1 και μετα ταυτα περιεπατει ο ι̅ϲ̅ εν τη γαλιλαια ου γαρ ειχεν εξουϲιαν εν τη ιουδαια περιπατειν οτι εζητου̅ αυτον οι ιουδαιοι αποκτιναι
2 ην δε εγγυϲ η εορτη των ιουδαιων η ϲκηνοπηγια
3 και ειπον προϲ αυτον οι αδελφοι αυτου μεταβηθει εντευθεν και υπαγε ειϲ την ιουδαιαν ινα και οι μαθηται ϲου θεωρηϲουϲιν τα εργα ϲου α ποιειϲ
4 ουδειϲ γαρ εν κρυπτω τι ποιει και ζητει αυτο εν παρρηϲια ειναι ει ταυτα ποιειϲ φανερωϲον ϲεαυτον τω κοϲμω
5 ουδε γαρ οι αδελφοι αυτου επιϲτευϲαν ειϲ αυτον
6 λεγει αυτοιϲ ο ι̅ϲ̅ ο καιροϲ ο εμοϲ ουδεπω παρεϲτιν ο δε καιροϲ ο υμετεροϲ πα̅τοτε εϲτιν ετοιμοϲ
7 ου δυναται ο κοϲμοϲ μιϲιν υμαϲ εμε δε μειϲει οτι εγω μαρτυρω περι αυτου οτι τα εργα αυτου πονηρα εϲτιν
8 υμειϲ αναβηται ειϲ την εορτην εγω ουπω αναβαινω ειϲ την εορτην ταυτην οτι ο εμοϲ καιροϲ ουπω πεπληρωται
9 ταυτα δε ειπων αυτοϲ εμεινεν εν τη γαλιλαια
10 ωϲ δε ανεβηϲαν οι αδελφοι αυτου ειϲ την εορτην τοτε και αυτοϲ ανεβη ου φανερωϲ αλλ ωϲ εν κρυπτω
11 οι ουν ιουδαιοι εζητουν αυτον εν τη εορτη και ελεγον που εϲτιν εκεινοϲ
12 και γογγυϲμοϲ περι αυτου ην πολυϲ εν τοιϲ οχλοιϲ οι μεν ελεγον οτι αγαθοϲ εϲτιν αλλοι δε ελεγον ου αλλα πλανα τον οχλον
13 ουδειϲ μεντοι παρρηϲια ελαλει περι αυτου δια τον φοβον των ιουδαιων
14 ηδη δε τηϲ εορτηϲ μεϲηϲουϲηϲ ανεβη ο ι̅ϲ̅ ειϲ το ιερον και εδιδαϲκεν
15 εθαυμαζον ουν οι ιουδαιοι λεγοντεϲ πωϲ ουτοϲ γραμματα οιδεν μη μεμαθηκωϲ
16 απεκριθη ουν αυτοιϲ ο ι̅ϲ̅ και ειπεν η εμη διδαχη ουκ εϲτιν εμη αλλα του πεμψαντοϲ με
17 εαν τιϲ το θελημα αυτου ποιη γνωϲεται περι τηϲ διδαχηϲ ποτερον εκ του θ̅υ̅ εϲτιν η εγω απ εμαυτου λαλω
18 ο αφ εαυτου λαλων την δοξαν τη̅ ιδιαν ζητει ο δε ζητων την δοξα̅ του πεμψαντοϲ αυτον ουτοϲ αληθηϲ εϲτιν και αδικεια εν αυτω ουκ εϲτιν
19 ου μωυϲηϲ δεδωκεν υμιν τον νομον και ουδειϲ εξ υμων ποιει τον νομον τι με ζητειται αποκτιναι
20 απεκριθη ο οχλοϲ δαιμονιον εχειϲ τιϲ ϲε ζητι αποκτιναι
21 απεκριθη ο ι̅ϲ̅ και ειπεν αυτοιϲ εν εργον εποιηϲα και παντεϲ θαυμαζεται
22 δια τουτο μωυϲηϲ δεδωκεν υμιν την περιτομην ουχ οτι εκ του μωυϲεωϲ εϲτιν αλλ εκ των πατερων και εν ϲαββατω περιτεμνεται ανθρωπον
23 ει περιτομην λαμβανει α̅ν̅ο̅ϲ̅ εν ϲαββατω ινα μη λυθη ο νομοϲ μωυϲεωϲ εμοι χολατε οτι ολον ανθρωπον υγιη εποιηϲα εν ϲαββατω
24 μη κρινεται κατ οψιν αλλα την δικαιαν κριϲιν κρινεται
25 ελεγον ουν τινεϲ εκ των ιεροϲολυμιτων ουχ ουτοϲ εϲτιν ον ζητουϲιν αποκτιναι
26 και ειδε παρρηϲια λαλει και ουδεν αυτω λεγουϲιν μηποτε αληθωϲ εγνωϲαν οι αρχοντεϲ οτι ουτοϲ εϲτιν ο χ̅ϲ̅
27 αλλα τουτον οιδαμεν ποθεν εϲτιν ο δε χ̅ϲ̅ οταν ερχηται ουδειϲ γιγνωϲκει ποθεν εϲτιν
28 εκραξεν ουν εν τω ιερω διδαϲκων ι̅ϲ̅ λεγων καμε οιδατε και οιδατε ποθεν ειμει και απ εμαυτου ουκ εληλυθα αλλ εϲτιν αληθεινοϲ ο πεμψαϲ με ον υμειϲ ουκ οιδατε
29 εγω οιδα αυτον οτι παρ αυτου ειμει κακεινοϲ με απεϲτιλεν
30 εζητουν ουν αυτον πιαϲαι και ουδειϲ επεβαλεν επ αυτον ταϲ χειραϲ οτι ουπω εληλυθει η ωρα αυτου
31 εκ του ου̅ οχλου επιϲτευϲαν ειϲ αυτον και ελεγον ο χ̅ϲ̅ οταν ελθη μη πλειονα ϲημεια ποιηϲει ων ουτοϲ εποιηϲε
32 ηκουϲαν οι φαριϲαιοι του οχλου γογγυζοντοϲ περι αυτου ταυτα και απεϲτιλαν οι αρχιερειϲ και οι φαριϲαιοι υπηρεταϲ ινα πιαϲωϲιν αυτο̅
33 ειπεν ουν ο ι̅ϲ̅ ετι χρονον μικρον μεθ υμων ειμει και υπαγω προϲ τον πεμψαντα με
34 ζητηϲεται με και ουχ ευρηϲεται και οπου ειμει εγω υμειϲ ου δυναϲθαι ελθειν
35 ειπον ουν οι ιουδαιοι προϲ εαυτουϲ που ουτοϲ μελλει πορευεϲθαι οτι ημειϲ ουχ ευρηϲομεν αυτον μη ειϲ την διαϲποραν των ελληνων μελλει πορευεϲθαι και διδαϲκιν τουϲ ελληναϲ
36 τιϲ εϲτιν ο λογοϲ ουτοϲ ον ειπεν ζητηϲεται με και ουχ ευρηϲεται και οπου ειμει εγω υμειϲ ου δυναϲθαι ελθειν
37 εν δε τη εϲχατη ημερα τηϲ εορτηϲ ιϲτηκει ο ι̅ϲ̅ και εκραξεν λεγων ει τιϲ διψα ερχεϲθω προϲ με και πεινετω
38 ο πιϲτευων ειϲ εμε καθωϲ ειπεν η γραφη ποταμοι εκ τηϲ κοιλιαϲ αυτου ρευϲουϲιν υδατοϲ ζωντοϲ
39 τουτο δε ειπεν περι του π̅ν̅ϲ̅ ου ελαμβανον οι πιϲτευϲαντεϲ ειϲ αυτον ουπω γαρ ην π̅ν̅α̅ αγιον οτι ι̅ϲ̅ ουδεπω εδοξαϲθη
40 εκ του οχλου ουν ακουϲαντεϲ των λογων αυτου ελεγον ουτοϲ εϲτιν αληθωϲ ο προφητηϲ
41 αλλοι ελεγον οτι ουτοϲ εϲτιν ο χ̅ϲ̅ οι δε ελεγον μη γαρ εκ τηϲ γαλιλαιαϲ ο χ̅ϲ̅ ερχεται
42 ουχει η γραφη ειπεν οτι εκ του ϲπερματοϲ δ̅α̅δ̅ και απο βηθλεεμ τηϲ κωμηϲ οπου ην δ̅α̅δ̅ ερχεται ο χ̅ϲ̅
43 ϲχιϲμα ουν εγενετο εν τω οχλω δι αυτον
44 τινεϲ δε ηθελον εξ αυτων πιαϲαι αυτον αλλ ουδειϲ επεβαλεν επ αυτον ταϲ χειραϲ
45 ηλθον ουν οι υπηρεται προϲ τουϲ αρχιερειϲ και φαριϲαιουϲ και ειπον αυαυτοιϲ εκεινοι δια τι ουκ ηγαγεται αυτον
46 απεκριθηϲαν αυτοιϲ οι υπηρεται ουδεποτε ελαληϲεν ουτωϲ α̅ν̅ο̅ϲ̅
47 απεκριθηϲαν ουν αυτοιϲ οι φαριϲαιοι μη και υμειϲ πεπλανηϲθαι
48 μη τιϲ τω̅ αρχοντων επιϲτευϲεν ειϲ αυτον η εκ των φαριϲαιων
49 αλλα ο οχλοϲ ουτοϲ ο μη γινωϲκων τον νομον επαρατοι ειϲιν
50 λεγει νικοδημοϲ προϲ αυτουϲ ο ελθων προϲ αυτον το προτερον ειϲ ων εξ αυτων
51 μη ο νομοϲ ημων κρινει τον α̅ν̅ο̅ν̅ εαν μη ακουϲη πρωτον παρ αυτου και γνω τι ποιει
52 απεκρειθηϲαν και ειπαν αυτω μη και ϲυ εκ τηϲ γαλιλαιαϲ ει ερευνηϲον ταϲ γραφαϲ και ειδε οτι προφητηϲ εκ τηϲ γαλιλαιαϲ ουκ εγειρεται
53 [отсутствует]
Нашли в тексте ошибку? Выделите её и нажмите:
Ctrl + Enter
Евангелие от Иоанна, 7 ΚΕΦΆΛΑΙΟ. Вашингтонский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.