ΚΑΙΝΉ ΔΙΑΘΉΚΗ » Codex 05 Кодекс Безы — 5 век

ΜΑΡΚΟΝ 14 ΚΑΤΑ ΜΑΡΚΟΝ 14 ΚΕΦΆΛΑΙΟ

1 ην δε το παϲχα μετα β̅ ημεραϲ και εζητουν οι αρχιερειϲ και οι γραμματειϲ πωϲ αυτον κρατηϲαντεϲ και αποκτεινωϲιν
2 ελεγον γαρ μηποτε εν τη εορτη εϲται θορυβοϲ του λαου
3 και οντοϲ του ι̅η̅υ̅ εν βηθανια εν τη οικια ϲιμωνοϲ του λεπρου κατακειμενου αυτου ηλθεν γυγη εχουϲα αλαβαϲτρον μυρου και θραυϲαϲα τον αλαβαϲτρον κατεχεεν επι τηϲ κεφαληϲ αυτου
4 οι δε μαθηται αυτου διεπονουντο και ελεγο̅ ειϲ τι η απωλεια αυτη του μυρου
5 ηδυνατο πραθηναι το μυρον τουτο επανω δηναριων τ̅ και δοθηναι τοιϲ πτωχοιϲ και ενεβριμωντο εν αυτη
6 ο δε ι̅η̅ϲ̅ ειπεν αυτοιϲ αφετε αυτην τι αυτη κοπουϲ παρεχεται καλον εργον ηργαϲατο εν εμοι
7 παντοτε γαρ τουϲ πτωχουϲ εχετε μεθ υμων και οταν θεληται δυναϲθαι αυτοιϲ ευ {ποιειν} [53] εμε δε ου παντοτε εχεται
8 ο εϲχεν αυτη εποιηϲεν προελαβεν μυριϲε το ϲωμα μου ειϲ τον ενταφιαϲμον
9 αμην δε λεγω υμειν οπου αν κηρυχθη το ευαγγελιον ειϲ ολον τον κοϲμον και ο εποιηϲεν αυτη λαληθηϲεται ειϲ μνημοϲυνον αυτηϲ
10 και ιουδαϲ ϲκαριωτηϲ εκ των ι̅β̅ απηλθεν προϲ τουϲ αρχιερειϲ ινα προδοι αυτον
11 οι δε εχαρηϲαν και επηγγειλαντο αυτω αργυριον δουναι και εζητει πωϲ ευκαιρωϲ αυτον παραδοι
12 και τη πρωτη ημερα των αζυμων οτε το παϲχα εθυον λεγουϲιν αυτω οι μαθηται που θελειϲ απελθοντεϲ ετοιμαϲωμεν ϲοι ινα φαγηϲ το παϲχα
13 και αποϲτελλει δυο εκ των μαθητων αυτου λεγων υπαγε ειϲ την πολιν και απαντηϲει υμειν ανθρωποϲ κεραμειον υδατοϲ βαϲταζων ακολουθηϲατε αυτω
14 και οπου αν ειϲελθη ειπατε τω οικοδεϲποτη οτι ο διδαϲκαλοϲ λεγει που εϲτιν το καταλυμα μου οπου μετα των μαθητων μου φαγομαι το παϲχα
15 και αυτοϲ υμειν δειξει αναγαιον οικον εϲτρωμενον μεγαν ετοιμον κακει ετοιμαϲατε ημειν
16 και εξηλθον οι μαθηται αυτου και εξηλθον οι μαθηται αυτου και ηλθον ειϲ την πολιν και εποιηϲαν καθωϲ ειπεν αυτοιϲ και ητοιμαϲαν το παϲχα
17 οψιαϲ δε γενομενηϲ ερχεται μετα των ι̅β̅
18 και ανακειμενων αυτων και εϲθιοντων λεγει ο ι̅η̅ϲ̅ αμην λεγω υμειν οτι ειϲ εξ υμων παραδωϲει με ο εϲθιων μετ εμου
19 οι δε ηρξαντο λυπιϲθαι και λεγειν αυτω ειϲ καθ ειϲ μητι εγω και αλλοϲ μητι εγω
20 ο δε λεγει αυτοιϲ ειϲ εκ των ι̅β̅ ο ενβαπτιζομενοϲ μετ εμου ειϲ το τρυβαλιον
21 ο μεν υιοϲ του ανθρωπου παραδιδοτε καθωϲ εϲτιν γεγραμμενον περι αυτου ουαι δε τω ανθρωπω εκεινω δι ου παραδιδοτε καλον ην αυτω ει ουκ εγεννηθη ο ανθρωποϲ εκεινοϲ
22 και εϲθιοντων αυτων λαβων αρτον ευλογηϲεν και εκλαϲεν και εδωκεν αυτοιϲ και ειπεν λαβετε τουτ εϲτιν το ϲωμα μου
23 και λαβων ποτηριον ευχαριϲτηϲαϲ εδωκεν αυτοιϲ και επιον εξ αυτου παντεϲ
24 και ειπεν αυτοιϲ τουτ εϲτιν το αιμα μου το τηϲ διαθηκηϲ το υπερ πολλων εχχυννομενον
25 αμην λεγω υμειν οτι ου μη προϲθω πειν εκ του γεννηματοϲ τηϲ αμπελου εωϲ τηϲ ημεραϲ εκεινηϲ οταν αυτο πεινω καινον εν τη βαϲιλεια του θ̅υ̅
26 και υμνηϲαντεϲ εξηλθον ειϲ το οροϲ των ελαιω̅
27 τοτε λεγει αυτοιϲ ο ι̅η̅ϲ̅ οτι παντεϲ υμειϲ ϲκανδαλιϲαϲθαι οτι γεγραπται παταξω τον ποιμενα και τα προβατα διαϲκορπιϲθηϲονται
28 αλλα μετα το εγερθηναι με προαξω υμαϲ ειϲ την γαλιλαιαν
29 ο δε πετροϲ λεγει αυτω και εαν παντεϲ ϲκανδαλιϲθωϲιν αλλ ουκ εγω ου ϲκανδαλιϲθηϲομαι
30 και λεγει αυτω ο ι̅η̅ϲ̅ αμην λεγω ϲοι οτι ταυτη τη νυκτει πριν αλεκτορα φωνηϲαι τριϲ με απαρνηϲη
31 ο δε εκ περιϲϲωϲ ελαλει εαν μη δεη ϲυναποθανειν ϲοι ου μη ϲε απαρνηϲομαι ωϲαυτωϲ δε παντεϲ ελεγον
32 και ερχονται ειϲ χωριον ου το ονομα γηϲαμανει και λεγει αυτοιϲ καθιϲατε ωδε εωϲ προϲευξομαι
33 και παραλαμβανει τον πετρον και ιακωβον και ιωαννην μετ αυτου και ηρξατο εκθαμβειϲθαι και ακηδεμονειν
34 τοτε λεγει αυτοιϲ περιλυποϲ εϲτιν η ψυχη μου εωϲ θανατου μεινατε ωδε και γρηγορειτε
35 και προϲελθων μεικρον επεϲεν επι προϲωπον επι τηϲ γηϲ και προϲηυχετο ει δυνατον εϲτιν ινα παρελθη απ αυτου η ωρα αυτη
36 και ελεγεν αββα ο πατηρ δυνατα παντα ϲοι ειϲιν παρενεγκε τουτο το ποτηριον απ εμου αλλ ουχ ο εγω θελω αλλ ο ϲυ θελειϲ
37 και ερχεται και ευριϲκι αυτουϲ καθευδονταϲ και λεγει τω πετρω ϲιμων καθευδειϲ ουκ ιϲχυϲατε μιαν ωραν γρηγορηϲαι
38 γρηγορειτε και προϲευχεϲθαι μη ειϲελθητε ειϲ πειραϲμον το μεν π̅ν̅α̅ προθυμον η δε ϲαρξ αϲθενηϲ
39 και παλιν απελθων προϲηυξατο
40 και ελθων ευρεν αυτουϲ καθευδονταϲ ηϲαν γαρ οι οφθαλμοι αυτων καταβαρουμενοι και ουκ ηδιϲαν τι αποκριθωϲιν αυτω
41 και ερχεται το τριτον και λεγει αυτοιϲ καθευδετε λοιπον και αναπαεϲθαι απεχει το τελοϲ και η ωρα ιδου παραδιδοτε ο υιοϲ του ανθρωπου ειϲ ταϲ χειραϲ των αμαρτωλων
42 εγειρεϲθαι αγωμεν ιδου ηγγικεν ο παραδιδων με
43 και ετι αυτου λαλουντοϲ παραγεινεται ιουδαϲ ϲκαριωτηϲ ειϲ των ι̅β̅ και μετ αυτου οχλοϲ πολυϲ μετα μαχαιρων και ξυλων παρα των αρχιερεων και απο των γραμματεω̅ και των πρεϲβυτερων
44 εδωκεν δε ο παραδιδουϲ αυτον ϲημειον λεγων ον αν φιληϲω αυτοϲ εϲτιν κρατηϲατε αυτο̅ και απαγετε αυτον αϲφαλωϲ
45 και προϲελθων λεγει αυτω ραββει και κατεφιληϲεν αυτον
46 οι δε επεβαλον ταϲ χειραϲ αυτω και εκρατηϲαν αυτον
47 και τιϲ ϲπαϲαμενοϲ μαχαιραν {πεϲεν} [54] τον δουλον του αρχιερεωϲ και αφιλεν αυτου το ωταριον
48 ο δε ι̅η̅ϲ̅ ειπεν αυτοιϲ επι ληϲτην εξηλθατε μετα μαχαιρων και ξυλων ϲυνλαβειν με
49 καθ ημεραν ημην προϲ υμαϲ εν τω ιερω διδαϲκων και ουκ εκρατηϲατε με αλλ ινα πληρωθωϲιν αι γραφαι
50 και αφεντεϲ αυτον παντεϲ εφυγον
51 νεανιϲκοϲ δε τιϲ ηκολουθει αυτουϲ περιβεβλημενοϲ ϲυνδονα επι γυμνου και κρατουϲιν αυτον
52 ο δε καταλειπων την ϲινδονα γυμνοϲ εφυγεν απ αυτων
53 και απηγαγον τον ι̅η̅ν̅ προϲ τον αρχιεραια και ϲυνερχονται παντεϲ οι αρχιερειϲ και γραμματειϲ και πρεϲβυτεροι
54 και ο πετροϲ απο μακροθεν ηκολουθηϲεν αυτω εωϲ ειϲ την αυλην του αρχιερεωϲ και ην καθημενοϲ μετα τω υπηρερων θερμενομενοϲ προϲ το φωϲ
55 οι δε αρχειερειϲ και ολον το ϲυνεδριον εζητουν κατα του ι̅η̅υ̅ μαρτυριαν ινα θανατωϲουϲιν αυτον και ουχ ηυριϲκον
56 πολλοι γαρ εψευδομαρτυρουν ελεγον κατ αυτου και ειϲαι αι μαρτυριαι ουκ ηϲαν
57 και αλλοι αναϲταντεϲ εψευδομαρτυρουν και ελεγον κατ αυτου
58 οτι ημειϲ ηκουϲαμεν αυτου λεγοντοϲ οτι εγω καταλυϲω τον ναον τον χειροποιητον και δια τρειων ημερων αλλον αναϲτηϲω αχειροποιητον
59 και ουδε ουτωϲ ην ιϲη η μαρτυρια αυτων
60 και αναϲταϲ ο αρχιερευϲ ειϲ το μεϲον επηρωτηϲεν τον ι̅η̅ν̅ λεγων ουκ αποκρινη ουδεν τι ουτοι ϲου καταμαρτυρουϲιν
61 εκεινοϲ δε εϲειγα και ουδεν απεκριθη και λεγει αυτω ο αρχιερευϲ ϲυ ει ο χ̅ρ̅ϲ̅ ο υιοϲ του ευλογητου
62 ο δε ι̅η̅ϲ̅ αποκριθειϲ λεγει αυτω εγω ειμι και οψεϲθαι τον υιον του ανθρωπου εκ δεξιων καθημενον δυναμεωϲ μετα των νεφελων του ουρανου
63 ο δε αρχιερευϲ διαρρηξαϲ τουϲ χειτωναϲ αυτου και λεγει τι ετι χρειαν εχομεν μαρτυρων
64 ηκουϲατε την βλαϲφημιαν αυτου τι υμειν δοκει παντεϲ δε κατεκριναν αυτω ενοχον θανατου
65 και ηρξαντο τινεϲ ενπτυειν τω προϲωπω αυτου και εκολαφιζον αυτο̅ και ελεγον αυτω προφητευϲον και ραπιϲμαϲιν ελαμβανον αυτον
66 και οντοϲ του πετρου εν τη αυλη ερχετε προϲ αυτον μια των παιδιϲκων του αρχιερεωϲ
67 και ειδουϲα τον πετρον θερμενομενον ενβλεψαϲα λεγει αυτω ϲυ μετα του ι̅η̅υ̅ του ναζορηνου ηϲθα
68 ο δε ηρνηϲατο λεγων ουτε οιδα ουτε ηπιϲϲαμαι τι λεγειϲ εξηλθεν εξω ειϲ την προϲαυλην και αλεκτωρ εφωνηϲεν
69 παλιν δε ειδουϲα αυτον η παιδιϲκη ο δε παλιν ηρνηϲατο και ηρξατο λεγειν τοιϲ παρεϲτηκοϲιν οτι και αυτοϲ εξ αυτων εϲτι̅
70 και μετα μεικρον παλιν οι παρεϲτηκοτεϲ ελεγον αληθωϲ εξ αυτων ει και γαρ γαλιλαιοϲ ει
71 ο δε ηρξατο αναθεματειζειν και λεγειν οτι ουκ οιδα τον ανθρωπον ον λεγεται
72 και ευθεωϲ εκ δευτερου αλεκτωρ εφωνηϲεν και ανεμνηϲθη ο πετροϲ το ρημα ο ειπεν ι̅η̅ν̅ και ηρξατο κλαιειν

Примечания:

7  [53] {ποιηϲαι}
47  [54] {επεϲεν}

Нашли в тексте ошибку? Выделите её и нажмите: Ctrl + Enter

Евангелие от Марка, 14 ΚΕΦΆΛΑΙΟ. Кодекс Безы — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΜΑΡΚΟΝ 14 ΚΕΦΆΛΑΙΟ в переводах:
ΜΑΡΚΟΝ 14 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.