1 και τινεϲ κατελθοντεϲ απο τηϲ ιουδαιαϲ εδιδαϲκον τουϲ αδελφουϲ οτι εαν μη περιτμηθητε και τω εθει μωϲεωϲ περιπατητε ου δυναϲθε ϲωθηναι
2 γενομενηϲ δε εκταϲεωϲ και ζητηϲεωϲ ουκ ολιγηϲ τω παυλω και βαρναβα ϲυν αυτοιϲ ελεγεν γαρ ο παυλοϲ μενειν ουτωϲ καθωϲ επιϲτευϲαν διιϲχυριζομενοϲ οι δε εληλυθοτεϲ απο ιερουϲαλημ παρηγγειλαν αυτοιϲ τω παυλω και βαρναβα και τιϲιν αλλοιϲ αναβαινειν προϲ τουϲ αποϲτολουϲ και πρεϲβυτερουϲ ειϲ ιερουϲαλημ οπωϲ κριθωϲιν επ αυτοιϲ περι του ζητηματοϲ τουτου
3 οι μεν ουν προπεμφθεντεϲ υπο τηϲ εκκληϲιαϲ διηρχοντο την τε φοινικην και την ϲαμαριαν εκδιηγουμενοι την επιϲτροφην των εθνων και εποιουν χαραν μεγαλην παϲιν τοιϲ αδελφοιϲ
4 παραγενομενοι δε ειϲ ιερουϲαλημ παρεδοθηϲαν μεγωϲ υπο τηϲ εκκληϲιαϲ και των αποϲτολων και των πρεϲβυτερων απηγγειλαντεϲ οϲα εποιηϲεν ο θ̅ϲ̅ μετ αυτω̅ οι δε παραγγειλαντεϲ αυτοιϲ αναβαινειν προϲ τουϲ πρεϲβυτερουϲ
5 εξανεϲτηϲαν λεγοντεϲ τινεϲ απο τηϲ ερεϲεωϲ των φαριϲαιων πεπιϲτευκοτεϲ οτι δει περιτεμνειν αυτουϲ παραγγελλειν δε τηρειν τον νομον μωϲεωϲ
6 ϲυνηχθηϲαν δε οι αποϲτολοι και πρεϲβυτεροι ιδειν περι του λογου τουτου
7 πολληϲ δε ϲυνζητηϲεωϲ γενομενηϲ {ανεϲτηϲεν εν π̅ν̅ι̅ πετροϲ και} [28] ειπεν προϲ αυτουϲ ανδρεϲ αδελφοι υμειϲ επιϲταϲθαι οτι αφ ημερων αρχαιων ημειν ο θ̅ϲ̅ εξελεξατο δια ϲτοματοϲ μου ακουϲαι τα εθνη τον λογον του ευαγγελιου και πιϲτευϲαι
8 ο δε καρδιογνωϲτηϲ ο θ̅ϲ̅ εμαρτυρηϲεν αυτοιϲ δου επ αυτουϲ το π̅ν̅α̅ το αγιον καθωϲ και ημειν
9 και ουδεν διεκρεινεν μεταξυ ημων και αυτων τη πιϲτει καθαριϲαϲ ταϲ καρδιαϲ αυτων
10 νυν ουν τι πιραζετε τον θ̅ν̅ επιθειναι ζυγον επι τον τραχηλον των μαθητω̅ ον ουτε οι πατερεϲ ημων ουτε ημειϲ ιϲχυϲαμεν βαϲταϲαι
11 αλλα δια τηϲ χαριτοϲ του κ̅υ̅ ι̅η̅υ̅ χ̅ρ̅υ̅ πιϲτευϲομεν ϲωθηναι καθ ον τροπον κακεινοι ϲυνκατατεθεμενων δε των πρεϲβυτερω̅ τοιϲ υπο του πετρου ειρημενοιϲ
12 εϲειγηϲεν παν το πληθοϲ και ηκουον βαρναβαν και παυλον εξηγουμενοι οϲα εποιηϲεν ο θ̅ϲ̅ ϲημεια και τερατα εν τοιϲ εθνεϲιν δι αυτων
13 μετα δε το ϲειγηϲαι αυτουϲ αναϲταϲ ιακωβοϲ ειπεν ανδρεϲ αδελφοι ακουϲατε μου
14 ϲυμεων εξηγηϲατο καθωϲ πρωτον ο θ̅ϲ̅ επεϲκεψατο λαβειν εξ εθνων λαον τω ονοματι αυτου
15 και ουτωϲ ϲυνφωνηϲουϲιν οι λογοι των προφητων καθωϲ γεγραπται
16 μετα δε ταυτα επιϲτρεψω και ανοικοδομηϲω την ϲκηνην δαυειδ την πεπτωκυιαν και τα κατεϲκαμμενα αυτηϲ ανοικοδομηϲω και ανορθωϲω αυτην
17 οπωϲ αν εκζητηϲωϲιν οι καταλοιποι των ανθρωπων τον θ̅ν̅ και παντα τα εθνη εφ ουϲ επικεκληται το ονομα μου επ αυτουϲ λεγει κ̅ϲ̅ ποιηϲει ταυτα
18 γνωϲτον απ αιωνοϲ εϲτιν τω κ̅ω̅ το εργον αυτου
19 διο εγω κρεινω μη παρενοχλειν τοιϲ απο των εθνων επιϲτρεφουϲιν επι τον θ̅ν̅
20 αλλα επιϲτειλαι αυτοιϲ του απεχεϲθαι των αλιϲγηματων των ειδωλων και τηϲ πορνειαϲ και του αιματοϲ και οϲα μη θελουϲιν εαυτοιϲ γεινεϲθαι ετεροιϲ μη ποιειτε
21 μωυϲηϲ γαρ εκ γενεων αρχαιων κατα πολιν εχει τουϲ κηρυϲϲονταϲ αυτον εχει εν ταιϲ ϲυναγωγαιϲ κατα παν ϲαββατον αναγεινωϲκομενοϲ
22 τοτε εδοξαϲεν τοιϲ αποϲτολοιϲ και τοιϲ πρεϲβυτεροιϲ ϲυν ολη τη εκκληϲια εκλεξαμενουϲ ανδραϲ εξ αυτων πεμψαι ειϲ αντιοχειαν ϲυν παυλω και βαρναβα ιουδαν τον καλουμενον βαραββαν και ϲειλα̅ ανδραϲ ηγουμενουϲ εν τοιϲ αδελφοιϲ
23 γραψαντεϲ επιϲτολην δια χειροϲ αυτων περιεχουϲαν ταδε οι αποϲτολοι και οι πρεϲβυτεροι αδελφοι τοιϲ κα την αντιοχειαν και ϲυρειαν και κιλειαν τοιϲ εξ εθνων αδελφοιϲ χαιρειν
24 επιδη ηκουϲαμεν οτι τινεϲ εξ ημων εξελθοντεϲ εξεταραξαν υμαϲ λογοιϲ αναϲκευαζοντεϲ ταϲ ψυχαϲ υμων οιϲ ου διεϲτειλομεθα
25 εδοξεν ημειν γενομενοιϲ ομοθυμαδον εκλεξαμενουϲ ανδραϲ πεμψαι προϲ υμαϲ ϲυν τοιϲ αγαπητοιϲ υμων βαρναβα και παυλω
26 ανθρωποιϲ παραδεδωκαϲιν την ψυχην αυτων υπερ του ονοματοϲ του κ̅υ̅ ημων ι̅η̅υ̅ χ̅ρ̅υ̅ ειϲ παντα πειραϲμον
27 απεϲταλκαμεν ουν ιουδαν και ϲιλαν και αυτουϲ δια λογου απαγγελουνταϲ ταυτα
28 εδοξεν γαρ τω αγιω π̅ν̅ι̅ και ημειν μηδεν πλειον επιτιθεϲθαι ημειν βαροϲ πλην τουτων επαναγκεϲ
29 απεχεϲθαι ειδωλοθυτων και αιματοϲ και πορνιαϲ και οϲα μη θελετε εαυτοιϲ γεινεϲθαι ετερω μη ποιειν αφ ων διατηρουντεϲ εαυτουϲ ευ πραξατε φερομενοι εν τω αγιω π̅ν̅ι̅ ερρωϲθε
30 οι μεν ουν απολυθεντεϲ εν ημεραιϲ ολιγαιϲ κατηλθον ειϲ αντιοχειαν και ϲυναγοντεϲ το πληθοϲ επεδωκαν την επιϲτολην
31 αναγνοντεϲ δε εχαρηϲαν επι τη παρακληϲει
32 ιουδαϲ δε και ϲειλαϲ και αυτοι προφηται οντεϲ πληρειϲ π̅ν̅ϲ̅ αγιου δια λογου παρεκαλεϲαν τουϲ αδελφουϲ {οντεϲ πληρειϲ} [29]
33 ποιηϲαντεϲ δε χρονον απελυθηϲαν μετ ειρηνηϲ απο των αδελφων προϲ τουϲ αποϲτειλανταϲ αυτουϲ
34 εδοξε δε τω ϲειλεα επιμειναι αυτουϲ μονοϲ δε ιουδαϲ επορευθη
35 ο δε παυλοϲ και βαρναβαϲ διετρειβον εν αντιοχεια διδαϲκοντεϲ και ευαγγελιζομενοι και μετα ετερων πολλων τον λογον του ��
36 μετα δε τιναϲ ημεραϲ ειπεν ο παυλοϲ προϲ βαρναβαν επιϲτρεψαντεϲ δη επιϲκεψωμεθα τουϲ αδελφουϲ τουϲ κατα παϲαν πολιν εν οιϲ κατηνγειλαμε̅ τον λογον του κ̅υ̅ πωϲ εχουϲιν
37 βαρναβαϲ δε εβουλευετο ϲυνπαραλαβειν ιωανην τον επικαλουμενον μαρκον
38 παυλοϲ δε ουκ εβουλετο λεγων τον αποϲτηϲαντα απ αυτων απο παμφυλιαϲ και μη ϲυνελθοντα ειϲ το εργον ειϲ ο επεμφθηϲαν τουτον μη ειναι ϲυν αυτοιϲ
39 εγενετο δε παροξυϲμοϲ ωϲτε αποχωριϲθηναι αυτουϲ απ αλληλων τοτε βαρναβαϲ παραλαβων τον μαρκον επλευϲεν ειϲ κυπρον
40 παυλοϲ δε επιδεξαμενοϲ ϲειλαν εξηλθεν παραδοθειϲ τη χαριτι κ̅υ̅ απο των αδελφω̅
41 διηρχετο δε την ϲυριαν και την κιλικιαν επιϲτηριζων ταϲ εκκληϲιαϲ παραδιδουϲ ταϲ εντολαϲ των πρεϲβυτερων
Примечания:
7 [28] {αναϲταϲ πετροϲ}
32 [29] {και επεϲτηριξαν}
Нашли в тексте ошибку? Выделите её и нажмите:
Ctrl + Enter
Деяния апостолов, 15 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.