1 και εγενετο οτε ετελεϲεν ο ι̅ϲ̅ διαταϲϲων τοιϲ δωδεκα μαθηταιϲ αυτου μετεβη εκειθεν του διδαϲκειν και κηρυϲϲιν εν ταιϲ πολεϲιν αυτων
2 ο δε ιωαννηϲ ακουϲαϲ εν τω δεϲμωτηριω τα εργα του χ̅υ̅ πεμψαϲ δια των μαθητων αυτου
3 ειπεν αυτω ϲυ ει ο ερχομενοϲ η ετερον προϲδοκωμεν
4 και αποκριθειϲ ο ι̅ϲ̅ ειπεν αυτοιϲ πορευθεντεϲ απαγγειλατε ιωαννει α ακουεται και βλεπεται
5 τυφλοι αναβλεπουϲιν και χωλοι περιπατουϲιν λεπροι καθαριζονται και κωφοι ακουουϲιν και νεκροι εγειρονται και πτωχοι ευαγγελιζονται
6 και μακαριοϲ εϲτιν οϲ εαν μη ϲκανδαλιϲθη εν εμοι
7 τουτων δε πορευομενων ηρξατο ο ι̅ϲ̅ λεγει̅ τοιϲ οχλοιϲ περι ιωαννου τι εξηλθατε ειϲ την ερημον θεαϲαϲθαι καλαμον υπο ανεμου ϲαλευομενον
8 αλλα τι εξηλθατε ειδειν α̅ν̅ο̅ν̅ εν μαλακοιϲ ιματιοιϲ ημφιεϲμενον ιδου οι τα μαλακα φορουντεϲ εν τοιϲ οικοιϲ των βαϲιλεων ειϲιν
9 αλλα τι εξεληλυθατε προφητην ιδειν ναι λεγω υμιν και περιϲϲοτερον προφητου
10 ουτοϲ γαρ εϲτιν περι ου γεγραπται ιδου εγω αποϲτελλω τον αγγελον μου προ προϲωπου ϲου οϲ καταϲκευαϲει την οδον ϲου εμπροϲθεν ϲου
11 αμην λεγω υμιν ουκ εγηγερται εν γενητοιϲ γυναικων μιζων ιωαννου του βαπτιϲτου ο δε μεικροτεροϲ εν τη βαϲιλεια των ουρανων μιζω̅ εϲτιν αυτου
12 απο δε των ημερων ιωαννου του βαπτιϲτου εωϲ αρτι η βαϲιλεια των ουρανων βιαζεται και βιαϲται αρπαζουϲιν αυτην
13 παντεϲ γαρ οι προφηται και ο νομοϲ εωϲ ιωαννου προεφητευϲαν
14 και ει θελεται δεξαϲθαι αυτοϲ εϲτιν ηλιαϲ ο μελλων ερχεϲθαι
15 ο εχων ωτα ακουειν ακουετω
16 τινι δε ομοιωϲω την γενεαν ταυτην ομοια εϲτιν παιδιοιϲ καθημενοιϲ εν αγοραιϲ και προϲφωνουϲιν τοιϲ ετεροιϲ αυτων
17 και λεγουϲιν ηυληϲαμε̅ υμιν και ουκ ωρχηϲαϲθαι εθρηνηϲαμεν υμιν και ουκ εκλαυϲαϲθαι
18 ηλθεν γαρ ιωαννηϲ μητε εϲθιων μητε πινων και λεγουϲιν δαιμονιον εχει
19 ηλθεν ο υιοϲ του α̅ν̅ο̅υ̅ εϲθιων και πινω̅ και λεγουϲιν ιδου α̅ν̅ο̅ϲ̅ φαγοϲ και οινοποτηϲ τελωνων φιλοϲ και αμαρτωλων και εδικαιωθη η ϲοφια απο των εργων αυτηϲ
20 τοτε ηρξατο ο ι̅ϲ̅ ονιδιζειν ταϲ πολειϲ εν αιϲ εγενοντο αι πλειϲται δυναμειϲ αυτου οτι ου μετενοηϲαν
21 ουαι ϲοι χοραζειν ουαι ϲοι βηθϲαιδα̅ οτι ει εν τυρω και ϲιδονι εγενοντο αι δυναμειϲ αι γενομεναι εν υμιν παλαι αν εν ϲακκω και ϲποδω μετενοηϲαν
22 πλην λεγω υμιν τυρω και ϲιδονει ανεκτοτερον εϲται εν ημερα κριϲεωϲ η υμιν
23 και ϲυ καπερναουμ μη εωϲ ουρανου υψωθηϲη εωϲ αδου καταβηϲη οτι ει εν ϲοδομοιϲ εγενοντο αι δυναμειϲ αι γενομεναι εν ϲοι εμεινον α̅ μεχρι τηϲ ϲημερον
24 πλην λεγω υμιν οτι γη ϲοδομων ανεκτοτερον εϲται εν ημερα κριϲεωϲ η ϲοι
25 εν εκεινω τω καιρω αποκριθειϲ ο ι̅ϲ̅ ειπε̅ εξομολογουμαι ϲοι πατερ κ̅ε̅ του ουρανου και τηϲ γηϲ οτι απεκρυψαϲ ταυτα απο ϲοφων και ϲυνετων και απεκαλυψαϲ αυτα νηπιοιϲ
26 ναι ο π̅η̅ρ̅ οτι ουτωϲ ευδοκεια εγενετο εμπροϲθεν ϲου
27 παντα μοι παρεδοθη υπο του π̅ρ̅ϲ̅ μου και ουδειϲ επιγιγνωϲκει τον υιον ει μη ο π̅η̅ρ̅ ουδε τον π̅ρ̅α̅ τιϲ επιγιγνωϲκει ει μη ο υιοϲ και ω εαν βουλεται ο υιοϲ αποκαλυψαι
28 δευτε προϲ με παντεϲ οι κοπιωντεϲ και πεφορτιϲμενοι καγω αναπαυϲω υμαϲ
29 αρατε τον ζυγον μου εφ υμαϲ και μαθεται απ εμου οτι πραοϲ ειμει και ταπινοϲ τη καρδια και ευρηϲεται αναπαυϲιν ταιϲ ψυχαιϲ υμων
30 ο γαρ ζυγοϲ μου χρηϲτοϲ και το φορτιον μου ελαφρον εϲτιν
Нашли в тексте ошибку? Выделите её и нажмите:
Ctrl + Enter
Евангелие от Матфея, 11 ΚΕΦΆΛΑΙΟ. Вашингтонский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.