ΚΑΙΝΉ ΔΙΑΘΉΚΗ » Codex 05 Кодекс Безы — 5 век

ΠΡΑΞΕΙΣ 7 ΠΡΑΞΕΙΣ ΤΩΝ ΑΠΟΣΤΟΛΩΝ 7 ΚΕΦΆΛΑΙΟ

1 ειπεν δε ο αρχιερευϲ τω ϲτεφανω ει αρα τουτο ουτωϲ εχει
2 ο δε εφη ανδρεϲ αδελφη και πατερεϲ ακουϲατε ο θ̅ϲ̅ τηϲ δοξηϲ ωφθη τω πατρι ημων αβρααμ οντι εν τη μεϲοποταμια πριν η κατοικηϲαι αυτον εν χαραν
3 και ειπεν προϲ αυτον εξηλθε απο τηϲ γηϲ ϲου και τηϲ ϲυνγενιαϲ ϲου και δευρο ει ειϲ την γην ην αν ϲοι δειξω
4 τοτε αβρααμ εξελθων εκ γηϲ χαλδαιων και κατωκηϲεν εν χαρραν κακει ην μετα το αποθανειν τον πατερα αυτου και μετωκηϲεν αυτον ειϲ την γην ταυτην ειϲ ην υμειϲ νυν κατοικειται και οι πατερεϲ ημων οι προ ημων
5 και ουκ εδωκεν αυτω κληρονομιαν εν αυτη ουδε βημα ποδοϲ αλλ επηγγειλατο δουναι αυτω ειϲ καταϲχεϲιν αυτην και τω ϲπερματι αυτου μετ αυτον ουκ οντοϲ αυτω τεκνου
6 ελαληϲεν δε ουτωϲ ο θ̅ϲ̅ προϲ αυτον οτι εϲται το ϲπερμα αυτου παροικον εν γη αλλοτρια και δουλωϲουϲιν αυτουϲ και κακωϲουϲιν ετη υ̅
7 και το εθνοϲ ω αν δουλευϲουϲιν κρινω εγω ειπεν ο θ̅ϲ̅ και μετα ταυτα εξελευϲονται και λατρευϲουϲιν μοι εν τω τοπω τουτω
8 και εδωκεν αυτω διαθηκην περιτομηϲ και ουτωϲ εγεννηϲεν τον ιϲακ και περιετεμεν αυτον τη ημερα τη ογδοη και ο ιϲακ τον ιακωβ και ιακωβ τουϲ ι̅β̅ πατριαρχαϲ
9 και οι πατριαρχαι ζηλωϲαντεϲ τον ιωϲηφ απεδοντο ειϲ αιγυπτον και ην ο θ̅ϲ̅ μετ αυτου
10 και εξιλατο αυτον εκ παϲων των θλειψεων αυτου και εδωκεν χαριν αυτω και ϲοφιαν εναντιον φαραω βαϲιλεωϲ αιγυπτου και κατεϲτηϲεν αυτον ηγουμενον επ αιγυπτο̅ και ολον τον οικον αυτου
11 ηλθεν δε λειμοϲ εφ οληϲ τηϲ αιγυπτου και χανααν και θλειψειϲ μεγαλη και ουχ ευριϲκον χορταϲματα οι πατερεϲ ημω̅
12 ακουϲαϲ ουν ιακωβ οντα ϲειτια εν αιγυπτω εξαπεϲτειλεν τουϲ πατεραϲ ημων πρωτον
13 και επι τω δευτερω ανεγνωριϲθη ιωϲηφ τοιϲ αδελφοιϲ αυτου και φανερον εγενηθη τω φαραω το γενοϲ του ιωϲηφ
14 αποϲτειλαϲ δε ιωϲηφ μετεκαλεϲατο ιακωβ τον πατερα αυτου και παϲαν την ϲυνγενειαν αυτου εν ο̅ και ε̅ ψυχαιϲ
15 κατεβη ιακωβ ειϲ αιγυπτον και ετελευτηϲεν αυτοϲ τε και οι πατερεϲ ημω̅
16 και μετηχθηϲαν ειϲ ϲυχεν και ετεθηϲαν εν τω μνηματι ω ωνηϲατο αβρααμ τειμηϲ αργυριου παρα των υιων εμμωρ του ϲυχεμ
17 καθωϲ δε ηγγιζεν ο χρονοϲ τηϲ επαγγελιαϲ ηϲ επηγγειλατο ο θ̅ϲ̅ τω αβρααμ ηυξηϲεν ο λαοϲ και επληθυνθη εν εγυπτω
18 αχρι ου ανεϲτη βαϲιλευϲ ετεροϲ οϲ ουκ εμνηϲθη του ιωϲηφ
19 και καταϲοφιϲαμενοϲ το γενοϲ ημων εκακωϲεν τουϲ πατεραϲ του ποιειν εκθετα τα βρεφη αυτων ειϲ το μη ζωογονειϲθε
20 εν ω καιρω εγεννηθη μωυϲηϲ και ην αϲτιοϲ τω θ̅ω̅ οϲ ανετραφη μηναϲ τριϲ εν τω οικω του πατροϲ αυτου
21 εκτεθεντοϲ δε αυτου παρα τον ποταμον ανειλατο αυτον η θυγατηρ φαραω ανεθρεψατο αυτη ειϲ υιον
22 και επεδευθη μωυϲηϲ παϲαν την ϲοφιαν αιγυπτιω̅ ην τε δυνατοϲ εν λογοιϲ και εργοιϲ αυτου
23 ωϲ δε επληρουτο μ̅ ετηϲ αυτω χρονοϲ ανεβη επι την καρδιαν αυτου επιϲκεψαϲθαι τουϲ αδελφουϲ αυτου τουϲ υιουϲ ιϲραηλ
24 και ιδων τινα αδικουμενον εκ του γενουϲ ημυνετο και εποιηϲεν εκδικηϲιν τω καταπονουμενω παταξαϲ τον αιγυπτιο̅ και εκρυψεν αυτον εν τη αμμω
25 ενομιζον δε ϲυνιεναι τουϲ αδελφουϲ αυτου οτι ο θ̅ϲ̅ δια χειροϲ αυτου διδωϲει ϲωτηριαν αυτοιϲ οι δε ϲυνηκαν
26 τοτε επιουϲη ημερα ωφθη αυτοιϲ μαχομενοϲ και ειδεν αυτουϲ αδικουνταϲ και ϲυνηλλαϲϲεν αυτουϲ ειϲ ειρηνην ειπω̅ τι ποιειτε ανδρεϲ αδελφοι ινα τι αδεικειται ειϲ αλληλουϲ
27 ο δε αδικων τον πληϲιον απωϲατο αυτον ειπαϲ τιϲ ϲε κατεϲτηϲεν αρχοντα και δικαϲτην εφ ημαϲ
28 μη ανελειν με ϲυ θελειϲ ον τροπον ανειλεϲ αιχθεϲ τον αιγυπτιον
29 ουτωϲ και εφυγαδευϲεν μωυϲηϲ εν τω λογω τουτω και εγενετο παροικοϲ εν γη μαδιαμ ου εγεννηϲεν υιουϲ δυω
30 και μετα ταυτα πληϲθεντων αυτω ετη μ̅ ωφθη αυτω εν τη ερημω του ορου ϲεινα αγγελοϲ κ̅υ̅ εν φλογι πυροϲ βατου
31 ο δε μωυϲηϲ ειδων εθαυμαζεν το οραμα και προϲερχομενου αυτου και κατανοηϲαι ο κ̅ϲ̅ ειπεν αυτω λεγων
32 εγω ο θ̅ϲ̅ των πατερων ϲου ο θ̅ϲ̅ αβρααμ και θ̅ϲ̅ ιϲακ και θ̅ϲ̅ ιακωβ εντρομοϲ δε γενομενοϲ μωυϲηϲ ουκ ετολμα κατανοηϲαι
33 και εγενετο φωνη προϲ αυτον λυϲαν το υποδημα των ποδων ϲου ο γαρ τοποϲ ου εϲτηκαϲ γη αγια εϲτιν
34 και ιδων γαρ ιδον την κακωϲιν του λαου του εν εγυπτω και του ϲτεναγμου αυτου ακηκοα και κατεβην εξελεϲθαι αυτουϲ και νυν δευρο αποϲτειλω ϲε ειϲ αιγυπτον
35 τουτον τον μωυϲην ον ηρνηϲαντο ειποντεϲ τιϲ ϲε κατεϲτηϲεν αρχοντα και δικαϲτην εφ ημω̅ τουτον ο θ̅ϲ̅ και αρχοντα και λυτρωτην απεϲταλκεν ϲυν χειρι αγγελου του οφθεντοϲ αυτω εν τη βατω
36 ουτοϲ εξηγαγεν αυτουϲ ο ποιηϲαϲ τερατα και ϲημεια εν γη αιγυπτου και εν υρεθρα θαλαϲϲη και εν τη ερημω ετη μ̅
37 ουτοϲ εϲτιν μωυϲηϲ ο ειπαϲ τοιϲ υιοιϲ ιϲραηλ προφητην υμειν αναϲτηϲει ο θ̅ϲ̅ εκ των αδελφων υμων ωϲει εμε αυτου {ακουεϲθε} [15]
38 ουτοϲ εϲτιν ο γενομενοϲ εν τη εκκληϲια εν τη ερημω μετα του αγγελου λαλουντοϲ αυτω εν τω ορει ϲεινα και των πατερων ημων οϲ εδεξατο λογια ζωντα δουναι ημιν
39 οτι ουκ ηθεληϲαν υπηκοοι γενεϲθε οι πατερεϲ ημων αλλα απωϲαντο και απεϲτραφηϲαν ταιϲ καρδιαιϲ ειϲ αιγυπτο̅
40 ειπαντεϲ τω ααρων ποιηϲον ημειν θεουϲ οι προπορευϲονται ημων ο γαρ μωυϲηϲ ουτοϲ οϲ εξηγαγεν ημαϲ εκ γηϲ αιγυπτου ουκ οιδαμεν τι γεγονεν αυτω
41 και εμοϲχοποιηϲαν εν ταιϲ ημεραιϲ εκειναιϲ και {ανηγοντο} [16] θυϲιαν τω ειδωλω και ηυφραινοντο εν τοιϲ εργοιϲ των χειρων αυτων
42 εϲτρεψεν δε ο θ̅ϲ̅ και παρεδωκεν αυτουϲ λατρευειν τη ϲτρατεια του ουρανου καθωϲ γεγραπται εν βιβλω προφητων μη ϲφαγια και θυϲιαϲ προϲηνεγκατε μοι ετη μ̅ εν τη ερημω οικοϲ ιϲραηλ
43 και ανελαβετε την ϲκηνην του μολοχ και το αϲτρον του θ̅υ̅ ρεμφαμ τουϲ τυπουϲ ουϲ εποιηϲατε προϲκυνειν αυτοιϲ και μετοικιω υμαϲ επι τα μερη βαβυλωνοϲ
44 η ϲκηνη του μαρτυριου ην εν τοιϲ πατερεϲιν ημων εν τη ερημω καθωϲ διεταξατο λαλων τω μωυϲι ποιηϲαι αυτην κατα το ������πον ον εορακεν
45 ην και ειϲηγαγον διαδεξαμενοι οι πατερεϲ ημων μετα ιηϲουν εν τη καταϲχεϲει των εθνων ων εξωϲεν ο θ̅ϲ̅ απο προϲωπου των πατερων υμων εωϲ των ημερων δαυειδ
46 οϲ ευρε χαριν ενωπιον του θ̅υ̅ και ητηϲατο ϲκηνωμα ευρειν τω οικω ιακωβ
47 ϲολομων δε οικοδομηϲεν αυτω οικον
48 ο δε υψιϲτοϲ ου κατοικει εν χειροποιητοιϲ ωϲ ο προφητηϲ λεγει
49 ο ουρανοϲ μου εϲτιν θρονοϲ η δε γη υποποδιον των ποδων μου ποιον οικον οικοδομηϲεται μοι λεγει κ̅ϲ̅ η ποιοϲ τοποϲ τηϲ καταπαυϲεωϲ μου εϲτι̅
50 ουχι η χειρ μου εποιηϲεν παντα ταυτα
51 ϲκληροτραχηλοι και απεριτμητοι καρδιαιϲ και τοιϲ ωϲιν υμειϲ αει τω π̅ν̅ι̅ τω αγιω αντιπιπτεται καθωϲ οι πατερεϲ και υμων
52 τινα των προφητων ουκ εδιωξαν εκεινοι και απεκτειναν αυτουϲ τουϲ προκαταγγελλονταϲ περι ελευϲεωϲ του δικαιου ου νυν υμειϲ προδοται και φονειϲ εγενεϲθαι
53 {οιτιτεινε} [17] ελαβετε τον νομον ειϲ διαταγαϲ αγγελων και ουκ εφυλαξατε
54 ακουϲαντεϲ δε αυτου διεπριοντο ταιϲ καρδιαιϲ αυτων και εβρυχον τε τουϲ οδονταϲ επ αυτον
55 υπαρχων δε πληρηϲ π̅ν̅ϲ̅ αγιου ατενειϲαϲ ειϲ τον ουρανον ειδε δοξαν θ̅υ̅ και ι̅η̅ν̅ τον κ̅ν̅ εκ δεξιων του θ̅υ̅ εϲτωτα
56 και ειπεν ιδου θεωρω τουϲ ουρανουϲ ηνεωγμενουϲ και τον υιον του ανθρωπου εκ δεξιων εϲτωτα του θ̅υ̅
57 κραξαντεϲ δε φωνη μεγαλη ϲυνεϲχαν τα ωτα αυτων και ωρμηϲαν ομοθυμαδον επ αυτον
58 και εκβαλοντεϲ εξω τηϲ πολεωϲ ελιθοβολουν αυτον και οι μαρτυρεϲ απεθεντο τα ειματια αυτων παρα τουϲ ποδαϲ νεανιου τινοϲ καλουμενου ϲαυλου
59 και ελιθοβολουν τον ϲτεφανον επικαλουμενον και λεγοντα κ̅ε̅ ι̅η̅υ̅ δεξε το π̅ν̅α̅ μου
60 θειϲ τα γονατα εκραξεν φωνην μεγαλην λεγων κ̅ε̅ μη ϲτηϲειϲ αυτοιϲ ταυτην την αμαρτια̅ και τουτο ειπων εκοιμηθη

Примечания:

37  [15] {ακουϲεϲθε}
41  [16] {ανηγαγον}
53  [17] {οιτινεϲ}

Нашли в тексте ошибку? Выделите её и нажмите: Ctrl + Enter

Деяния апостолов, 7 ΚΕΦΆΛΑΙΟ. Кодекс Безы — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖИТЕ НАС

ΠΡΑΞΕΙΣ 7 ΚΕΦΆΛΑΙΟ в переводах:
ΠΡΑΞΕΙΣ 7 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.