1 και ηρξατο παλιν διδαϲκειν προϲ την θαλαϲϲαν και ϲυνηχθη προϲ αυτον οχλοϲ πλειϲτοϲ ωϲτε αυτον ειϲ το πλοιον ενβαντα καθηϲθαι παρα τον αιγιαλον και παϲ ο οχλοϲ εν τω αιγιαλω ην
2 και εδιδαϲκεν αυτουϲ εν παραβολαιϲ λεγων
3 ακουεται ιδου εξηλθεν ο ϲπειρων ϲπειραι
4 και το μεν επεϲεν παρα την οδον και ηλθεν τα ορνεα και κατεφαγεν αυτο
5 αλλα δε επεϲεν επι τα πετρωδη και οτι ουκ ειχε γην πολλην
6 ευθεωϲ ανετειλε ηλιου δε ανατιλαντοϲ εκαυματιϲθη και δια το μη εχειν ριζαν εξηρανθη
7 και αλλα επεϲεν επι ταϲ ακανθαϲ και ανεβηϲαν αι ακανθαι και ϲυνεπνιξαν αυτα και καρπον ουκ εδωκαν
8 και αλλα επεϲεν ειϲ την γην την καλην και εδιδει καρπον αναβαινοντα και αυξανομενον και φερει το εν λ̅ και το εν ξ̅ και το εν ρ̅
9 και ελεγεν ο εχων ωτα ακουειν ακουετω
10 και οτε εγενετο κατα μοναϲ επηρωτηϲαν αυτον οι μαθηται αυτου τιϲ η παραβολη αυτη
11 και λεγει αυτοιϲ υμιν δεδοται το μυϲτηριον τηϲ βαϲιλειαϲ του θ̅υ̅ εκεινοιϲ δε τοιϲ εξω εν παραβολαιϲ παντα γεινεται
12 ινα βλεποντεϲ μη ιδωϲιν και ακουοντεϲ μη ϲυνωϲιν μηποτε επιϲτρεψωϲιν και αφεθη αυτοιϲ
13 και λεγει αυτοιϲ ουκ οιδατε την παραβολην ταυτην και πωϲ παϲαϲ ταϲ παραβολαϲ γνωϲεϲθαι
14 ο ϲπειρων τον λογον ϲπειρει
15 ουτοι δε ειϲιν οι παρα την οδον οπου ϲπειρεται ο λογοϲ και οταν ακουϲωϲιν ευθυϲ ερχεται ο ϲαταναϲ και ερει το̅ λογον τον εϲπαρμενον ειϲ αυτουϲ
16 ουτοι δε ειϲιν οι επι τα πετρωδη ϲπειρομενοι οιτινεϲ οταν ακουϲωϲι τον λογο̅ ευθεωϲ μετα χαραϲ λαμβανουϲιν αυτον
17 και ουκ εχουϲιν ριζαν εν εαυτοιϲ αλλα προϲκαιροι ειϲιν ειτα γενομενηϲ θλιψεωϲ και διωγμου δια τον λογο̅ και ευθυϲ {ϲκανδαλιζεται} [4]
18 οι δε ειϲ ταϲ ακανθαϲ ϲπειρομενοι ουτοι ειϲι̅ οι τον λογον ακουοντεϲ
19 και αι μεριμναι του βιου και απαται του πλουτου ειϲπορευομεναι ϲυνπνιγουϲι τον λογον και ακαρποι γιγνονται
20 ουτοι δε ειϲιν οι επι την γην την καλην πιπτο̅τεϲ οιτινεϲ ακουουϲιν τον λογον και παραδεχονται και καρπον φερουϲιν το εν λ̅ και το εν ξ̅ και το εν ρ̅
21 και λεγει αυτοιϲ μητι ο λυχνοϲ καιεται ινα υπο τον μοδιον τεθη η υπο την κλεινην αλλ ινα επι την λυχνιαν τεθη
22 ουδεν γαρ εϲτιν κρυπτον αλλ ινα φανερωθη ουδε εγενετο αποκρυφον αλλ ινα ειϲ φανερον ελθη
23 ει τιϲ εχει ωτα ακουειν ακουετω
24 και ελεγεν αυτοιϲ βλεπεται τι ακουεται εν ω μετρω μετριται μετρηθηϲεται υμιν
25 οϲ γαρ εχει δοθηϲεται αυτω και οϲ ουκ εχει και ο εχει αρθηϲεται απ αυτου
26 και ελεγεν ουτωϲ εϲτι̅ η βαϲιλεια του θ̅υ̅ ωϲ α̅ν̅ο̅ϲ̅ οταν βαλη ϲπορον επι την γην
27 και καθευδη και εγειρεται νυκτα και ημεραν και ο ϲποροϲ βλαϲτα και μηκυνεται ωϲ ουκ οιδεν αυτοϲ
28 αυτοματη γαρ η γη καρποφορει πρωτον χορτον ειτα ϲταχυν ειτα πληρηϲ ο ϲειτοϲ εν τω ϲταχυει
29 οταν παραδω ο καρποϲ αποϲτελλει το δρεπανον οτι παρεϲτηκεν ο θεριϲμοϲ
30 και ελεγεν πωϲ ομοιωϲωμεν την βαϲιλειαν του θ̅υ̅ η εν τινι την παραβολην δωμεν
31 ωϲ κοκκον ϲιναπεωϲ οποταν ϲπαρη επι την γην {μικροτερον} [5] ω̅ παντων των ϲπερματων των επι τηϲ γηϲ
32 αυξει και γεινεται μειζον πα̅των των {και �����αι} [6] ποιει κλαδουϲ μεγαλουϲ ωϲτε δυναϲθαι αυτου υπο τη̅ ϲκιαν τα πετινα του ουρανου καταϲκηνουν
33 και τοιαυταιϲ παραβολαιϲ ελαλει αυτοιϲ τον λογον καθωϲ εδυναντο ακουειν
34 χωριϲ δε παραβοληϲ ουκ ελαλει αυτοιϲ καθ ειδιαν δε τοιϲ μαθηταιϲ αυτου επελυεν αυταϲ
35 και λεγει αυτοιϲ εν εκεινη τη ημερα οψειαϲ γενομενηϲ διελθωμεν ειϲ το περαν
36 και αφιουϲιν τον οχλον και παραλαμβανουϲιν αυτον ωϲ ην εν τω πλοιω και αμα πολλοι ηϲαν μετ αυτου
37 και γεινεται λελαψ μεγαλου ανεμου και τα κυματα ειϲεβαλλεν ειϲ το πλοιον ωϲτε αυτο ηδη γεμιζεϲθαι
38 και ην αυτοϲ εν τη πρυμνη επι προϲ κεφαλαιου καθευδων και διεγειρα̅τεϲ αυτον λεγουϲιν διδαϲκαλε ου μελει ϲοι οτι απολλυμεθα
39 και εγερθειϲ επετιμηϲεν τω ανεμω και τη θαλαϲϲη και ειπεν φιμωθητι και εκοπαϲεν ο ανεμοϲ και εγενετο γαληνη
40 και λεγει αυτοιϲ τι διλοι εϲται ουτωϲ εχεται πιϲτιν
41 και εφοβηθηϲαν φοβον μεγαν και ελεγον προϲ αλληλουϲ τιϲ αρα ουτοϲ εϲτιν οτι η θαλαϲϲα οι ανεμοι υπακουουϲιν αυτω
Примечания:
17 [4] a {ϲκανδαλιζονται}
31 [5] a {μικροτεροϲ}
32 [6] {λαχανων και}
Нашли в тексте ошибку? Выделите её и нажмите:
Ctrl + Enter
Евангелие от Марка, 4 ΚΕΦΆΛΑΙΟ. Вашингтонский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.