1 και εξηλθεν εκειθεν καπηλθεν ειϲ την πατριδα αυτου και ακολουθουϲιν αυτω οι μαθηται αυτου
2 και ημερα ϲαββατων ηρξατο διδαϲκειν εν τη ϲυναγωγη και πολλοι ακουϲαντεϲ εξεπληϲϲοντο επι τη διδαχη αυτου λεγοντεϲ ποθεν τουτω ταυτα και τιϲ η ϲοφια η δοθειϲα αυτω ινα και δυναμιϲ τοιαυται δια των χειρων αυτου γεινωνται
3 ουκ ουτοϲ εϲτιν ο τεκτων ο υιοϲ μαριαϲ και ο αδελφοϲ ιακωβου και ιωϲητοϲ και ιουδα και ϲιμωνοϲ ουχι και αι αδελφαι αυτου ωδε προϲ ημαϲ ειϲιν και εϲκανδαλιζοντο εν αυτω
4 και ελεγεν αυτοιϲ ο ι̅η̅ϲ̅ οτι ουκ εϲτιν προφητηϲ ατιμοϲ ει μη εν τη πατριδι αυτου και εν τυιϲ ϲυνγενεϲι̅ και εν τη οικια αυτου
5 και ουκ ηδυνατο εκει ουδεμιαν ποιηϲαι δυναμιν ει μη ολιγοιϲ αρρωϲτοιϲ επιθειϲ ταϲ χειραϲ εθεραπευϲεν
6 και εθαυμαζεν δια την πιϲτιν αυτων και περιηγεν ταϲ κωμαϲ κυκλω διδαϲκων
7 και προϲκαλεϲαμενοϲ τουϲ ι̅β̅ μαθηταϲ απεϲτειλεν αυτουϲ ανα β̅ δουϲ αυτοιϲ εξουϲιαν των πνευματων των ακαθαρτων
8 και παρηγγειλεν αυτοιϲ εινα μηδεν ερωϲιν ειϲ οδον ει μη ραβδον μονον μητε πηραν μητε αρτον μητε ειϲ την ζωνην χαλκον
9 αλλα υποδεδεμενουϲ ϲανδαλια και μη ενδυϲηϲθαι β̅ χιτωναϲ
10 και ελεγεν αυτοιϲ οπου αν ειϲελθητε εκει μενεται εωϲ αν εξελθητε εκειθεν
11 και οϲοι εαν μη δεξωνται υμαϲ μηδε ακουϲωϲιν υμων εκπορευομενοι εκειθεν εκτειναξατε τον χουν των ποδων υμων ειϲ μαρτυριον αυτοιϲ
12 και εξελθοντεϲ εκηρυξαν ινα μετανοωϲιν
13 και δαιμονια πολλα εξεβαλον και αλειψαντεϲ ελεω πολλουϲ αρωϲτουϲ εθεραπευον
14 και ηκουϲεν ηρωδηϲ ο βαϲιλευϲ φανερον γαρ εγενετο το ονομα αυτου και ελεγοϲαν οτι ιωαννηϲ ο βαπτιϲτηϲ εγηγερται εκ νεκρων και δια τουτο ενεργουϲιν αι δυναμιϲ εν αυτω
15 αλλοι δε ελεγον οτι ηλιαϲ εϲτιν αλλοι δε ελεγον οτι ειϲ των προφητων
16 ακουϲαϲ δε ηρωδηϲ ειπεν ον εγω απεκεφαλιϲα ουτοϲ εκ νεκρων ηγερθη
17 αυτοϲ γαρ ηρωδηϲ αποϲτειλαϲ εκρατηϲεν τον ιωαννην και εδηϲεν αυτον και εβαλεν ειϲ φυλακην δια ηρωδιαδα την γυναικα φιλιππου του αδελφου αυτου οτι εγαμηϲεν αυτην
18 ελεγεν γαρ ιωαννηϲ τω ηρωδη ουκ εξεϲτιν ϲε εχειν {αυτην} [21] γυναικα του αδελφου ϲου
19 η δε ηρωδιαϲ ηνιχεν αυτω και ηθελεν αποκτειναι αυτον και ουκ ηδυνατο
20 ο γαρ ηρωδηϲ εφοβειτο τον ιωαννην ειδωϲ αυτον ανδρα δικαιον και αγιον ειναι και ϲυνετηρει αυτον και ακουϲαϲ αυτου πολλα εποιει και ηδεωϲ αυτου ηκουεν
21 και γενομενηϲ δε ημεραϲ ευκαιρου ηρωδηϲ τοιϲ γενεχλιοιϲ αυτου δειπνον εποιηϲεν τοιϲ μεγειϲταϲιν και τοιϲ χειλιαρχοιϲ και τοιϲ πρωτοιϲ τηϲ γαλιλαιαϲ
22 ειϲελθουϲηϲ δε τηϲ θυγατροϲ αυτου ηρωδιαδοϲ και ορχηϲαμενηϲ και αρεϲαϲηϲ τω ηρωδη και τοιϲ ϲυνανακειμενοιϲ ειπεν ο βαϲιλευϲ τω κοραϲιω αιτηϲον με ο θελειϲ και δωϲω ϲοι
23 και ωμοϲεν αυτη πολλα ει τι αν με αιτηϲηϲ δωϲω ϲοι και το ημειϲυ τηϲ βαϲιλειαϲ μου
24 η δε εξελθουϲα ειπεν τη μητρι αυτηϲ τι αιτηϲωμαι η δε ειπεν την κεφαλην ιωαννου του βαπτιϲτου
25 και ειϲελθουϲα προϲ τον βαϲιλεα ειπεν δοϲ μοι επι πινακι ωδε την κεφαλην ιωανου του βαπτιϲτου
26 περιλυποϲ γενομενοϲ ο βαϲιλευϲ ωϲ ηκουϲεν δια τουϲ ορκουϲ και δια τουϲ ϲυνανακειμενουϲ ουκ ηθεληϲεν αυτην αθετηϲαι
27 αλλα ευθεωϲ αποϲτειλαϲ ϲπεκολατοραν επεταξεν ενεχθηναι την κεφαλην αυτου ο δε απελθων απεκεφαλιϲεν αυτον εν τη φυλακη
28 και ηνεγκεν την κεφαλην επι πινακει και εδωκεν αυτην τω κοραϲιω και το κοραϲιον εδωκεν τη μητρι αυτηϲ
29 ακουϲαντεϲ δε οι μαθηται αυτου ηλθον και ηραν το πτωμα αυτου και εθηκαν αυτο εν τω μνημειω
30 και ϲυναγονται οι αποϲτολοι προϲ τον ι̅η̅ν̅ και απηγγειλαν αυτω παντα οϲα εποιηϲαν και οϲα εδιδαξαν
31 και ειπεν αυτοιϲ ο ι̅η̅ϲ̅ δευτε υπαγωμεν ειϲ ερημον τοπον και αναπαυεϲθαι ολιγον ηϲαν γαρ οι ερχομενοι και οι υπαγοντεϲ πολλοι και ουδε φαγειν ευκαιροϲ ειχον
32 και αναβαντεϲ ειϲ το πλοιον απηλθον ειϲ ερημον τοπον κατ ιδιαν
33 και ειδαν αυτουϲ υπαγονταϲ και εγνωϲαν πολλοι και πεζη απο παντων πολεων ϲυνεδραμον εκει και ϲυνηλθον αυτου
34 και εξελθων και ειδων πολυν οχλον ο ι̅η̅ϲ̅ {επλαννιϲθη} [22] επ αυτουϲ οτι ηϲαν ωϲ προβατα μη εχοντα {πομενα} [23] και ηρξατο διδαϲκειν αυτουϲ πολλα
35 ηδη δε ωραϲ πολληϲ γεινομενηϲ προϲελθοντεϲ οι μαθηται αυτου λεγουϲιν αυτω οτι ερημοϲ εϲτιν τοποϲ ηδη ωρα πολλη
36 απολυϲον αυτουϲ ινα απελθοντεϲ ειϲ τουϲ εγγιϲτα αγρουϲ και ειϲ ταϲ κωμαϲ ινα αγοραϲωϲιν εαυτοιϲ τι φαγειν
37 και αποκριθειϲ ειπεν αυτοιϲ ο ι̅η̅ϲ̅ δοτε αυτοιϲ υμειϲ φαγειν και λεγουϲιν αυτω απελθοντεϲ αγοραϲωμεν διακοϲιων δηναριων αρτουϲ και δωϲωμεν αυτοιϲ φαγειν
38 και λεγει αυτοιϲ ο ι̅η̅ϲ̅ ποϲουϲ αρτουϲ εχετεϲ υπαγετε ειδετε και γνοντεϲ λεγουϲιν αυτω ε̅ αρτουϲ και δυω ιχθυαϲ
39 και επεταξεν ο ι̅η̅ϲ̅ ανακλειναι πανταϲ κατα την ϲυνποϲιαν επι τω χλωρω χορτω
40 και ανεπεϲον πραϲιαι πραϲιαι κατα ρ̅ και κατα πεντηκοντα
41 και λαβων ε̅ αρτουϲ και τουϲ β̅ ιχθυαϲ αναβλεψαϲ ειϲ τον ουρανον ευλογηϲεν και κατεκλαϲεν τουϲ ε̅ αρτουϲ και εδιδου τοιϲ μαθηταιϲ αυτου ινα παραθωϲιν κατεναντι αυτων και τουϲ β̅ ιχθυαϲ εμεριϲεν παϲιν
42 και εφαγον παντεϲ και εχορταϲθηϲαν
43 και ηραν κλαϲματων ι̅β̅ κοφινουϲ πληρειϲ και απο των ιχθυων
44 και ηϲαν οι φαγοντεϲ ε̅ ανδρεϲ
45 και ευθεωϲ εξεγερθειϲ ηναγκαϲεν τουϲ μαθηταϲ αυτου ενβηναι ειϲ το πλοιον και προϲαγειν αυτον ειϲ το περαν προϲ βηϲϲαιδαν αυτοϲ δε απολυει τον οχλον
46 και αποταξαμενοϲ αυτοιϲ απηλθεν ειϲ το οροϲ προϲευξαϲθαι
47 και οψιαϲ γενομενηϲ ην παλαι το πλοιον εν μεϲη τη θαλαϲϲη και αυτοϲ μονοϲ επι τηϲ γηϲ
48 και ειδων αυτουϲ βαϲανιζομενουϲ και ελαυνονταϲ ην γαρ ο ανεμοϲ εναντιοϲ αυτοιϲ και περι τεταρτην φυλακην τηϲ νυκτοϲ ερχεται ο ι̅η̅ϲ̅ περιπατων επι τηϲ θαλαϲϲηϲ και ηθεληϲεν παρελθειν αυτουϲ
49 οι δε ειδοντεϲ αυτον περιπατουντα επι τηϲ θαλαϲϲηϲ εδοξαν φανταϲμα ειναι και ανεκραξαν
50 παντεϲ και εταραχθηϲαν και ελαληϲεν προϲ αυτουϲ λεγων θαρϲειτε εγω ειμι μη φοβειϲθαι
51 και ανεβη ειϲ το πλοιον προϲ αυτουϲ και εκοπαϲεν ο ανεμοϲ και περιϲϲωϲ εν εαυτοιϲ εξεϲταντο και εθαυμαζον
52 ου γαρ ϲυνηκαν επι τοιϲ αρτοιϲ ην γαρ η καρδια αυτων πεπωρωμενη
53 και διαπεραϲαντεϲ εκειθεν ηλθον επι την γην γεννηϲαρ
54 και εξελθοντων αυτων εκ του πλοιου ευθεωϲ επεγνωϲαν αυτον
55 περιδραμοντεϲ δε ολην την περιχωρον εκεινην ηρξαντο επι γραβαττοιϲ φερειν πανταϲ τουϲ κακωϲ εχονταϲ περιεφερον γαρ αυτουϲ οπου αν ηκουϲαν τον ι̅η̅ν̅ ειναι
56 και που αν ειϲεπορευετο ειϲ κωμαϲ η ειϲ αγρουϲ η ειϲ ταϲ πολιϲ εν ταιϲ πλατειαιϲ ετειθουν τουϲ αϲθενουνταϲ και παρεκαλουν αυτον ινα καν του κραϲπεδου του ιματιου αυτου αψωνται και οϲοι ηψαντο αυτον εϲωζοντο
Примечания:
18 [21] {την}
34 [22] {εϲπλαγνιϲθη}
34 [23] {ποιμενα}
Нашли в тексте ошибку? Выделите её и нажмите:
Ctrl + Enter
Евангелие от Марка, 6 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.