δυναμεϲιν
13 τι γαρ εϲτιν ο ηϲϲωθητε υπερ ταϲ λοιπαϲ εκκληϲιαϲ ει μη οτι αυτοϲ εγω ου κατεναρκηϲα υμων χαριϲαϲθαι μοι την αδικιαν ταυτην
14 ιδου τριτον τουτο ετοιμωϲ εχω ελθει̅ προϲ υμαϲ και ου καταναρκηϲω ου γαρ ζητω τα υμων αλλα υμαϲ ου γαρ οφειλει τα τεκνα τοιϲ γονευϲιν θηϲαυριζιν αλλ οι γονειϲ τοιϲ τεκνοιϲ
15 εγω δε ηδιϲτα δαπανηϲω και εκδαπανηθηϲομαι υπερ των ψυχων υμω̅ ει περιϲϲοτερωϲ υμαϲ αγαπων ηϲϲον αγαπωμαι
16 εϲτω δε εγω ου κατεβαρηϲα υμαϲ αλλα υπαρχων πανουργοϲ δολω υμαϲ ελαβον
17 μη τινα ων απεϲταλκα προϲ υμαϲ δι αυτου επλεονεκτηϲα υμαϲ
18 παρεκαλεϲα τιτον και ϲυναπεϲτειλα τον αδελφον μητι επλεονεκτηϲεν υμαϲ τιτοϲ ου τω αυτω πνευματι περιεπατηϲαμεν ου τοιϲ αυτοιϲ ιχνεϲιν
19 παλαι δοκειτε οτι υμιν απολογουμεθα κατεναντι θ̅υ̅ εν χ̅ω̅ λαλουμεν τα δε παντα αγαπητοι υπερ τηϲ υμων οικοδομηϲ
20 φοβουμαι γαρ μη πωϲ ελθων ουχ οιουϲ θελω ευρω υμαϲ καγω ευρεθω υμιν οιον ου θελετε μη πωϲ ερειϲ ζηλοϲ θυμοι ερειθιαι καταλαλιαι ψιθυριϲμοι φυϲιωϲιϲ ακαταϲταϲιαι
21 μη παλιν ελθοντοϲ μου ταπεινωϲει με ο θ̅ϲ̅ μου προϲ υμαϲ και πενθηϲω πολλουϲ των προημαρτηκοτω̅ και μη μετανοηϲαντω̅ επι τη ακαθαρϲια και πορνεια και αϲελγεια η επραξαν
Нашли в тексте ошибку? Выделите её и нажмите:
Ctrl + Enter
Второе послание к Коринфянам апостола Павла, 12 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.